Yohanese 6:26 - Ma Jou ai Demo-demo o Totobelohoka

²⁶ De o Yesusu wopaluhu onangika wato, “Naa duru tagou-goungu tinihingahu, ngini ko mangaleua ahi dodunguu hiadono nihilingiri Ngohi naa. Masara mangale ma titi o roti gea niaolomoka hiadono inikokipunuhoka, gea ena dika ma titi ho ka nihilingirohi.

Yohanese 6:26 ပူးပေါင်းရင်းမြစ်များ

Yohanese 3:3

De o Yesusu wopaluhu unangika wato, “Naa duru tagou-goungu tonihingahu, o nyawa abe Ma Jou ahao wahikoano ona gea kiani yomaboali.”

Yohanese 3:5

De o Yesusu wipaluhu wato, “Ngona nagoungu ko idadiua hokogea o nyawa yomaboali. Masara Ngohi naa duru tagou-goungu tonihingahu, onagona dika abe ko yahigerewotuahi de o akere de o Womaha Ma Jouino, ona gea ko idadiuahi Ma Jou wahikoano.

Yohanese 6:14

De ai dodunguu naa o Yesusu wodiai duru yowoe-woe gea manga himangoka de yoheranga hiadono yomakoketemo ato, “Maraioka Una naa Ma Jou ai uru ma dodofanga abe nengokaino Ma Jou wohibehehongoka wato ahao woboa o duniauku.”

Yohanese 6:15

De ona yomahikagaro, ato, “Ibootohi hodamaa. Ho naa ma oraha adonoka abe ka idadi hiao la hihidadi nanga koano!” Ho ka de wohioriki manga hininga gea, de o Yesusu womadohuku onangino de woiki womatengo dika o lokuikali.

Yohanese 6:30

De ona gea iwilehali o Yesusika ato, “Ho Ngona ka o heheranga o kia ngomino nodiai la o dodunguu gea miamake hiadono miningaku? Ho o kia nodiai?

Yohanese 6:36

Masara naa idadioka hoka tinihingahuoka tato ngini ahao ko nihingakua. De igoungu ngaro nihimake o heheranga todiai ma ngini ko nihingakua.

Yohanese 6:47

De o Yesusu wohigali-gali wahitararono onangika wato, “Naa duru tagou-goungu tinihingahu, onagona dika ihingaku Ngohino, yamakeokau o wowango ka hiado-adonika.

Yohanese 6:53

Hokogea manga demo ho o Yesusu wohigalioli wahitararono ma titi ai hingahu gea wato, “Naa duru tagou-goungu tinihingahu, Ngohi naa o Nyawa ma Ngofaka de nako ahi roehe ngini ko niaolomua de ahi awunu ko niaokerua gea o wowango ma ngango ko niamakeua.

Yohanese 6:64

Masara naga ngini utu ko niangakua.” Hokogea o Yesusu wotemo angamoi ma dihiraino de wahiorikoka onagona abe ko iwingakua de wihiorikoo una gea abe ahao wifukunu ai musuika.

Roma 16:18

Angamoi ona gea ngaro yomahingahu ato iwileleani nanga Baluhu idodutu o Kristusika masara tanu to ona manga hininga la yomaleleani to ona dika ma hirete manga hafini. De to ona manga dodotoko ma demo duru inouhu ho duru yososawaro yabudi o nyawaika abe ma titi manga demoino. Ho nako o nyawa ko yahiorikua abe to ona manga hininga ma dumutu ato yabudi, ona gea ka idadi yabudioka manga demo ma nouhino.

Filiipi 2:21

O nyawa utu abe naga nenangoka, homoi-homoiika ona mata-mata to ona dika manga mau yolegaika, de o Yesusu Kristusu ai mau ko yamagaweua yolega enangika.

Filiipi 3:19

De ona gea ahao kiani manga bobaha yamake, abe yahohowono ka hiado-adonika. To ona manga badanga ma hafini, genangika yomahijou, abe ka ihikaika manga horoodo yomahidailako. De o dorou o kia dika abe o nyawa utu yodiai de ka yomahimaleke, ma masara ona gea yodiai de ona ka yomahigiriiri dika, angamoi ona ko yamaokaua o maleke. De manga hininga ma dumutu duru itagi o kiaika naga o duniaka naa. Ho ona gea hokogea dika manga wowango.

1 Timotiusu 6:5

De hiadono ma nyawa gea ka ihikaika yomakokalawana angamoi manga hininga itotorouoka de ma gou-goungu duru ko ihiorikokaua. De ona gea yomatemo ato bote nako iwileleani Ma Jouika, genangoka de aino ka idadi manga utumu yomamake abe yomatiwi-tiwi. Hokogea to ona manga hininga.