Yohanese 7:11 - Ma Jou ai Demo-demo o Totobelohoka

¹¹ Ho o Yesusu ka ai dodagi ma goronakahi ho ko womahiadonuahi, de doka manga rame-rameoka naga o Yahudi ma nyawa manga balu-baluhu duru o Yesusu iwilingi-lingiri. Ho ona gea yoiki yaleha-leha o nyawaika ato, “O kiaka Una gea?”

Yohanese 7:11 ပူးပေါင်းရင်းမြစ်များ

Yohanese 1:19

De ma moiuku o Yahudi ma nyawa manga hohidimono abe yogogere o Yerusaleeme ma kotaka, yahidingoto manga hidemo Ma Jouika yamuruono naga la ona o Yohanese iwitutumu. De naga o hidimono utu onangoo o Lewi ma dutuino abe yahidingoto la to ona manga leleha ma demo yadofanga o Yohanesika. Ho ona yotuono yoboa o Yohanesino de iwileha unangika ato, “Hobata, ngomi naa mimahilooahi, mitotaka mia hidimono manga leleha la ka idadi ngomioli miadofanga onangikali ani bobaluhu ma demo. De hokonaa dika mia gianongoru minileha, ‘Ngona naa nomahingahu ngomino nodadi onaguna? Sarakia, ka idadi nomihingahu ngomino?’”

Yohanese 11:56

De ona o Yerusaleemoka gea ka ihikaika iwilingiri o Yesusu ho hiadono naga Ma Jou ai Tauoka yomakokeleha ato, “Sarakia, ngona nato bote o Yesusu woboa eko ko woboaua? Marai nanga rame-rame ko waniikua e?”

Yohanese 7:1

De ipahaino o Yesusu waika waino o kapo-kapongika abe o Galilea ma tonakoka dika angamoi naga o Yahudi ma nyawa manga balu-baluhu o Yudea ma tonakoka iwihidee ato iwitoma. Ho ngaro ma dihira wotagi-tagi o kapo-kapongika o Yudea ma tonakoka ma naa ko woikuahi genangika.

Yohanese 7:13

Masara o Yahudi ma nyawa gea ko moiua yamoroini yaamo-amokiye yotemo angamoi duru yamodongo manga balu-baluhika.

Yohanese 7:15

De o Yahudi ma nyawa manga balu-baluhu duru yoheranga ai dodotokika hiadono yomakokeleha ato, “Onagona iwidotoko hiadono ai dodotoko ma tobahioriki hokonaa? Angamoi Una gea ko ma moiuahi womadotoko onangino abe yotobadoto-dotoko o Musa ai Paretaino.”

Yohanese 9:12

Ho ona iwilehali ato, “Ho ma nauru gea o kiaka?” De wapaluholi wato, “Aiaho, bote Una naa o kiaka naga.”