Yohanese 8:18 - Ma Jou ai Demo-demo o Totobelohoka

¹⁸ Hongoli Ngohi naa ihihitaana ka imaketero hoka nia pareta gea abe ihira Ngohi ma hirete tomahitaana totemo tato ahi datoro itiai. De ahi Baba abe wohihidingoto, Unangoo wohihitaana wato ahi datoro itiai. Ho gea imihinooto, ho ka idadi niangaku mia demo gea.”

Yohanese 8:18 ပူးပေါင်းရင်းမြစ်များ

Gegetongo 35:30

“De nagahi ma hiaturu utuoli abe ngini o Isiraele ma nyawa kiani nianii-niiki. Abe nako o nyawa yagoungu yatomaka manga dodiawo, gea manga hohowono kiani o hone-honenge yadaene. Masara nako o hakihii ma nyawa yomatengo dika abe yotemo ato yatoma manga dodiawo, gea ko idadiua. Angamoi kiani o hakihii ma nyawa yahinooto eko yofoloi de manga demo imakiniiki. Abe nia hiurusu ma ngioka de inihingahu ato yomatengo gea yatomaka o nyawa, de gea ahao o hone-honenge ma hohowono yataana onangika.

Yohanese 10:11

De o Yesusu ka womahiketerohi wato, “Ngohi naa o domba ma gogoana ma rorahai. De o domba ma gogoana ma rorahai gea Una abe womahidoaka ai wowango la ai domba ka yowango.

Yohanese 10:14

“Ngohi naa o domba ma gogoana ma rorahai ho to Ngohi ahi domba duru tahikokioriki de ahi dombaoo ihihioriki Ngohi.

Yohanese 10:30

De Ngohi naa de o Baba ngomi hoimoi.”

Yohanese 10:9

Ngohi naa ma ngorana, ho onagona dika Ngohino yoboa la yowohamika, ona gea ko yoboditoua. De ka idadi yohupu yowohama de yomamake o inomo.

Yohanese 11:25

De o Yesusu wotemoli munangika wato, “Ngohi naa o momomiki de o wowango, onagona dika ihingaku Ngohino ngaro yohonengoka ma ahao yowangoli.

Yohanese 14:6

De o Yesusu womahingahu onangika wato, “Ngohi naa ma ngekomo Ma Jouika, de Ngohioka ma titi ma gou-goungu, de Ngohioo o wowango ma ngango ma titi. Ho ko moiua yoboa ahi Babaiye nako ko Ngohinoua yoboa.

Yohanese 8:12

De ahao o Yesusu wahingahuoli onangika abe naga genangoka wato, “Ngohi naa o dunia ma dararono abe o nyawa tahitararono manga wowango. Ho onagona dika ihiniiki Ngohi naa, ona ko yogila-gilakaua o fufutuika masara yamake manga wowango ma ngekomo abe duru de ma dararonoka.”

Yohanese 8:25

Ka de gea o Yesusu wotemo ibooto de ona iwiribuutuohi ato, “Kiani nomihingahu itiai abe ngona naa onaguna.” De o Yesusu wapaluhu onangika wato, “Tato bote naga ka ma dihirainohi tinihingahuoka abe ma titi Ngohi naa, de hiadono ma oraha naa de ka ihikaika tohigali-gali tomahingahu nginika.

Yohanese 8:38

Ngohi ma dihira togogere daku o Babaka ho mata-mata wohihimatoko Ngohino, gea tinihingahu nginika. De nginioo nidiaioka abe hoka homoi-homoiika niihenoka ti ngini nia babaino.”

Yohanese 8:51

De naa tagou-goungu tinihingahu onagona dika tadotokoka de ihihigihene hiadono manga datoro imakiniiki de ahi dodotoko gea, de ahao o nyawa gea ko yohonengokaua.”

Yohanese 8:58

De o Yesusu wapaluhu onangika wato, “Naa duru tagoungu tinihingahu nginika, o Abarahaama gea ko womaboauahi de Ngohi Naga.”

Ibarani 2:4

De ma oraha gea abe yadofanga ai hingahu ma demo ngoneino de Ma Jouoo wahitaana enangika de ai dodunguu de ai heheranga la gea ka idadi ngone hohioriki abe ai hingahu gea enangoo duru ma gou-goungu. Abe ma oraha gea naga irupa-rupa idadi abe inahimatoko to Una ai kuaha. De nagali Ma Jou o Womaha ai hiakunu abe ikarajaanga to Una ai nyawaka la enangoo yahitaana o nyawaika abe ai hingahu ma demo gea duru ma gou-goungu. De ai heheranga mata-mata gea duru imakiniiki de to Una ai mauino. Ho mangale ma titi to nanga Baluhu ai hingahu ma demo duru itararono abe ena gea Ma Jouoka de aino iboa, ho ufa hiadono ngone horehene genangoka de aino la ai hohowono hamake, masara koaho ngone hohidodiai haniiki enangika dika.