Yohanese 9:41 - Ma Jou ai Demo-demo o Totobelohoka

⁴¹ De o Yesusu wapaluhu onangika wato, “Nako de ma titi nginioo hoka nirafioka, abe igoungu ko niwihiorikua Ma Jou, gea ko iwa nia howono hiadono inihohowono. Masara angamoi ngini nimagoraka niato ma gou-goungu abe Ma Jouino duru nihioriki, ngaro ko nihiorikua, gea nimahitaana abe itiai ti ngini nia hohowono ka inidaenohi.” Hokogea o Yesusu wahidumutu manga sade onangika.

Yohanese 9:41 ပူးပေါင်းရင်းမြစ်များ

Yesaya 5:21

De ngini onagona dika abe nimaetongo de nimahiromanga o sosawaro ma nyawa de naga de nia tobahiorikoka, nginioo o bobinaaha dika naga inidodamaa.

Lukasa 12:47

De ma duduhunu gea wamake ai hohowono duru itubuho abe duru iwipoha-poha angamoi una ngaro wohioriki to ai dutu ai mau masara ko wodiaiua. Abe ngaro wohioriki ai dutu ahao woboali masara ko iwa ai hidiai.”

Lukasa 18:14

De o Yesusu wato, “De naa moi tinihingahu, abe ma oraha ona yahinooto yoborilio manga tauika de womatengo dika wototiaioka Ma Jou ai himangoka, de gea una wotobagaho-gahoko o pajaka ma tiwi o nyawaika. Masara nako womatengoli abe womagorakiye ai niniata ma demo ma goronaka, una gea Ma Jou ko wietongua wototiai. Angamoi onagona dika yomagorakiye ahao Ma Jou wahitipokouku, de onagona dika yomahitipokouku ahao Ma Jou wagorakiye.”

Ibarani 10:26

De naa ngohi tonahitiari ngoneino. Abe nako hiadono ngone duru hodafongoka ma gou-goungika abe hamake nanga ngongaku ma dodotokoka de aino, de gea hodafongoka masara ahao nanga hiningaka homaputuhu la ka hahowo-howonoli Unangika, de gea ngone haolukokali to Kristusu ai huhuba ma titi ngoneino. De nako hiadono to Una ai huhuba haolukoka, ahao duru ko iwa o huhuba utuoli abe ka akunu ihiofi nanga howo-howono gea.

Yakobusu 4:17

Ho naa ngohi tinihibehehongo nginika tato onagona dika abe ona ihiorikoka abe o totiai ma datoro moi tanu kiani yodiai masara gea ko yodiaiua, ona gea yahowonoka.