Yohanese 8:27 - Ma Jou ai Demo-demo o Totobelohoka

²⁷ Masara ona yataoko ihowono angamoi ngaro ai demo ma titi ma dumutu Ma Jou o Baba, masara ma titi gea ona ko ataokua.

Yohanese 8:27 ပူးပေါင်းရင်းမြစ်များ

Yesaya 6:9

Ho Una wotemoli wato, “Ngona kiani noiki de nahingahu ahi nyawaika de notemo nato, ‘Ngaro ngini nihigali-gali nihigihene ahi demoino masara ngini ko nihiorikua. De ngini gea ngaro nihigali-gali niolega ahi datorino masara gea ngini ko nihiorikua ma titi genangino.’ Hokogea ahi hohowono ma demo abe ngona kiani nadofanga onangika.”

Yohanese 8:26

De naga ma titi ma ngoe abe ka idadi Ngohi tapake de tinihihohowono. Masara Una gea wohihidingoto naangino, Una duru wagou-goungu ho ma titi abe Unangoka de aino, ma titi gea dika abe naa tahingahu-ngahu o dunia ma nyawa mata-mataika.” Hokogea o Yesusu wahingahu o Yahudi ma nyawaika gea.

Yohanese 8:28

Ho o Yesusu wotemo wato, “Ahao adonoka ma oraha o Nyawa ma Ngofaka niwihidoaiyeoka o gotaka, ma oraha gea de ahao ngini nihihioriki igoungu Ngohi Naga abe Ngohi Ma Jouoka de taino. Ho ma oraha gea de ahao nihihiorikoo duru ko moiua todiai abe Ngohioka dika de tomahohiningaiye, ma, totemo dika abe o Baba wohidotokoka, gea dika ahi demo.

Yohanese 8:43

“Masara adodoa ho ko nimangaratiiua ahi demo hiadono ko nihiorikua ma titi Ngohi naa? Hokonaa dika ma titi, angamoi niaoluku ahi demo ho ko nihigihenua.

Yohanese 8:47

Abeika, onagona dika abe yodadioka Ma Jou ai nyawa, ona gea iwihigihene Unangika. Masara mangale ngini ko niwihigihenua, ho gea itararono abe ngini naa ko to Unangua ai nyawa.” Hokogea o Yesusu wahitararono onangika.