Yohanese 6:64 - Ma Jou ai Demo-demo o Totobelohoka

⁶⁴ Masara naga ngini utu ko niangakua.” Hokogea o Yesusu wotemo angamoi ma dihiraino de wahiorikoka onagona abe ko iwingakua de wihiorikoo una gea abe ahao wifukunu ai musuika.

Yohanese 6:64 ပူးပေါင်းရင်းမြစ်များ

Matiusu 10:4

De nagahi o Simono abe una o Seloto ma doomuino ma nyawa, de naga o Yudasa Isikarioto, abe una gea ahao wihidoaka o Yesusu o nyawaika la iwitoma. De hokogea to ona yangimoi de yahinooto manga roma-romanga abe o Yesusu wahidingoto la o Abari ma Rorahai yahingahu-ngahu o Yahudi ma nyawaika.

Yohanese 10:26

Masara gea ngini ko nioigoua niangaku angamoi ngini ko to Ngohiua ahi domba.

Yohanese 18:4

Ho mangale o Yesusu wohiorikokau mata-mata abe ahao idadi Unangika ho Una woboaino onangika la wabuhuku de ahao waleha onangika wato, “Ho naa onagona ngini nialingiri?”

Yohanese 5:42

Masara ngohi duru tinihioriki ngini, abe nako nia dora Ma Jouika ena gea duru ko iwa nia hiningaka.

Yohanese 6:36

Masara naa idadioka hoka tinihingahuoka tato ngini ahao ko nihingakua. De igoungu ngaro nihimake o heheranga todiai ma ngini ko nihingakua.

Yohanese 6:60

Masara o nyawa manga ngoe abe manga biaha iwinii-niiki o Yesusu, ka de yoihene ai hitararono gea de yomakoketemo ato, “Ou! O dodotoko naa ma titi ka itubuhoholi! Onagona de yapoa yodafongo nako hokogea o dodotoko ma dubuho, done moioo de ko yapoaua yodafongo!”

Yohanese 6:61

Ma ngaro manga demo o Yesusu ko woihenua ma ona iwitobaniiki gea manga gurubungu wahiorikokau ho waleha onangika wato, “Marai ahi demo naa niihene de nia hiningaka inihihuha e?

Yohanese 6:66

Ho ma oraha gea de idadi o nyawa abe manga biaha o Yesusu iwiniiki utu manga ngoe yomaleloro de yokokilio, ko iwiniikokaua.

Yohanese 8:23

Masara ahao o Yesusu wohigila-gila ai demo onangika wato, “Ngini naa o duniaka ma nyawa masara Ngohi daku o Horogaka de tauku. Abe ngini nimaboa o dunia ma lokuoka masara Ngohi hokogenangua.

Yohanese 8:55

Ho ngaro ngini ko niwihiorikua Una gea, ma, Ngohi duru tihioriki. Nako Ngohi totemo tato ko tihiorikua gea Ngohioo toeluku hoka nginioli nieluku, ma naa tagoungu Ma Jou tihioriki, de ai demo-demo mata-mata tohingounu.

Hidingoto 15:18

Abe duru ma dodihiraka de tinihingahuokau nginika.’ Hokogea Ma Jou ai Demo-demo abe ma dodihiraino ihitulihukuoka.”

Roma 8:29

De abe Ma Jou ai hininga ma dumutu ma titi ngone, gea woigo wato ngone homoi-homoi nanga hiningaka de hodadioka abe duru homaketero hoka to Una ai Ngofakoli o Yesusu ai hininga. De nako Ma Jou, Una ma dodihirainohi de wonahiorikokau abe ngone onagona honanga ahao hodadi to Una ai nyawa. Ho ngone abe wonahiorikoka abe ahao hodadi to Una ai nyawa, ngone naa wonaahoko Unangino. De ngone ko ma titiua wonaahoko dika, masara Unangoo wonaetongo ngoneino wato hototiai ai himangoka. De ka hokogenangua dika, masara nagahi abe wonahibehehongoka ngoneino wato ahao to Una ai medebini ma dararono wonahikokodoku ngone homoi-homoiino la ngone ahao hodadi homaketero abe hoka ai Ngofakoli. Ho gea mata-mata Ma Jou wonahidiai ngoneino angamoi imakiniiki de ai hininga ma dumutu la wato ngoneoo abe hodadioka to Una ai ngofa-ngofaka, gea ngone ahao duru homaketero de o Yesusoli. Abe o Yesusu Una gea wodadi hoka Ma Jou ai Ngofaka duru ma riaka, de ngoneoli naa hodadi hoka to Una ai doo-dodoto duru ko nanga ngoe. Ho gea ma titi hiadono Ma Jou wohiaturu mata-mataika la gea imakiniiki de to Una ai hininga ma dumutu ma titi ngone ai ngofa-ngofaka. Ho ahi demoino gea de duru ka idadi hohioriki abe ngaro ma oraha naa naga inahikangela masara hohiorikoo abe ahao dokengika de to Una ai medebini ma dararono wonahikokodoku ngoneino.

2 Timotiusu 2:19

Masara nako Ma Jou ai abari ma gou-goungu ena gea duru ko ikelu-kelua. Angamoi ai abari gea tohiketero hoka o hakaru moi duru ma amoko de ena gea o nyawa yakelengauku o tonakoka la gea idadi o tau ma lifunu de duru iputurungu ka hiadono ko idomo-domoua. De gea naga ma hakaruoka ma hingahu ma demo ihitulihika ato, “Nanga Baluhu idodutu Una gea ka idadi wobawilika wonalega nanga hiningaino homoi-homoi, ho Una gea duru wonahioriki ngone onagona dika abe hagou-goungu hodadioka to Una ai nyawa.” De naa moioli ai hingahu ma demo ngoneino itemo ato, “Ngoneoka onagona dika homahingahu hato hiniiki nanga Baluhu, gea kiani nanga datoro ma dorou gea ena hanoaka.” Hokogea Ma Jou wonahigaro ma totiaiika, de gea ena ai demo ko ikelu-kelua masara itongohono ka hiado-adonika abe imaketero hoka ma hakaru ma amo-amokoli gea ho duru itongohono. Ho ngona o Timotiusu ngaro ufa dika de nohigihene o nyawa manga demoika gea abe imakalawana de Ma Jou ai hininga de abe ena gea manga demo ka ma homoa dika.

Ibarani 4:13

De gea moioo de ko iwa abe to Una ai dulaadoka de ka akunu imagogono la ufa wamake. Masara gea duru mata-mataika imatawangeika dika la Ma Jou ai lako ka yobawilika enangika. Ho Unangika ahao ngone kiani homoi-homoi homahitararono abe ma titi nanga hininga ma datoro mata-mataika. Ho igoungu kiani ngone hohidodiai hanii-niiki ai hingahu ma demoika abe Unangoka de aino iboa.