Yohanese 6:42 - Ma Jou ai Demo-demo o Totobelohoka

⁴² De ona yomakoketemo ato, “Sarakia, Una naa ko o Yusupua ai ngofaka? Una naa o nyawa dika angamoi ai baba de ngoi meme hahioriki. Ho done sarakia ai domoroini naa hiadono wotemo wato, ‘Ngohi naa o Horogaka de tauku toboa’?”

Yohanese 6:42 ပူးပေါင်းရင်းမြစ်များ

Maruku 6:3

Una naa ka ma bas dika, o ngo Maria ami ngofaka, abe manga riaka o Yakobusu de o Yosese de o Yudasa de o Simono. De ngoi fira-firanga naga yogogere nanga kapongoka naa de de ngone. Ho una naa ka o nyawa biaha dika!” Hokogea manga demo. De iwihininga kuranga Unangika de hiadono iwioluku.

Lukasa 4:22

De ona mata-mata genangoka duru yososanangi ai dodotoko ma demoika de yokokiheranga ma titi ai demo ma hohailoa ai uruoka de aiye wohibengaiye duru ma rorahai. Masara nagali utu genangoka abe ona yomakokeleha ato, “Naa hoihenoka done sarakia? Angamoi done una naa ka o Yusupu ai ngofaka dika? Ho done sarakia una wato ma datoro ma rorahai gea una ka wakunu wodiai?”

Yohanese 1:45

De o Filipusu ahao wimake manga dodiawo o Natanele de wihingahu unangika wato, “Ngomi wiwimakeoka nanga Mesia abe o Musa wotulihukuoka Ma Jou ai Behehongo ma Bukuoka, de ma titi Una gea abe Ma Jou ai uru ma dodofanga onangoo ma dodihiraino inahingahuokau. De Una gea wiwimakeoka. Una o Nasaretino ma nyawa, o Yusupu ai ngofaka.”

Yohanese 3:13

Ma, igoungu, ko iwa moi o nyawa o duniaka naa abe yadonoka daku o Horogaiye. Masara Ngohi abe tomahiromanga o Nyawa ma Ngofaka, Ngohi o Horogaka de tauku.”

Yohanese 6:38

Angamoi Ngohi o Horogauku ko toboaua ma titi to Ngohi dika ahi hininga tato taniiki abe toigo todiai, masara naa toboa ma titi Ma Jou ai mau taniiki la todiai, abe gea Una wohihidingoto.

Yohanese 6:43

Ho, manga demo gea o Yesusu wapaluhu wato, “Ibootohi ngini nikokikurubungu hokogea.

Yohanese 6:62

Ho done sarakia nako ahao nihimake Ngohi o Nyawa ma Ngofaka tolio dakuiye ahi ngiiye abe ma dihira genangoka togogere!

Roma 9:5

De moioli ma hiowa abe ma dodihiraino to ngomi mia totofora gea de Ma Jou wairiki de wagoraka ona la manga romanga idadi ikurutiye, de onangino gea ngomi o Yahudi ma nyawa midadi. De ma utumu mata-mata gea ngomi miamakeoka Ma Jouino, masara hongoli abe ma titi to ngone nanga Duduhunu o Kristusu, abe Una Ma Jou wonahibehehongoka ngoneino, Una gea womaboa ngomi o Yahudi ma nyawaino. Abe Unangoo Ma Jou Wokokurutiye, ho gea itiai ngone hihigiriiri Unangika ka hiado-adonika. Amin. De ngaro ngomi o Yahudi ma nyawa Ma Jou duru womihiutumu hokogea ngomino, masara ahi gogianongoru manga ngoe o Yahudi ma nyawaka de ona gea ka iwiolukohi Unangika abe Ma Jou wihidingoto la waduhunu. Ho mangale ma titi ona iwioluku Unangika ho hiadono kiani ona gea ahao yamake Ma Jou ai hohowono onangika. De gea ena ma titi hiadono ngohi ahi hininga ihuha de hiadono tanu ngohi toigo taturuuru ona ahi gogianongoru o Yahudi ma nyawaka, la ka idadi to onangoo manga hohowono ko yamakeuali Ma Jouino.

1 Korintusu 15:47

De una wohira gea, una o dunia ma tonakino Ma Jou wihidadi, ho una duru o dunia ma nyawa. Masara Una abe woturuino, o Kristusu, Una gea o Horogaka de wauku woboa.

Galatia 4:4

De ahao naga ma oraha adonoka abe Ma Jou wihidingoto to Una ai Ngofaka naa o duniauku de gea womaboa o ngofekaino. De gea womaboa o Yahudi ma nyawaino ho wolamoko o Musa ai Pareta ma kuahaka.