Yohanese 8:25 - Ma Jou ai Demo-demo o Totobelohoka

²⁵ Ka de gea o Yesusu wotemo ibooto de ona iwiribuutuohi ato, “Kiani nomihingahu itiai abe ngona naa onaguna.” De o Yesusu wapaluhu onangika wato, “Tato bote naga ka ma dihirainohi tinihingahuoka abe ma titi Ngohi naa, de hiadono ma oraha naa de ka ihikaika tohigali-gali tomahingahu nginika.

Yohanese 8:25 ပူးပေါင်းရင်းမြစ်များ

Lukasa 22:67

De ona iwileha Unangika ato, “Sarakia, Ngona nagou-goungu nanga Mesia abe ma dodihirainohi de Ma Jou wonahibehehongoka la ahao wonahikoano?” De Una wapaluhu wato, “Ngaro hoka Ngohi tomahingahu masara ngini ko nihingakua ahi demoino.

Yohanese 1:19

De ma moiuku o Yahudi ma nyawa manga hohidimono abe yogogere o Yerusaleeme ma kotaka, yahidingoto manga hidemo Ma Jouika yamuruono naga la ona o Yohanese iwitutumu. De naga o hidimono utu onangoo o Lewi ma dutuino abe yahidingoto la to ona manga leleha ma demo yadofanga o Yohanesika. Ho ona yotuono yoboa o Yohanesino de iwileha unangika ato, “Hobata, ngomi naa mimahilooahi, mitotaka mia hidimono manga leleha la ka idadi ngomioli miadofanga onangikali ani bobaluhu ma demo. De hokonaa dika mia gianongoru minileha, ‘Ngona naa nomahingahu ngomino nodadi onaguna? Sarakia, ka idadi nomihingahu ngomino?’”

Yohanese 1:22

Ho ma bahaika iwilehali ato, “Hobata, mimahilooahi, ma kiani minihioriki ngona onaguna la naga ani demo de ma titioka la miadofanga mia hidimonika. Ho migahoko la nomahitararono ngomino.”

Yohanese 10:24

Ai dodagi ma goronaka de o Yahudi ma nyawa yamuruono naga iwimake ho yoboa de iwihigilolitoka. De ahao iwileha o Yesusika ato, “Adodoa ho naa ma dekanino Ngona nomihipongonohi ma titi ma gou-goungu abe Ngona igoungu o Mesia eko ko o Mesiaua? Kiani de ani demo ma gou-goungu nomihingahu ngomino la ufa hiadono miataoko ani demo ma titi ko itiaiua.”

Yohanese 19:9

Ho wowohamokali ai tau ma goronaika gea de wileha o Yesusika wato, “Ngona naa o kiaino?” Masara o Yesusu ko wopaluhua.

Yohanese 8:12

De ahao o Yesusu wahingahuoli onangika abe naga genangoka wato, “Ngohi naa o dunia ma dararono abe o nyawa tahitararono manga wowango. Ho onagona dika ihiniiki Ngohi naa, ona ko yogila-gilakaua o fufutuika masara yamake manga wowango ma ngekomo abe duru de ma dararonoka.”

Yohanese 8:24

Gea ho hidutu tinihingahu tato nako ko nihingakua de ahao ngini nihonenge nia howono ma goronaka. Abe itiai tomahingahuoka de ma romanga Ngohi Naga angamoi Ngohi Ma Jouoka de taino, nako gea ngini ko niangakua, gea itaana de ahao de nia howono nihidohonenge.”

Yohanese 8:26

De naga ma titi ma ngoe abe ka idadi Ngohi tapake de tinihihohowono. Masara Una gea wohihidingoto naangino, Una duru wagou-goungu ho ma titi abe Unangoka de aino, ma titi gea dika abe naa tahingahu-ngahu o dunia ma nyawa mata-mataika.” Hokogea o Yesusu wahingahu o Yahudi ma nyawaika gea.