Yohanese 6:55 - Ma Jou ai Demo-demo o Totobelohoka

⁵⁵ Angamoi to Ngohi ahi roehe o wowango ma inomo ma gou-goungu, de to Ngohi ahi awunu o wowango ma akere ma gou-goungu.”

Yohanese 6:55 ပူးပေါင်းရင်းမြစ်များ

Yohanese 1:47

Ho yoboaino o Yesusino de ona yotagiohi iwihimangino abe o Natanele ko womahiadonuahi de o Yesusu wihidaere unangika wato, “Ho ngone naa himakeoka o nauru abe ko woelu-elukua ho itiai una naa hihiromanga o Isiraele ma nyawa ma gou-goungu.” Hokogea o Yesusu wotemo o nyawa manga himangoka.

Yohanese 1:9

“O dararono ma gou-goungu, gea Una abe woboaka la ka idadi wahitararono o nyawa mata-mataika o duniaka naa.” Hokogea o Yohanese ai hingahu ma demo.

Yohanese 15:1

O Yesusu wahitararono ona iwitobaniikika de o hiketero ma titi ngone hingaku-ngakuoka. De hokonaa wohiketero de wapake o angguru abe o datomino. Una wato, “Ngohi naa o angguru ma roehe ma dutu de ahi Baba Una hoka womatengo ai angguru wapaliara abe wogoana de wokarajaanga.

Yohanese 6:32

De o Yesusu wotemo onangika wato, “Naa duru tagou-goungu tinihingahu nginika, o roti o Horogaino gea abe onangika wahidoakoka, gea ko o Musainoua, masara gea ahi Babaino, de ma oraha naa Una winihidoaka nginika o roti ma gou-goungu o Horogaino.

Yohanese 6:54

Onagona dika ahi roehe yaolomo de ahi awunu yaokere, gea yamake o wowango ka hiado-adonika ho ona ahao tahimomiki o wange ma bahaika.

Yohanese 6:56

“Onagona dika yaolomo ahi roehe de yaokere ahi awunu gea duru ka ihikaika mimahidogogere moi ona de Ngohi.

Yohanese 8:31

Ho o Yahudi ma nyawa abe iwingaku-ngakuika gea o Yesusu wahingahuoli onangika wato, “Nako ahi dodotoko ka ihikaika ngini nimadoihene la nia wowango niao itiai, gea nimahitaana nidadioka nihinii-niiki igou-goungu.

Yohanese 8:36

Ho nako Ma Jou o Ngofaka winihihupu nia howono ma papakitino gea nia kangelaino inihihupuokau.”

Ibarani 8:2

De genangoka Una wonahidemo Ma Jouika abe Ma Jou ai Tau ma gou-goungu ma goronaka. Abe ai Tau dakena gea ko o nyawainoua ihigoko masara nanga Baluhu idodutu Una ma hirete wohidadi ai Tau gea.

1 Yohanese 5:20

De hohiorikoo abe Ma Jou o Ngofaka Una woboaka ngoneuku de wonahidoakoka o hiakunu nanga hiningaka la ka idadi hihioriki Ma Jou idodutuika. De ngone homanoaka Ma Jou idodutuoka angamoi ai Ngofaka o Yesusu Kristusokaoo ngone homanoa. De o Yesusu Kristusu Unangoo gea Ma Jou idodutu, de o wowango ka hiado-adonika ma titi naga Unangoka. De gea mata-mata duru tonahigaro la tato ngone duru ka idadi hohioriki de honganono enangika.