Yohanese 6:31 - Ma Jou ai Demo-demo o Totobelohoka

³¹ Abe hoka ma dihira to ngone nanga totofora o mana yaolomo o tonaka ma kakaahaka duru imaketero hoka ihitulihukuoka ato, ‘Una wahidoaka onangika o roti o Horogauku la ka yaolomo.’”

Yohanese 6:31 ပူးပေါင်းရင်းမြစ်များ

Higiriiri 105:40

De ona yomagahoko o roehe de Ma Jou wahiolomo de o totaleo o puyu, De ka ihikaika wahidailako o roti o mana o Horogaino hiadono yapunuhoka.

Huhupu 16:35

De o Isiraele ma nyawa ahao manga dekana yotagi-tagi o tonaka ma kakaahaka gea manga taongo moruatino ma dekanino. De hokogea manga dekana yaolomo manga inomo o mana gea ka hiadono yowohama o Kanani ma tonakika abe genangoka naga o nyawa manga datomo ho o mana gea Ma Jou ko wapurarahokaua.

Yohanese 6:32

De o Yesusu wotemo onangika wato, “Naa duru tagou-goungu tinihingahu nginika, o roti o Horogaino gea abe onangika wahidoakoka, gea ko o Musainoua, masara gea ahi Babaino, de ma oraha naa Una winihidoaka nginika o roti ma gou-goungu o Horogaino.

Yohanese 6:49

“Ma dihira ngaro ti ngini nia totofora o roti o mana yaolomo o tonaka ma kakaahaka, ma, ahao yokokihonenge.

Yohanese 6:58

Gea ma titi ahi demo abe tato o roti o Horogauku iutiukuoka. Abe o mana gea ngaro nia totofora gea yaolomo ma ka yohonengohi. Masara ona abe yaolomo o roti naa ahao yowango ka hiado-adonika. Gea duru ma titi ahi demo naa.”

1 Korintusu 10:3

De ona mata-mata o heheranga ma inomo Ma Jouoka de aino yakokiolomoka.

Yosua 5:12

De duru o wange gea de o mana ko ipurarahokaua onanguku de genangoka de aino o Isiraele ma nyawa ko yaolomokaua o manaino. Ho de o taongo ma hungi gea de to ona manga inomo o Kanani ma tonakino ma hasili ho ka ihikaika enangoli dika yaolomo.

Himatoko 2:17

“De onagona dika de manga ngaukoka kiani ihigihene Ma Jou o Womaha ai Demo-demoino abe ahao naa niihenoka, abe Una gea ai demo wohidumutu ma gogarejaika.” “De onagona dika abe yolaku ho ma dorou ko yahikalaua onangika, gea ona tahigunoa la o mana ka idadi yaolomo, abe gea o mana abe duru ma deka-dekanuku de agogonohi o nyawaino la ufa yamake. De ahao tahidoakoo ona homoi-homoiika o hakaru ma gare-garehe moi abe o hakaruoka gea o romanga ma hungi moi ihitulihika. De ma romanga ma hungi gea o nyawa utu ko moiua ihioriki, masara ka ona dika ma hirete ihioriki abe tahidoaka homoi-homoiika.” Hokogea ma hurata abe o Peregamusu ma garejaika.