De Ma Jou o Yawe wotemo wato, “Abeika naa Una ahi Huhuloko, Una abe Ngohi tihiputurungu. Abe Ngohi tiirikoka Una de duru tidosanangi Unangika gea. De Ngohi tihidoakoka ahi Womaha Unangika la Una duru de ai kuahaka, de Una ahao wahingahu-ngahu o dutu mata-mataika ma titi abe ma ngekomo hokokia la ka idadi ona yamake to Ngohi ahi totiai onangika.
Yohanese 8:29 - Ma Jou ai Demo-demo o Totobelohoka29 Gea Una wohihidingoto de ka ihikaika Una naga Ngohioka. De mangale duru ka ihikaika tihisanangi ho ko ma moiuahi wohinoa.” အခန်းကိုကြည့်ပါ။ |
Yohanese 8:29
25 ပူးပေါင်းရင်းမြစ်များ
Ho Una gea abe wotemo ai Huhulokika wato, “Ngohi o Yawe, de ma titi ahi totiaiino ho Ngohi tonihitagongo moi Ngonaika. Abe Ngohi tonihihira-hira de tonigoana Ngonaika. De ani tagongo gea tonihidadi o hidemo ma nyawa abe Ngona nao itiai to Ngohi ahi behehongo o nyawa mata-mataika. Abe gea Ngona nodadi hoka o dararono o dunia ma nyawa mata-mataika la ka idadi ihimake Ngohi.
Ho angamoi yomakokeleha hokogea, o Yesusu wahingahu onangika wato, “To Ngohi ahi inomo, gea ahi hingounu to Una ai mauika abe wohihidingotino. Abe naga o karajaanga wohihidoaka Ngohino de kiani gea tabootokahi, ho ahi karajaanga gea to Ngohi ahi inomo.” Hokogea o Yesusu wahitararono ona iwitobanii-niikika.
De gea duru ko moiua todiai abe Ngohi tomahohiningaiye dika de todiai. Ho abe ma oraha gea o nyawa manga datoro tatailako, abe tahohowono eko tahidoaka o wowango onangika, gea taniiki duru imakadaene abe toihene ahi Babaino. Ho o nyawa tahohowono itiai angamoi ko to Ngohiua dika ahi mau taniiki masara duru to ahi Baba ai mau dika taniiki angamoi gea Una wohihidingoto Ngohi.” Hokogea o Yesusu womahitararono o Yahudioka manga balu-baluhika gea.
Ma masara ma oraha gea ihiurusu de nanga Baluhu idodutu Una gea naga ngohioka de wohihitomoroini ngohino hiadono yotobauru-urusu manga himangoka de ka idadi takunu tahingahu onangika o Abari ma Rorahai de duru itararono. De genangoka naga manga ngoe abe ona ko o Yahudi ma nyawaua, ho utuohi togarago angamoi hokogea wohihitagongino la onangika gea tahingahu-ngahu o Abari ma Rorahai. Ho ona mata-mata ma abari gea yoihene ma oraha tomademo. De gea tomademo ipaha de ahi hiningaka tato marai naa yaputuhu ato ihihohonenge. Masara nanga Baluhu wohiduhunu hiadono ahi bodito gea ko tamakeuahi.
De to ngone nanga Hidemo wokokurutiye Ma Jouika, Una gea ka idadi duru wonahioriki abe to ngone nanga hininga ma buturungu ka ikurangohi. Angamoi Unangoo ma dihiraino de iwihiata-atara ma ngoe, de abe o hiatara mata-mataika inadaene ngone o nyawaino, enangoo gea mata-mata iwidaenoka Unangika. Masara ngaro hokogea iwihiata-atara Unangika, masara Una duru ko wahowonua.
De abeika ngone hafikirohi to Yesusu ai hininga hokokia. Angamoi Una gea duru wotebi-tebini ho hiadono Ma Jou wisanangi Unangika, angamoi to Una ai hiningaka duru ko iwa ma dorou eko o howono o kia dika. De Una gea iwihikitingakoka ngoneino o howo-howono ma nyawaino, de ma oraha naa duru iwigorakiyeoka ho nako o Horogaka ma gogere mata-mataika, gea ka to Unangohi ai gogere duru ikurutiye. Ho o Yesusu ai wowangoino gea ka idadi ngone hohioriki de itararono abe Una dika ka idadi duru wonahingodumu to ngone nanga perelu mata-mataika.
Ahi ngofa-ngofaka o ngongakuoka, ahi hurata ma demo naa tohitulihuku de tohidingoto nginika la tato ibootohi ngini niahowono. Masara nako hiadono idadi abe niahowono, ufa niawohanga abe naga womatengo ka idadi winiduhunu de winihidemo Ma Jou o Baba ai himangoka. De Una gea o Yesusu Kristusu abe duru wotobatotiai, ho Una ka wakunu wonahidemo o Babaika nako idadi abe hahowonoka.
De nanga perelu o kia dika homagahoko Unangika de gea wonahidoaka. De nako ngone hoigo la nanga gogahoko Una wonahingodumu ngoneino, gea kiani hanii-niiki to Una ai behehongo ngoneino. De tanu to Una ai behehongo gea ngone hohiorikoka. Abe Una wonahibehehongo wato ngone kiani hingaku to Una ai Ngofaka ai romangika abe gea o Yesusu Kristusika, de nagali wonahibehehongo wato ngone kiani homakodora. De gea ai behehongo ngoneino abe ka enangohi duru ikurutiye. Ho nako ngone onagona dika abe ai behehongo gea hatobaniiki, gea ngone homanoa Unangoka, de Unangoo womanoa ngoneokali. De gea nako homagahoko Unangiye, ka idadi duru hongaku abe ahao wonahingodumu nanga gogahokino mangale to Una ai behehongo ngone hanii-niiki de nanga wowango ma datoro hotobadiai, de gea duru hihisanangi Unangika hiadono Una wosanangi nanga gogahoko wonahingodumu ngoneino. De abe ma titi ngone homanoa Unangoka de Unangoo womanoa ngoneokali, ena gea duru igoungu angamoi Una wonahidoakoka ngoneino Ma Jou o Womaha, de Una gea womanoa ngone homoi-homoioka. Ho genangino de ngone ka idadi duru hohioriki itararono abe Ma Jou wagou-goungu womanoa ngoneoka.
ကြော်ငြာတွေ