Yohanese 6:70 - Ma Jou ai Demo-demo o Totobelohoka

⁷⁰ De o Yesusu wopaluhu wato, “De gea Ngohi ma hirete tiniiriki ngini iningimoi de inihinooto naa. Ma, ngaro hokogea naga nginioka womatengo o Ibilihi iwipake.”

Yohanese 6:70 ပူးပေါင်းရင်းမြစ်များ

Yohanese 13:18

De o Yesusu ka wahingahuohi ona iwitobaniikika wato, “De igoungu kangano ahi demo ma goronaka de tato ngini naa nitebinoka masara gea ma dumutu ko ngini mata-mataikaua. Angamoi o nyawa abe tairikoka Ngohi duru tahioriki ona gea. De ma titi nena tinihingahu la ahao idadi duru imaketero hoka ma dihira ihitulihukuoka, abe Ma Jou ai Demo-demoka itemo ato, ‘Womatengo abe miolomo mimahidodai moi, una gea wodadioka ahi musu.’”

Yohanese 13:2

Ho ifufutuku de yolomo de naga Unangoka ona abe o Yesusu iwitobaniiki yangimoi de yahinooto. Masara hokokanganoinohi de o Ibilihi idiaiokau hiadono o Yudasa, abe ai baba o Simono de ai fam Isikarioto, una doka ai hiningaka womatemo wato, “Ngohi ka idadi o Yesusu tifukunu.”

Yohanese 13:21

Gea o Yesusu wahingahu ona iwitobaniikika ibooto de ai hininga duru ihuha de wahingahuoli onangika wato, “Naa tagou-goungu tinihingahu, naga womatengo nginioka ahao wohihidoaka ahi musuika.”

Yohanese 13:27

Ho ka de o Yudasa ma roti gea wodafongo ibooto de o Ibilihi imahipootekoka unangika. De o Yesusu wotemo unangika wato, “Gea abe nato nodiai, nomataiti nodiaiou.”

Yohanese 15:16

De ko ma titiua ngini nihiiriki Ngohi masara Ngohi tiniiriki ngini de tinihikarajaanga de o karajaanga moi abe ma hasili duru itongohono. Ho nikokiloiki la nikokihofoko nia wowangoka la o karajaanga gea abe tinihidoakoka nginika duru de ma hasiloka. De nako gea dika nia wowango ma dumutu de ahao o Baba wodiai o kia dika nimagahoko de niapake ahi romanga.

Yohanese 15:19

Nako hoka ngini nimaketehiningamoi de o dunia ma nyawa, gea ahao ona inisanangi nginika angamoi nginioo nianiiki o duniaka ma biaha. Masara Ngohi naa tiniirikoka de tinihitingakoka o dunia ma biahaino, de gea ma titi hiadono naga inidohata nginika.

Yohanese 17:12

Naa ahi dekanino onangoka Ngohi ka ihikaika tagoana angamoi Ngohioo ahi kuaha imakadaene dika de to Ngonali ho ko kia-kiaua idadi onangika abe nohihidoakoka Ngohino. Masara naga womatengo dika, una gea iwihihanga abe ai romanga idadioka o Naraka ma ngofaka, de ani demo-demo ma dihirainohi itemokau hokogea womangiriki ho hiadono hokogea idadi unangika la ani demo-demo gea ingodumu.”

Yohanese 2:2

Abe o gogilakino manga baluhu manga hiaturu la o Yesusu de ona iwitobaniiki onangoo yahokino la manga gogilaka ma rame-rame yaniiki.

Yohanese 20:24

Masara yangimoi de yahinootoino naga womatengo ai romanga o Tomasa. De una ai romanga hinooto ho ai romanga moioli gea o Hago. De una ko iwiwa genangoka abe ma futu gea o Yesusu watutumu ona iwitobaniikika.

Yohanese 6:64

Masara naga ngini utu ko niangakua.” Hokogea o Yesusu wotemo angamoi ma dihiraino de wahiorikoka onagona abe ko iwingakua de wihiorikoo una gea abe ahao wifukunu ai musuika.

Yohanese 6:67

Ho o Yesusu waleha yangimoi de yahinootoika genangoka wato, “Ho sarakia, nginioo nia hininga la niato nilio de ko nihiniikokaua?”

Yohanese 6:71

Hokogea o Yesusu wahingahu onangika de ma titi o Yudasa, abe ai baba o Simono ai fam Isikarioto, angamoi una gea o Yudasa ahao o Yesusu wifukunu ngaro una naga yangimoi de yahinootoka gea.

Yohanese 8:44

Igoungu, o Ibilihi idadioka ti ngini nia baba, de gea ho nioigo to ena ma mau dika nihigihene. De hokonaa o Ibilihi ma hininga. Ma dihiraino ena gea o nyawa yatobatoma. Duru ko iwa ma gou-goungu enangoka ho ioluku aniiki o kia dika abe ma gou-goungu. O Ibilihi duru itobaeluku ho ena gea o ngelu-ngeluku ma baba. Ho gea ka ihikaika ielu-eluku angamoi o ngeluku ma demo gea to Ibilihi ma demo.”

Hidingoto 1:17

De hokogea to una ai datoro ngaro o Yudasa una tanu to ngone nanga doomuino womatengo. Abe ma titi unangoo iwihitagongo la wodadi o Yesusu ai hidingoto ma nyawa womatengo.” Hokogea o Peturusu ai demo onangika.

Hidingoto 13:10

“Ngona naa nomaaduru abe imaketero hoka o Ibilihi ma haeke ai datoro, abe naga ngonaka irupa-rupa ani budi-budi ma demo de ani ngelu-ngeluku, ho hiadono ngona ka ihikaika notobalawana ma rorahaiika! De ngona nohigali-gali nohitaili la nanga Baluhu ai totiai ma dodotoko nohikawalimi la nato ma dumutu ma dorouika!

1 Timotiusu 3:11

De ma ngo-ngofeka abe o garejaka yaduhunu, onangoo ma kiani manga wowango hokogea itotiai hiadono o nyawa utu yahayanga onangika abe imaketero hoka ma nau-nauroli. O ngo-ngofeka gea ufa yotobahiade-ade masara kiani ona ka yakunu yomatongohono de ka ihikaika manga gogianongoru ka idadi yangaku onangika.

Titusu 2:3

Ho naa moioli tonihibehehongo ngonaika, abe ona o ngo-ngofeka yapoperekioka genangoka, onangikaoo ma kiani nadotoko onangika abe imaketero hoka ma nau-naurikali. De gea kiani nadotoko onangika nato, “Ngini nia wowango ma datoroka kiani itebini la hiadono o nyawa utu ahao inihioriki abe ngini naa naga nia horomati Ma Jouika de ona ahao inihiorikoo abe ngini nia wowango nimahidoakoka Unangika la gea ka idadi niwileleani. Ho ngini ufa o nyawa utu manga wowango nihitobahiade-ade de ufa o daluku inihipareta. Masara koaho ngini kiani niahigaro o nyawa utuika la ma rorahai dika ona yaniiki.

1 Yohanese 3:8

Masara nako o nyawa utuoli abe o howono dika yanii-niiki, ona gea yomakiniiki de o Ibilihi ma haeke ma titi manga datorino, angamoi ena gea duru ma dodihirainohi de yatobahowo-howono. Ho ufa nimahigunoa hiadono o nyawa inibudi abe ma titi gea ena. De nako Ma Jou ai Ngofaka, Una gea woboa o duniauku naa la ka idadi o Ibilihi ma haeke ma datoro gea duru wohibinaaha enangika.