Yohanese 6:32 - Ma Jou ai Demo-demo o Totobelohoka

³² De o Yesusu wotemo onangika wato, “Naa duru tagou-goungu tinihingahu nginika, o roti o Horogaino gea abe onangika wahidoakoka, gea ko o Musainoua, masara gea ahi Babaino, de ma oraha naa Una winihidoaka nginika o roti ma gou-goungu o Horogaino.

Yohanese 6:32 ပူးပေါင်းရင်းမြစ်များ

Huhupu 16:4

De manga demo gea Ma Jou o Yawe woihene de ahao wihingahu o Musaika wato, “Abeika, Ngohi ahao tapuraraha nginiuku o roti o Horogaka de auku la ka idadi gea ena nia inomo. Ho naa ka idadi ti ngini o Isiraele ma nyawa nia inomo nimagoraka dika de gea ena iniwedono ngini mata-mataika masara naga ma hiaturu abe kiani nianiiki. Ho nahingahu ani kokawaahaika abe o wange-wangeiye gea manga doomu ma goronaino yohupu yomale manga inomo abe yawedono duru o wange moi dika, ufa ifoloi. Hokogea manga inomo ma hiaturu yaniiki o wange motoaino masara o wange ma butaanga gea kiani yomadoraka o inomo abe yawedono hiadono o wange hinootoino. Hokonaa tohiaturu la tatailako ahi nyawa manga hingounu abe ahi hiaturu naa yaniiki itiai eko yaniiki ko itiaiua.” Hokogea Ma Jou wihingahu o Musaika.

Huhupu 16:8

Ho ngini ahao winihidoaka o roehe abe ka idadi niaolomo o futu naa. De ahao o ngorumino de winihidoakoli o roti hiadono duru inikokiwedono homoi-homoiika o roehe de o roti. Ho de gea ena wodiaioka de duru winihitararono nginika abe ma titi o kia dika niakurubungu ngaro ufa de ngomino nimihigurubungu angamoi nia gurubungu ma demo gea ma dumutu duru Ma Jou o Yaweika!” Hokogea o Musa de o Harunu yahingahu ona mata-mataika.

Yohanese 1:9

“O dararono ma gou-goungu, gea Una abe woboaka la ka idadi wahitararono o nyawa mata-mataika o duniaka naa.” Hokogea o Yohanese ai hingahu ma demo.

Yohanese 15:1

O Yesusu wahitararono ona iwitobaniikika de o hiketero ma titi ngone hingaku-ngakuoka. De hokonaa wohiketero de wapake o angguru abe o datomino. Una wato, “Ngohi naa o angguru ma roehe ma dutu de ahi Baba Una hoka womatengo ai angguru wapaliara abe wogoana de wokarajaanga.

Yohanese 6:31

Abe hoka ma dihira to ngone nanga totofora o mana yaolomo o tonaka ma kakaahaka duru imaketero hoka ihitulihukuoka ato, ‘Una wahidoaka onangika o roti o Horogauku la ka yaolomo.’”

Yohanese 6:33

De o roti Ma Jouino gea abe winihidoaka naa, gea Ngohi abe touti o Horogaka de tauku la o nyawa o duniaka ka idadi tahidoaka o wowango ma ngango.” Hokogea wahitararono onangika.

Yohanese 6:35

De o Yesusu wopaluhu onangika wato, “Ngohi naa tomahiromanga o Wowango ma Titi ma Roti, angamoi imaketero hoka o nyawa o roti yaolomo la yowango, duru hokogenangoo onagona dika yoboa Ngohino de ihingaku, ona gea yamake o wowango ma ngango. Ho ka de gea yamake de ko yahafinokaua, de manga ngomaha ko yodudungokaua.

Yohanese 6:41

Masara ka de o Yesusu ai demo gea yoihene de o Yahudi ma nyawa gea iwihigurubungu angamoi wotemo wato, “Ngohi naa ma roti abe iuti o Horogaka de auku.”

Yohanese 6:50

Masara imakohowono o roti naa abe o Horogauku iutiuku angamoi o roti naa nako o nyawa yaolomo gea ko yohonengua.

Yohanese 6:55

Angamoi to Ngohi ahi roehe o wowango ma inomo ma gou-goungu, de to Ngohi ahi awunu o wowango ma akere ma gou-goungu.”

Yohanese 6:58

Gea ma titi ahi demo abe tato o roti o Horogauku iutiukuoka. Abe o mana gea ngaro nia totofora gea yaolomo ma ka yohonengohi. Masara ona abe yaolomo o roti naa ahao yowango ka hiado-adonika. Gea duru ma titi ahi demo naa.”

Galatia 4:4

De ahao naga ma oraha adonoka abe Ma Jou wihidingoto to Una ai Ngofaka naa o duniauku de gea womaboa o ngofekaino. De gea womaboa o Yahudi ma nyawaino ho wolamoko o Musa ai Pareta ma kuahaka.

1 Yohanese 5:20

De hohiorikoo abe Ma Jou o Ngofaka Una woboaka ngoneuku de wonahidoakoka o hiakunu nanga hiningaka la ka idadi hihioriki Ma Jou idodutuika. De ngone homanoaka Ma Jou idodutuoka angamoi ai Ngofaka o Yesusu Kristusokaoo ngone homanoa. De o Yesusu Kristusu Unangoo gea Ma Jou idodutu, de o wowango ka hiado-adonika ma titi naga Unangoka. De gea mata-mata duru tonahigaro la tato ngone duru ka idadi hohioriki de honganono enangika.