Yohanese 6:9 - Ma Jou ai Demo-demo o Totobelohoka

⁹ “Naga o ngofaka womatengo naa ai bilaono naga, masara ai roti biaha abe ma gahumu motoa dika, de nagali ai nawoko ka o ngai hinooto dika, ho duru ko kiaua adaene de o nyawa naa manga ngoe.”

Yohanese 6:9 ပူးပေါင်းရင်းမြစ်များ

1 Kokoano 4:28

De gea ko ma titiua o Saloomo ai nyawa dika manga perelu kiani ma gogubernuuru yahikawedono masara nagali to una ai kuda mata-mata ma perelu. Ho ka ihikaika yaoino o gandumu ma roehe de o rurubu ma amoko la idadi ma kuda ma inomo.

2 Kokoano 7:1

De ahao o Elisa wipaluhu ma koanoika wato, “Abeika nototoihene Ma Jou o Yawe ai demo-demoino naa! Abe Una gea wotemo wato, ‘Nako itebinino o wange hokonaa de ahao naga o inomo ma amoko nia kotaka naa de ko ihaliokaua. Abe gea de ahao naga o nyawa o kota ma dadaduhu ma ngoranoka abe ka idadi yafuku-fukunu o tarigu ma rorahai o kilo hange de gea ma ija o haaka ise-senge moi dika! De nako o gandumu utu gea ka idadi o kilo butaanga de enangoo ma ija o haaka ise-senge moi dika! Ho itebinino de nia inomo duru imura!’ Hokogea Ma Jou ai hingahu ma demo ngonaika.”

Matiusu 14:17

De ona yotemo ato, “Masara naa done sarakia? Angamoi to ngomi mia inomo o roti ka motoa dika de o nawoko ka o ngai hinooto dika!”

Matiusu 16:9

De ka idadi tamake abe ngini ko niataokuahi abe ma titi to Ngohi ahi kuaha. Ho mode ko niohiningakaua abe o nyawa tahiolomo yasana motoa de o roti motoa, de ahao yakokipunuhoka de nagahi o inomo ma hou ma amoko abe niagorakiye de o tupa?

Maruku 6:38

Gea ho o Yesusu waleha onangika wato, “Ti ngini nia roti muruono ga naga? Abeika niolega.” De yolegaika de iwipaluhu yato, “O roti motoa naga de o nawoko o ngai hinooto.”

Lukasa 9:13

De o Yesusu wapaluhu onangika wato, “Koua. Tanu koaho ngini ma hirete niahidailako to ona manga inomo.” De ona ato, “Ou! Ko idadiua! Angamoi ngomioka ka o roti motoa dika, de mia nawoko ka o ngai hinooto dika! Ho gea duru ko yawedonikaua, sawali ngomi miloiki de miaijaino o inomo la miahikawedono ona mata-mataika.”

Yohanese 11:21

Ho ka de o ngo Marata o Yesusu mibuhuku de motemo mato, “Ahi Baluhu, nako Ngona naga nenangoka tanu ahi iranga ko wohonengua.

Yohanese 11:32

De o ngo Maria momahiadonoka o Yesusika de matilabukuku ai louoka de motemo mato, “Ahi Baluhu, nako Ngona naga nenangoka tanu ahi iranga ko wohonengua.”

Yohanese 21:10

De o Yesusu wahuloko onangika wato, “Nia nawoko abe niahomaino, gea utu niaoino.”

Yohanese 21:13

De ahao o Yesusu o roti gea waleino de homoi-homoiika wakokabelaka. Ka de o roti wahikokidoaka ibootino de ahao ma nawokoli gea wagorakino de wahikokidoakoli.

Yohanese 21:9

Ka de ona youtiha de yamake o uku genangoka abe ma ngabohokahi de naga o ukuoka o nawoko iharongika de nagali o roti.

Yohanese 6:11

Ho naa ka de yokokigogerukuoka de o Yesusu waleino o roti motoa gea de wohitarimakaseokahi Ma Jouiye, de ahao wahidoaka iwinii-niikika ho onangoli yahidoaka homoi-homoiika o nyawa mata-mataika masara gea ko yamataua ma roti. De o nawokoli o Yesusu wahiaturu yahikokidoaka homoi-homoiika o nyawa mata-mataika hiadono yakokipunuhoka.

Yohanese 6:7

De o Filipusu wopaluhu o Yesusika wato, “Ahi Baluhu, ngaro de o tiwi ma amoko imakadaene de o nyawa manga hewa abe yokarajaanga o wange ratuhu hinooto ma dekana, de ngaro ma tiwi gea mata-mata hapake la homaija o roti dika, masara ko hahikegetongua. Ona abe yoboaino naa ka yowoeholi ho ngaro hahikokidoaka ma hutu ma hutu dika ma ko hahikawedonua.”

2 Korintusu 8:9

De abe ma titi o hidoaka o nyawaika, de gea ka idadi homahihohininga ma titi nanga Baluhu idodutu o Yesusu Kristusu. Abe ngini nihiorikoka abe to Una ai hininga ma owa ngone o nyawaino. Abe Una gea ma dodihiraino o Horogaka de duru ko iwa ai kuranga o kia dika, masara mangale ma titi ngini hiadono gea mata-mata wanoaika de wodadi o huha ma nyawa. De womahigunoa wodadi wohuha la ai huhaino gea de ngini ka idadi nikaya abe ma titi niamake ma utumu ma rorahai abe naga Unangoka. Ho irahai nako ngone homaaduru abe hoka to Unangoli ai hininga, abe ma titi ngoneoo homahidoaka la o nyawa utu yamake ma utumu.

Higalioli 32:14

De nagali wahidailako o hapi ma susu ma haki abe itogowinoka, de o susu o kabingi ma duduonino, de ma roehe de ma hakioka abe o domba de o kabingino abe imanoa o Basana ma lokuoka. De nagahi o gandumu ma roehe duru ma rorahaiholi, de o angguru ma teongo ma gohaka. Ho gea mata-mata ma inomo de ma ngokere abe Una manga Jou ka ihikaika wahidailako ai nyawaika la yososanangi dika.

Himatoko 6:6

De ahao ngohi toihene o ilingi moi abe ngade-ngade hoka o nyawa manga ilingi, de gea ihupu to ena ma hidogoronaka de aino abe o aewani ma ngango iata gea. De ma ilingi gea iwihuloko moi abe unangika wobarenuku o kuda ma hengo-hengo ato, “Ngona nohiaturu la ahao o gandum ma tarigu o litere moi dika de gea ma ija o nyawa manga hewa yokarajaanga o wange moi ma dekana! De kiani o boteme o litere hange dika de enangoo ma ija o nyawa manga hewa yokarajaanga o wange moi! Masara nako o saitunu ma hofoko de o angguru ma hofoko, gea ena ufa nohikuranga la ufa hiadono ihuha o nyawa yamake!”