Yohanese 9:8 - Ma Jou ai Demo-demo o Totobelohoka

⁸ Ho ona yogogere worafi-rafi ai tau ma datekoka de o nyawa utu abe ma dihirainohi iwimake womagaho-gahoko, ona genangoka yomakokeleha ato, “Naa una gea abe ma dihiraino worafi e? Abe ma ngoe himake wogogeruku la gea womagaho-gahoko ngoneino.”

Yohanese 9:8 ပူးပေါင်းရင်းမြစ်များ

Maruku 10:46

De o Yesusu de iwinii-niiki manga dodagi yogila-gila de ahao yomahiadonoka o Yeriko ma kapongika. De ipaha abe ma oraha yohupu o Yerikoino de naga o nyawa ko manga ngoe yaniiki. De naga womatengo worafi-rafi womagoo-gogere o ngekomo ma datekoka. Una gea ai romanga o Batimeusu, abe o Timeusu ai ngofaka. Una gea wotobagaho-gahoko o duduhunu o nyawaino abe yotagi-tagi ma ngekomino gea.

Lukasa 1:58

De ami dutu de abe ami date-datekoka ona yoihene ma abari gea abe Ma Jou womihimatoko ai dora kohaamoko o ngo Elisabetika, ho yomatoomuino munangoka la ona de muna ka yomataigaragoika ma titi ami ngofaka womihidoaka munangika.

Lukasa 18:35

De ipahainoli de o Yesusu de iwinii-niiki yogila-gilali manga dodagioka de yomahitigino o Yeriko ma kotaino. De naga womatengo worafi-rafi womagoo-gogere o ngekomo ma datekoka de womatobagaho-gahoko o tiwi o nyawaino abe iwitotilakuru.

Yohanese 9:9

De naga utu ato, “Iya, marai una gea.” Masara naga utu ato, “Ou, ko unangua! Marai yomakadaene dika manga himanga masara, ko unangua!” De ahao worafi-rafi, una ma hirete womahingahu wato, “Naa ngohi!”

Ruutu 1:19

Ho o ngo Orpa molio ho yomakitingaka de o ngo Naomi de o ngo Ruutu ho ona yahinooto dika yogila-gila hiadono yoboa o Beteleheeme ma kotaika. De ka de yomahiadonoka o Beteleheeme ma kotaka de o Beteleheeme ma nyawa duru yoheranga ma oraha imimake o ngo Naomi. De o ngo-ngofeka abe ma dihira imitobadodiawo munangika yomakokeleha ato, “Igoungu, naa muna o ngo Tobasanangi moboaka?”

1 Samuele 2:8

De ona yomanoa o huha ma ngioka wagorakino la waduhunu, De ona yomanoa o hohedu ma ngioka wahihupu genangino, De wahigogere o kokoano manga ngofa-ngofaka manga hidogoronaka, De hiadono yamake o kadera abe de ma horomatioka. Hokogea igoungu Ma Jou o Yawe ai kuaha mata-mataika, Abe o duniaoo igogere Ma Jou o Yawe ai kuahaka.

1 Samuele 21:11

Masara o Akisi ai nyawa abe manga gogere hatoli ikokurutiye ona iwigurubungu manga koanoika ma titi o Dautu. Abe ona yotemo ato, “Boteua una naa o Dautu abe wodadi ai tonaka ma koano! Abe to una ai nyawa duru iwihigiriiri unangika manga dakoro ma demoka, de gea yonyanyi ato, ‘Nako o Saulu una wahohonenge nanga musu yasana, Masara o Dautu wahohonenge nanga musu yasana ngimoi yofoloi.’ Hokogea ai nyawa iwihigiriiri unangika ho koaho ufa hihigunoa womanoa ngoneoka!”