De genangoka womatengo wimakeika abe naga ai giama ma hononga iheluku. De nagali o Farisi ma nyawa yamuruono naga genangoka de ona iwibole ma goa-goa o Yesusika ato, “Nako nanga Pareta haniiki, sarakia, o Hiaini ma wangeoka de itiai hahitogumu o nyawaika eko ko itiaiua?” Ho hokogea iwileha angamoi ona yoigo la naga moi ai demoino abe ka idadi ihititi genangino la ka idadi iwitaere ato Una wahowonoka ma titi ma Paretaino.
Yohanese 9:16 - Ma Jou ai Demo-demo o Totobelohoka16 De o Farisi ma nyawa utu gea yotemo ato, “Masara nako hokogea wodiai o Hiaini ma wangeoka gea Una ko Ma Jouinoua angamoi to ngone nanga pareta watilakuroka.” Masara naga utu yotemo ato, “Ma, abeika ai dodunguu duru inahiheranga, nako Una o howo-howono ma nyawa ko idadiua wodiai hokogea.” Hokogea utu yotemo hiadono o Farisi ma nyawa gea duru yomaketeliliara. အခန်းကိုကြည့်ပါ။ |
Yohanese 9:16
18 ပူးပေါင်းရင်းမြစ်များ
Masara o Farisi manga doomuino ma nyawa yamuruono naga ona yamake abe ma oraha ona yomagutuku de duru iwitaere o Yesusika abe ma titi iwinii-niiki manga datoro gea. De o Farisi ma nyawa manga dodaere ma demo ato, “Abeika to Ngona ani nyawa abe ininii-niiki gea ona yatilakuroka to ngone nanga Pareta ma titi o Hiaini ma wange ma hiaturu. Abe ko idadiua yokarajaanga hokogea angamoi gea yomaino-inomo o Hiaini ma wangeoka!”
Masara o dodotoko ma tauoka ma hidimono una ai hiningaka de duru wongamoholi ma titi o Hiaini ma wangeoka de o Yesusu womihitogumu munangika. De ma hidimono gea wotemo o nyawa yowoe-woeika wato, “Ngini nihioriki to ngone nanga Pareta, abe inahitiari ato naga o wange butaangaino abe ka idadi hokarajaanga, masara o Hiaini ma wange ko idadiua. Ho abe nginioka nioigo niato nitogumu nia kokangelaino, gea ngini kiani niboa ka o wange ma homoa dika, ma ufa niboa o Hiaini ma wangeoka la niato inihitogumu nginika!”
Ngini kiani ahi demo niangaku abe hoka totemoka tato, ‘Ngohi togogere ahi Babaka de ahi Baba wogogere Ngohioka.’ Abe ngini naa ma dekanino nihinii-niiki ho ahi dodunguu o Babaino todiai niamakeoka. Ho ngaro ahi demo ko niangakua ma nginioo nihimake abe o heheranga todiaioka de gea to Unangoo ai dodunguu niamakeoka.
De gea ihidohata ngaro ahi buturungu Ngohi tomahitunguuoka manga himangoka de o heheranga ma ngoe abe ko ma moiuahi o nyawa utu yodiai. Nako hokogenangua tomahitunguu de gea naga ma titi abe ka idadi yomademo la manga hohowono yakuranga. Ma angamoi yamakeoka o heheranga abe ihihitaana Ngohi naa, de ona ka ihidohatohi de ahi Babaoo iwidohata, ho manga hohowono ko idadiua yakuranga.
Ho nagali genangoka o Yahudi ma nyawa manga balu-baluhu. De ona gea ka de iwimake abe una wotogu-togumoka gea ai nanao wao de iwitaere ato, “Adodoa ho hiadono o Hiaini ma wangeoka naa de ani nanao gea nao? Angamoi naga Ma Jou ai Behehongo ma Bukuoka ato ufa o Hiaini ma wangeoka hokarajaanga. Ho gea ma titi nanga bohono naga abe nanga kiahonanga ko idadiua hao o wange naa.”
De o Yesusu ka wahitararonohi o Yahudioka manga balu-baluhika gea wato, “Masara abe Ngohi naa todiai, ena gea ihihitaana abe Ngohi naa Ma Jouoka de taino. Ho ngaro o Yohanese ai hingahu gea itiai ma titi Ngohi, masara naga abe ka enangohi abe duru ihihitaana de gea ma karajaanga abe Ma Jou wohihibehehongo la tabooto todiai. Ho genangoo la ihihitaana Ngohi abe Ma Jou dika wohihidingoto nginino.
Ho ka de hokogea ai baba de ngoi meme yopaluhu ibooto de ahao manga hidimono gea iwiahokoli worafi-rafi la wahimanga. Ho naa ma hinooto iwileha-leha ma titi ato, “Duru kiani Ma Jou dika nigorakiye ho kiani nohibehehongo Ma Jou ai himangoka la ufa nomahipongono. Ngona kiani de ani demo ma gou-goungu nomahingahu angamoi ngomi wiwihiorikoka Una wonihifelanga ani lako, de Una gea o howo-howono ma nyawa.”
ကြော်ငြာတွေ