Yosua 1:11 - Ma Jou ai Demo-demo o Totobelohoka

¹¹ Ho wahuloko onangika wato, “Ngini o dimo-dimono kiani niatutumu ti ngini nia kokawaaha mata-mataika nia doomu homoi-homoiika. De niahingahu onangika hokonaa, niato, ‘Itigioka hosobo ho mata-mata abe ngini niperelu nimahidiai. Ho ngini kiani ma oraha naa nimahidiaioka hiadono nia bilaonoo ibooto angamoi hangeoka dika de ngone hosobo o Yorodani ma akerika la ahao ka idadi homahihora hotobongo doka ma honongaika! Naa adonoka ma oraha abe ngini ka idadi nimahitingini ma tonaka gea abe Ma Jou o Yawe, ti ngini nia Jou, winihidoakoka nginika.’ Hokogea ngini o dimo-dimono niahingahu nia nyawaika la ma oraha hosobo de ona mata-mataika kiani yomahidiaioka.” Hokogea o Yosua ai behehongo o Isiraele ma nyawaika abe kiani ona manga dimo-dimonoli yadofangoli manga doomu homoi-homoiika.

Yosua 1:11 ပူးပေါင်းရင်းမြစ်များ

Huhupu 19:11

Ho de ma wange hangeoka de gea ona mata-mata yomahidiaioka angamoi duru o wange gea Ngohi touti o Sinai ma lokuku naa. De ona mata-mata yohimanga o lokuino la ihimake ma oraha touti o lokuku naa.

Higalioli 3:18

“De ma oraha gea tahikodoku ma tonaka de naga o huhuloko ma demo tinihingahu nginika abe dina o Yorodani ma akere ma honongaoko nimanoa. Abe ma huhuloko ma demo itemo hokonaa, ato, ‘Ti ngini nia Jou o Yawe winihidoakoka nia tonaka naa la idadi ti ngini. De ngaro hokogea masara kiani ti ngini nia nau-nauru abe ka idadi yoparangi, ona gea mata-mata kiani yagorakohi manga parangi ma dae de yomahidiaioka la yomaketeparangi de nanga musu. Abe kiani yahihira-hira manga gogianongoru la ona ka ma moi yomahihora doka o Yorodani ma akere ma honongaika de yomaketeparangi nanga musuika.

Yosua 1:10

Ho gea o Yosua ai karajaanga womulaengoka wagoraka abe watoomuino o Isiraele ma nyawa manga dimo-dimono la wahingahu hokokia yomahidiai la yosobo.

Yosua 1:2

“Yosua, abe naa ahi duduhunu o Musa wohonengoka ho ngonali nituruuru abe ngonali natagongo to una ai karajaanga. Ho ngona kiani ahi nyawa nahihira-hira nahingohama ma tonakika abe Ngohi tahidoaka o Isiraele ma nyawaika. Ho o Yorodani ma akere doka ma honongaika ngini nimahihora la nikokiwohama ma tonakika gea.

Yosua 3:2

De ona manga wange hange ipaha genangoka de ahao manga hihira yaika yaino yatutumu manga nyawaika.