Yohanese 8:26 - Ma Jou ai Demo-demo o Totobelohoka

²⁶ De naga ma titi ma ngoe abe ka idadi Ngohi tapake de tinihihohowono. Masara Una gea wohihidingoto naangino, Una duru wagou-goungu ho ma titi abe Unangoka de aino, ma titi gea dika abe naa tahingahu-ngahu o dunia ma nyawa mata-mataika.” Hokogea o Yesusu wahingahu o Yahudi ma nyawaika gea.

Yohanese 8:26 ပူးပေါင်းရင်းမြစ်များ

Yohanese 15:15

“Ho abe tomahiketero hoka Ngohi o angguru ma roehe de ngini ma jaga-jaga, gea ma titi hiadono ko tinihiromangokaua ahi huhuloko masara tinihiromangoli ahi dodiawo. Angamoi nako o huhuloko manga dutu, una ko wahingahua ai huhulokika ai hininga ma dola mata-mata. Masara Ngohi hokogenangua ahi hininga hiadono mata-mata abe o Baba wohihingahuoka Ngohino, gea Ngohioo tinihingahuoka nginika.

Yohanese 16:12

De o Yesusu wahingahuohi ona iwitobaniikika wato, “Naga ma ngoeohi toigo tinihingahu masara ma oraha naa ko niapoauahi.

Yohanese 17:8

Ho abe ani demo nohihidoaka Ngohino gea tahidoakoli onangika. De gea yodafongo dika hiadono ona duru ihioriki Ngona dika nohihidingoto, abe Ngohioo Ngonaka de taino.”

Yohanese 18:20

De o Yesusu wipaluhu unangika wato, “Ngohi ka ihikaika totemo la o nyawa mata-mata abe yoigo yoihene ka idadi yoihene. De ngaro o kiaka dika o nyawa yomatoomuino la yomadotoko, ngaro Ma Jou ai Tauoka de ngaro o dodotoko ma tau-tauoka, ma genangokaoo ka ihikaika o Yahudi ma nyawa tadotoko. Ho ko ma moiuahi tomagogono o nyawa tadotoko.

Yohanese 3:11

Naa duru tagou-goungu tonihingahu ngonaika, gea abe ngomi miamakeoka de mia lako, gea minihingahuoka nginika. Mia demo gea ma titi mihiorikoka hiadono mitemo masara ngini ko niodafongua.

Yohanese 7:16

De o Yesusu wapaluhu onangika wato, “Naa tinidotoko ma titi ko tomahohiningaiyeua de todotoko, masara Una abe wohihidingoto, mata-mata Unangoka dika de aino ahi dodotoko naa.

Yohanese 7:28

De gea o Yesusu ka wodotokohi genangoka Ma Jou ai Tau ma pungaka de duru waamo-amokiye waleha wato, “Ho ngini igoungu, nihihioriki e? De niato ahi kapongoo ma ka nihioriki e? Ma, Ngohi naa toboaino ko ma titiua to Ngohi dika ahi mau hiadono toboa. Gea o Baba wohihidingoto naangino de Una duru wagou-goungu ho Una ka idadi niwingaku masara Una gea duru ngini ko niwihiorikuahi.

Yohanese 8:25

Ka de gea o Yesusu wotemo ibooto de ona iwiribuutuohi ato, “Kiani nomihingahu itiai abe ngona naa onaguna.” De o Yesusu wapaluhu onangika wato, “Tato bote naga ka ma dihirainohi tinihingahuoka abe ma titi Ngohi naa, de hiadono ma oraha naa de ka ihikaika tohigali-gali tomahingahu nginika.

Yohanese 8:27

Masara ona yataoko ihowono angamoi ngaro ai demo ma titi ma dumutu Ma Jou o Baba, masara ma titi gea ona ko ataokua.

Yohanese 8:40

Ma naa ngini duru nihihidee itorou niato nihitoma Ngohi naa, de gea ngaro toigo tinihingahu ma gou-goungu abe tamake Ma Jou o Babaino. Hokogenangua o Abarahaama wodiai.

2 Korintusu 1:18

Masara ko hokogenangua to ngohi ahi hininga. Abe imaketero hoka Ma Jou wotemo duru watobagou-goungu dika, ho ngomioo ma gou-goungu dika mitemo-temo. De to ngohi ahi demo nginika de duru ko iwa ahi hininga la tinieluku. De gea nako ngohi totemo tato, “Iya,” de gea duru ko taturuurua masara ka hokogea dika ahi demo.