Yohanese 7:32 - Ma Jou ai Demo-demo o Totobelohoka

³² Hokogea o nyawa yotemo yomakokuhudu dika ma titi o Yesusu, masara manga demo gea naga yoihene o Farisi manga doomuino ma nyawa. Ho o Farisi ma nyawa gea de o hidemo ma nyawa Ma Jouika yomakoketemohi abe hokokia yodiai la ibootohi o Yesusu wodotoko hokogea. Ho yomakoketemo ibooto de ahao yomakiniiki yoiki onangika abe yogoa-goana Ma Jou ai Tau de yahuloko onangika ato, “Niloiki, o Yesusu gea kiani niwitaokoka!” Ho ona gea yogoa-goana Ma Jou ai Tau yaduhuloko la ato iwitaoko o Yesusu, masara ona ko iwimoroinuahi iwitaoko.

Yohanese 7:32 ပူးပေါင်းရင်းမြစ်များ

Matiusu 12:14

De o Farisi ma nyawa ka de gea yamake de yosoboka de yahoko manga dodiawo la yomatoomuino de yomakoketemo ma titi o Yesusu. Abe gea yomakokeleha hokokia ma ngekomo irahai la ka idadi o Yesusu iwitoma.

Matiusu 23:13

De ahao o Yesusu ai hitiari ma demo wahidumutu onangika abe yodadi o Yahudi ma nyawa manga hohidimono. De Una wahitiari wato, “De ngini abe nitobadoto-dotoko o Musa ai Paretaino de nginioo abe o Farisi manga doomuino, ahao ti ngini nia hohowono duru kohadubuho niamake nginika! Angamoi ngini ka nimadokangelukino dika abe niato niwileleani Ma Jouika masara ko niagou-goungua niwileleani. De gea ma titi nia wowangoino de ngini niata-tatoko o nyawa abe tanu yoigo yodadi Ma Jou ai nyawa abe ahao wahikoano onangika. Ho ngini ma hirete nimatatoko la ufa nidadi to Una ai nyawa, de hongoli o nyawa utuika niata-tatoko genangino. Ho duru nia datoro gea itorou!”

Matiusu 26:58

De o Peturusu una wihidoo-doduru o Yesusu ai poretino. De hokogea wihidoo-doduru ka hiadono o tau gea ma loaino womahiadono. De ma loaka gea naga manga huhuloko yamuruono naga yogogerukuoka, ho o Peturusu waika de womahisapurika de manga huhuloko gea la wato woihene de wohioriki abe hokokia idadi o Yesusika.

Yohanese 11:46

Masara naga utu ona yoiki o Farisi manga doomu ma nyawaika de yoade-ade gea abe o Yesusu wodiaioka.

Yohanese 12:19

Ho ka de o Farisi manga doomuino ma nyawa yamake manga ngoe iwibuhuku gea de yomakoketemo, ato, “Abeika! Nako ka ihikaika hokonaa itagi, gea ko idadiokaua ngone holaku. Abeika manga ngoe yomakiniiki gea, ngade-ngade o dunia ma nyawa yomamataka iwiniiki o Yesusu.”

Yohanese 18:3

Ho naa o Yudasa gea wahihira o Roma manga tentara o doomu moi o redika gea. De naga yasapurika onangoka yamuruono naga yogoa-goana Ma Jou ai Tau. Ona gea yaniiki o Roma manga tentara ma doomu gea angamoi onangoo yaduhuloko la o tentara yaduhunu iwitaoko o Yesusu. De gea manga hohidemo Ma Jouiye de o Farisi manga doomuino ma nyawa abe yahuloko la yomakiniiki de o tentara gea. Ho yomakutuono yoboaino de yomagao manga hilo abe utu ma rupa hoka o lobe de utu hoka o oboro. De nagali yomagao manga dae irupa-rupa.

Yohanese 7:30

Ka de ai demo gea yoihene de o Yahudi ma nyawa genangoka duru ihitaili iwitaoko o Yesusu masara ko moiua ka idadi iwiso angamoi ma oraha ko adonuahi abe o nyawaino ka idadi iwitaoko.

Hidingoto 5:26

De ahao abe yotobagoa-goana manga haeke una de ai nyawa yamuruono naga yoiki Ma Jou ai Tauika de ma moioli yataokino o hidingoto ma nyawa gea. Masara abe ma oraha yataokino de duru ihidodiai la ufa yapoha-poha onangika ma titi yamodongo ato done ahao o kokawaaha yangamo de yahohonenge de o hakaru.

1 Samuele 19:20

Ho o Saulu ai tentara o doomu moi wahidingoto genangika la iwitaoko o Dautu. Masara yomahiadono de ko yomadaenuahi o Dautu iwitaoko de yamake Ma Jou ai uru ma dodofanga o doomu moi de ona o Samuele wahihira abe Ma Jou ai Demo-demo ma hitararono ihidemo. De ahao Ma Jou o Womaha o tentara ma nau-naurikaoo wahawo hiadono onangoo Ma Jou ai Demo-demo ma hitararono ihidemo.