Yohanese 6:69 - Ma Jou ai Demo-demo o Totobelohoka

⁶⁹ Ngomi naa miningaku abe duru minihioriki Ngona naa o Mesia, abe Ma Jou womadingakoka de wonihidingotuku ngomiuku.”

Yohanese 6:69 ပူးပေါင်းရင်းမြစ်များ

Matiusu 16:16

De o Simono Peturusu wipaluhu o Yesusika wato, “Ngona gea o Mesia, mia Koano abe ma dihira Ma Jou womihibehehongoka ngomino, ho Ngonaoo Ma Jou Wotobawango ai Ngofaka gea.”

Maruku 1:1

Hokonaa imulaenge ma ade-ade abe hohiromanga o Abari ma Rorahai. De o abari naa ihititi o Yesusu Kristusu ai wowangoino, abe Una gea Ma Jou ai Ngofaka de to ngone nanga Koano abe ma dodihirainohi Ma Jou wonahibehehongoka ngoneino.

Maruku 1:24

Abe una wopoaka waamo-amokiye wato, “Adoo! Ngona o Yesusu abe o Nasaretoka de naino noboa, Ngona ka o kia nodiai ngomino? Bote Ngona noboaino la nato nomihibinaaha ngomi naa? Ngohi tonihioriki abe Ngona naa o Debi-debini ma nyawa abe Ma Jou wonihidingoto naanguku!”

Maruku 8:29

De o Yesusu walehali iwinii-niikika wato, “Masara nako ngini, niato bote Ngohi naa onaguna?” De o Peturusu wipaluhu o Yesusika wato, “Ngona gea o Mesia, mia Koano abe ma dihira Ma Jou womihibehehongoka.”

Lukasa 9:20

De ahao Una waleha onangika wato, “De nako ngini naa, ngini niato bote Ngohi onaguna?” De o Peturusu wipaluhu o Yesusika wato, “Ngona naa o Mesia, mia Koano abe ma dihira Ma Jou womihibehehongoka.”

Yohanese 1:29

De ma dawangeino o Yohanese wimake o Yesusu woboaino de o Yohanese wahingahu ai doo-dodiawoika wato, “Abeika, Ma Jou ai Domba ka ma ngofakohi, gea Una abe o nyawa o duniaka manga howono Ma Jouika waofi.

Yohanese 1:41

De una ko iwiwa genangoka o Yesusu ai ngioka ho ka de o Andareasa o Yesusu wirekata ibooto de wato, “Naa ko kia-kiauahi todiai la iti ahi riaka o Peturusu timakeokahi la naa tihingahu ma titi nanga guru naa.” Ho duru womataiti wilingiri ai riaka o Simono Peturusu. Ho ka de wimake de wihitodokanika wato, “Ngomi wiwimakeoka nanga Mesia.” O romanga o Mesia nako o Yunani manga demo gea o Kristusu de gea ma titi Ma Jou ai Behehongo abe ngone o nyawa wonahihohe nanga howonino.

Yohanese 10:36

“Ho abeika nimafikirohi ma titi naa Ngohi. Abe Ngohi naa o Baba womadingakoka Unangika de wohihidingoto o duniauku naa. Ma, ka de tinihingahu tato, ‘Ngohi naa Ma Jou ai Ngofaka,’ de ngini niato tingelo Ma Jou. Adodoa ho nihitae niato tingelo Ma Jou?

Yohanese 11:27

Ho o ngo Marata mopaluhu unangika mato, “Ahi Baluhu, igoungu, duru tangaku Ngona naa o Mesia, Ma Jou ai Ngofaka, abe Una Ma Jou wohibehehongoka wato ahao woboa o duniauku, gea Ngona naa.”

Yohanese 20:28

De o Tomasa wipaluhu o Yesusika wato, “To ngohi ahi Baluhu de to ngohi ahi Jou!”

Yohanese 20:31

Masara abe tohingohamoka o bukuoka naa, gea tohitulihuku la nginioo ka idadi niwingaku abe o Yesusu Una o Mesia de Unangoo Ma Jou o Ngofaka. Abe o Yesusoka de aino ngini ka idadi niamake o wowango ma ngango ka hiado-adonika.

Hidingoto 8:36

De abe manga dodagi ma goronakahi de manga kereta imahitigino de o akere, ho una witemo o Filipusika wato, “Abeika, naga genangoka o akere! Ho boteua ngohi ka idadi tomaohiki naangoka dika!”

Roma 1:3

De o Abari ma Rorahai gea ma titi to Una ai Ngofaka o Yesusu Kristusu. De nako to Yesusu ai badanga gea womaboa nanga toforaino, abe nanga koano o Dautu ai totoforaukuino womaboa.

Efesusu 4:13

ka hiadono ngone mata-mata duru homaketerimoioka nanga ngongakuoka de nanga tobahiorikoka abe ma titi Ma Jou ai Ngofakika. De nako hokogea idadioka nanga rimoi, gea ma titi ngone duru hobaluhoka o Kristusika, abe ka ihikaika hoaguru la homaaduru abe hoka to Unangoli ai hininga.

1 Yohanese 4:16

De naga moiohi abe inahitaana ngoneino ma titi nanga gogao Ma Jouika, de gea abe Ma Jou ai dora naga imanoa ngoneoka. Angamoi ngone duru hohioriki de hongaku ma titi Ma Jou ai dora itagi ngoneuku. De mangale ma titi abe Ma Jou ai hininga gea duru ihititi o doraka, ho ka idadi hohioriki abe onagona dika yomanoa o doraka gea ona yomanoaoo Ma Jouoka, de Ma Jou Unangoo womanoa onangokali.

1 Yohanese 5:1

De onagona dika yongaku abe ma titi o Yesusu Una gea nanga Koano abe Ma Jou wonahibehehongoka, ona gea mata-mata yomaboaka Ma Jouino ho yodadi to Una ai ngofa-ngofaka mata-mataika. Ho to Ma Jou ai ngofaka mata-mataika, onangika gea abe ngone kiani hakokidora. De gea nako hoka hidora nanga gianongoru womatengo abe de ai ngofakoka, gea itararonoka abe to una ai ngofa-ngofakikaoo hadora onangika angamoi ona yomaboa unangino gea.

1 Yohanese 5:20

De hohiorikoo abe Ma Jou o Ngofaka Una woboaka ngoneuku de wonahidoakoka o hiakunu nanga hiningaka la ka idadi hihioriki Ma Jou idodutuika. De ngone homanoaka Ma Jou idodutuoka angamoi ai Ngofaka o Yesusu Kristusokaoo ngone homanoa. De o Yesusu Kristusu Unangoo gea Ma Jou idodutu, de o wowango ka hiado-adonika ma titi naga Unangoka. De gea mata-mata duru tonahigaro la tato ngone duru ka idadi hohioriki de honganono enangika.