Yohanese 9:10 - Ma Jou ai Demo-demo o Totobelohoka

¹⁰ De ahao ona iwihuloko ato, “Abeika, nomiade-ade abe hokokia idadi ani lako gea itiaioka ka hiadono ka idadi nomahioriki.”

Yohanese 9:10 ပူးပေါင်းရင်းမြစ်များ

Tobadotoko 11:5

Ngone naa ko hohiorikua o kiaino ma hidaloko iboa eko o kiaika ma dumutu, de duru ko hataokua abe hokokia hiadono o ngofaka ma gilau imadadi o ngofeka ami pokoroka. De hokogenangoo to ngone nanga hininga de ko haboaikaua Ma Jou ai datoro de ai hiaturu, abe Una gea wotobatulaada mata-mataika.

Maruku 4:27

Wohikabarihi ibooto de o futu-futuiye womaidu de o wange-wangeiye womomiki, de ipaha ahao ai bibiti ikokipotokaiyeoka, de ipaha de ikokurutiyeoka. Masara una duru ko wohiorikua hokokia abe iwangoiye.

Yohanese 3:9

Ka de hokogea woihene de o Nikodemusu duru woheranga hiadono wotemo wato, “Ei, ma titi gea marai ngohi ko tomangaratiiuahi.”

Yohanese 6:1

De gea ipahaino de o Yesusu de ona iwinii-niiki yomahihora o Galilea ma akere ma ngooto ma honongaika, abe ma ngooto gea naga ma romanga moioli o Tiberia ma akere ma ngooto. De ma oraha gea o nyawa duru ko manga ngoe iwiniiki o Yesusu. De gea yoigo iwiniiki angamoi yamake o heheranga wodiai o nyawa yopopanyakeika.

Yohanese 9:11

De una woade-ade onangika wato, “Kangano naga womatengo, ai romanga o Yesusu, gea Una wodiai. Abe o tonakino imakadaene hoka o hibauru wodiai, de gea wodiai ibooto de ahao wohiehe ahi lako ma lokuino. Gea ka de wohiehe ibooto de ahao wohihuloko wato, ‘Noiki o Siloama ma taagaika de nomamahau o akeruku gea.’ Ho gea toiki tomamahau hoka wohihulokoka de idadioka tomahioriki.” Hokogea dika woade-ade.

Yohanese 9:15

Ho ka de o Farisi ma nyawa onangoo iwileha abe hokokia idadi unangika de onangikaoo wapaluhu wato, “Una gea wodiai abe ma rupa hoka o hibauru o tonakino, de gea wohiehe daku ahi lako ma lokuino ibooto de ahao wohihuloko la tomamahau. Ho tomamahau ibooto de ka itodokanino tomahioriki. Hokogea dika ai hiaturu ngohino.”

Yohanese 9:21

Masara ngomioo duru ko mihiorikua hokokia idadi hiadono ka idadi womahioriki, de abe o nyawa abe iwihifelanga ai lako onangoo ko miahiorikua. Masara una wobaluhoka ho kiani unangika dika niwileha de una ahao ka idadi winihingahu abe hokokia idadi ai lakoika gea.”

Yohanese 9:26

Ho ona iwilehali ato, “Ho wadodoa ani lakoika? Hokokia wodiai wohifelanga ani lako hiadono ka idadi nomahioriki?”

Yohanese 9:9

De naga utu ato, “Iya, marai una gea.” Masara naga utu ato, “Ou, ko unangua! Marai yomakadaene dika manga himanga masara, ko unangua!” De ahao worafi-rafi, una ma hirete womahingahu wato, “Naa ngohi!”

1 Korintusu 15:35

De masara bote naga o nyawa nginioka yoleha ato, “Done sarakia yohonengoka de yomomiki? De manga badanga ma rupa hokokia ahao yoboali angamoi ena gea ikorofuoka?”