Yohanese 7:43 - Ma Jou ai Demo-demo o Totobelohoka

⁴³ Hokogea o Yahudi ma nyawa duru yomaketeliliarino manga ngoe genangoka.

Yohanese 7:43 ပူးပေါင်းရင်းမြစ်များ

Matiusu 10:35

De mangale ma titi Ngohi toboaino ho hiadono o nyawa yomaketeliliara de to ona manga dutu angamoi womatengo wohingaku Ngohino masara ai dutu ko ihingakua. Abe utu o giangofakoka de ai ngofaka wilawana ai babaika, de utu o ngofeka momilawana ngomi memeika, de utuoli naga abe momatengo de ngomi hunungu yomaketeliliara ma titi Ngohi ka hiadono yomakalawana.

Lukasa 12:51

“De ngini ufa niataoko ihowono ma titi ahi boa o duniauku naa. Abe ufa niataoko niato mangale ma titi Ngohi toboaino hiadono o nyawa mata-mata yomahikokadameoka o dunia ma amokika. Masara tanu ma titi Ngohi ahi boa la hiadono o nyawa yomaketeribuutu de hiadono yomakitingaka manga gogianongoruino de yomahikeregu.

Yohanese 10:19

Ka de hokogea o Yesusu ai demo yoihene de o Yahudi ma nyawa duru yomaketeliliarokali.

Yohanese 7:12

De o nyawa manga ngoe ihikokaika yomatoo-toomuino manga rame-rameoka gea. De onangoo yomakoketemo ma titi o Yesusu ma ka yomakokuhudu dika de utu naga ato, “Una o nyawa ma owa.” Masara utu ato, “Koua, Una gea duru o nyawa watobabudi la woigo wahirehene.”

Yohanese 9:16

De o Farisi ma nyawa utu gea yotemo ato, “Masara nako hokogea wodiai o Hiaini ma wangeoka gea Una ko Ma Jouinoua angamoi to ngone nanga pareta watilakuroka.” Masara naga utu yotemo ato, “Ma, abeika ai dodunguu duru inahiheranga, nako Una o howo-howono ma nyawa ko idadiua wodiai hokogea.” Hokogea utu yotemo hiadono o Farisi ma nyawa gea duru yomaketeliliara.

Hidingoto 14:4

De o nyawa ma kotaka gea yomahikeregu abe ma titi manga hininga ona yahinootoika, angamoi ma hononga ona duru yasanangi onangika masara ma hononga moioli yahimoteke o Yahudi ma nyawaika abe yaoluku o Abari ma Rorahaiika.