Yohanese 8:46 - Ma Jou ai Demo-demo o Totobelohoka

⁴⁶ Masara ngini niato Ngohi tahowonoka e? Sarakia naga nginioka abe ka idadi nihihitaana abe ma moiokau tahowonoka? Ho nako tagou-goungu dika totemo, gea kiani Ngohi nihingaku e?

Yohanese 8:46 ပူးပေါင်းရင်းမြစ်များ

Matiusu 21:25

Nako nengokadau abe o Yohanese Wotobaohi-ohiki, to una ai kuaha o kiaino ho hiadono o nyawa waohi-ohiki, Ma Jouoka de aino eko o nyawaka dika de aino ai kuaha? Abeika nipaluhu!” Ho ona duru yomakoketemo ma titi ai leleha gea, ho yotemo ato, “Ou, ai leleha naa done sarakia hapaluhu? Nako hipaluhu Unangika hato, ‘Ma Jouoka de aino o Yohanese ai kuaha,’ gea de ahao kiani Una wonalehali wato, ‘Ho gea adodoa ho ko niwingakua unangika?’

Maruku 11:31

Ho ona duru yomakoketemo ma titi ai leleha gea, ho yotemo ato, “Ou, ai leleha naa done sarakia de hopaluhu? Nako hipaluhu Unangika hato, ‘Ma Jouoka de aino o Yohanese ai kuaha,’ gea de ahao kiani Una wonaleha wato, ‘Ho gea adodoa ho ko niwingakua unangika?’

Yohanese 14:30

Ho naa Ngohi ko itedekanokaua de ko tinihitararonokaua abe hokonaa tinihitararono angamoi ena gea abe o dunia yapareta itigioka iboa nginika, ma ena gea ko idadiua ihipareta Ngohino.

Yohanese 15:10

De gea kiani nihihingounu. Ngohi tohingounu ahi Baba ai behehongo mata-mata ho ka ihikaika tomanoa ai doraka. De imaketero hokogea nginioo ka ihikaika nimanoa ahi doraka iti ahi behehongo nihingounu.

Yohanese 16:8

“Gea Una naanguku woboaka de ahao o dunia ma nyawa manga hiningaka wahitararono duru itaana abe ma titi o howono, de ma titi o totiai ma gou-goungu, de ma titi o hohowono o bobinaahaika.

Yohanese 18:37

De o Pilatusu wilehali wato, “Ho igoungu, Ngona o koano?” De o Yesusu wihingahu wato, “Ngona nagoungu nohifetongo nato Ngohi o koano. Abe Ngohi naa toboa o duniauku, de hiadono tomaboa naangoka, gea mangale ma titi la o demo ma gou-goungu ka idadi tahingahu-ngahu o nyawaika. De onagona dika yoigo ma gou-goungu, ona gea ihihigihene.”

Yohanese 8:47

Abeika, onagona dika abe yodadioka Ma Jou ai nyawa, ona gea iwihigihene Unangika. Masara mangale ngini ko niwihigihenua, ho gea itararono abe ngini naa ko to Unangua ai nyawa.” Hokogea o Yesusu wahitararono onangika.

Yohanese 8:7

Ma, ona ka ihikaika iwileha-leha ho womatogumu wotulihi de womaokoiye de watemo onangika wato, “Onagona dika naga nginioka abe ko iwa nia howono, ngini gea ka idadi naa nimulaenge nimihakaru.”

2 Korintusu 5:21

De ka idadi o nyawa yomakadame de Ma Jou angamoi to ngone nanga howo-howono Ma Jou wagoraka ngoneoka de aino de wihinoauku o Yesusu Kristusuku. Abe ngaro to Yesusu Kristusu ma hirete ai howono duru ko iwa, masara Ma Jou wihitagongo to ngone nanga howono o Yesusu Kristusika la gea imaketero hoka Una wodadi to ngone nanga howono. De ai datorino gea de ka idadi Ma Jou ai totiai wonahidoaka ngoneino la imaketero hoka wonahinoauku ai totiai ngoneuku.

Ibarani 4:15

De to ngone nanga Hidemo wokokurutiye Ma Jouika, Una gea ka idadi duru wonahioriki abe to ngone nanga hininga ma buturungu ka ikurangohi. Angamoi Unangoo ma dihiraino de iwihiata-atara ma ngoe, de abe o hiatara mata-mataika inadaene ngone o nyawaino, enangoo gea mata-mata iwidaenoka Unangika. Masara ngaro hokogea iwihiata-atara Unangika, masara Una duru ko wahowonua.

Ibarani 7:26

De abeika ngone hafikirohi to Yesusu ai hininga hokokia. Angamoi Una gea duru wotebi-tebini ho hiadono Ma Jou wisanangi Unangika, angamoi to Una ai hiningaka duru ko iwa ma dorou eko o howono o kia dika. De Una gea iwihikitingakoka ngoneino o howo-howono ma nyawaino, de ma oraha naa duru iwigorakiyeoka ho nako o Horogaka ma gogere mata-mataika, gea ka to Unangohi ai gogere duru ikurutiye. Ho o Yesusu ai wowangoino gea ka idadi ngone hohioriki de itararono abe Una dika ka idadi duru wonahingodumu to ngone nanga perelu mata-mataika.

1 Peturusu 2:22

Abe nako o Kristusu, Una gea duru ko wahowonua, de moioo de ko iwa o ngeluku abe ai uruoka de aino ipaata.