Yohanese 7:41 - Ma Jou ai Demo-demo o Totobelohoka

⁴¹ De o nyawa utu ato, “Marai Una gea Ma Jou ai Behehongo hihiromanga o Mesia.” Ma, naga ona utu yoleha ato, “Ho done sarakia o Mesia gea o Galilea ma nyawa?

Yohanese 7:41 ပူးပေါင်းရင်းမြစ်များ

Yohanese 1:41

De una ko iwiwa genangoka o Yesusu ai ngioka ho ka de o Andareasa o Yesusu wirekata ibooto de wato, “Naa ko kia-kiauahi todiai la iti ahi riaka o Peturusu timakeokahi la naa tihingahu ma titi nanga guru naa.” Ho duru womataiti wilingiri ai riaka o Simono Peturusu. Ho ka de wimake de wihitodokanika wato, “Ngomi wiwimakeoka nanga Mesia.” O romanga o Mesia nako o Yunani manga demo gea o Kristusu de gea ma titi Ma Jou ai Behehongo abe ngone o nyawa wonahihohe nanga howonino.

Yohanese 1:46

Ka de gea woihene de o Natanele woleha wato, “Mode ka idadi hamake ma owa o Nasarete ma kapongino iboa?” De o Filipusu wopaluhu wato, “Irahai hosobo genangika la ngonaoo ka idadi nimake.” Ho yosobo ato o Yesusu iwitutumu.

Yohanese 1:49

O Yesusu ai demo gea woihene de o Natanele wohidemo de ai heranga ma demo wato, “Mia Guru, gea mata-mata nohioriki e? Ngona igoungu Ma Jou ai Ngofaka. Ngona o Isiraele ma nyawa manga Koano!”

Yohanese 4:25

De ahao o ngofeka gea motemoli mato, “Ngohi tohioriki ahao naga o Mesia woboa abe iwifetongo o Kristusu de nako Una woboaka de ahao mata-mata womihitararono ngomino.”

Yohanese 4:29

De mahigaro onangika mato, “Niaino! Nihiniiki ngohi! Gea Una doka naga nanga humuoka wogogeruku wohihingahu abe hokokia ahi datoro mata-mata. Abeika la nginioo niwilega, bote Una gea o Mesia eko sarakia?”

Yohanese 4:42

De ahao yotemo o ngofekaika gea ato, “Ma titi abe ngona ihira nomihingahu hiadono ngomi wiwingaku, masara naa wiwingaku angamoi ngomi ma hirete wiwimake de miihene ai demo abe Una ma hirete womihingahu. Ho naa duru mihiorikoka abe igoungu Una gea o nyawa o duniaka wahihohe manga howonino.”

Yohanese 6:69

Ngomi naa miningaku abe duru minihioriki Ngona naa o Mesia, abe Ma Jou womadingakoka de wonihidingotuku ngomiuku.”

Yohanese 7:27

Masara to Una ai kapongo ka hohioriki. Ma, nako o Mesia igou-goungu tanu ko iwa o nyawa de iwihioriki ai kapongo abe genangoka de waino.” Hokogea o nyawa manga demo genangoka.

Yohanese 7:31

De manga ngoe genangoka iwingaku o Yesusika abe Una Ma Jou ai Behehongo, ato, “Angamoi ko ma iwa utu abe ka idadi yodiai o heheranga hokonaa ma ngoe, ho maraioka Una gea o Mesia!”

Yohanese 7:52

Masara ona iwipaluhu ato, “Ngaro ngona ma hirete duru nolingiri Ma Jou ai Demo-demoka, masara ahao ko namakeua ai Bukuoka ma titi ai uru ma dodofanga abe una woboaino o Galilea ma tonakino.” Hokogea o Yahudi ma nyawa manga hohidimono yomaketeribuutu.