Yohanese 6:22 - Ma Jou ai Demo-demo o Totobelohoka

^22-24 Masara ona yowoe-woe abe wahiolomo o roti, ona ka o loku ma geleforokahi iwidodamaa o Yesusu hiadono ma dawangeino. De ahao naga o ngotiri muruono naga yoboaino o Tiberia ma kapongino de duru o loku ma geleforo ma timiuku yokokiutiha. Ho ona abe wahiolo-olomo gea yomakoketemo ato, “Abeika, o Yesusu ko iwiwa nenangoka de kanugono Una ko himakeua wofarene o ngotiri moioko gea la waniiki ai dodiawo yangimoi de yahinooto. Ma ngaro ngone ko himakeua wofarene o ngotiroko masara kiani hilingiri doka o Kapenaumika angamoi ko iwiwa nenangoka. Ho o ngotiri muruono naga abe naa iboaino irahai ngone utu habarene la haniiki doka o Kapenaumika la ngoneoo hahiduru o Yesusu iwitobaniiki bote Unangoo naga doka.” Ho ma ngotiri mata-mata abe iboaino gea ona yokokibarene de yongotiri o Kapenaumika iwilingiri o Yesusu.

Yohanese 6:22 ပူးပေါင်းရင်းမြစ်များ

Matiusu 14:22

Ka de o Yesusu wahikokiolomo ipaha o nyawa ko manga ngoe gea de Una wahuloko iwinii-niikika la ona yokokifarene ma ngotiroko de yohira yomahihora doka ma akere ma ngooto ma honongaika. Abe Una ai hininga la wahulokohi o nyawa manga ngoe-ngoeika gea la yokokilio manga tau homoi-homoiika, de ona yokokilio ipaha de ahao bootino Una wahiduru yangimoi de yahinooto gea doka ma honongaika.

Maruku 6:45

Ka de gea ipaha de o Yesusu waribuutu iwitobanii-niikika la ona yofarene o ngotiroko de ona yohira yosobo la ato yomahihora doka o Besaida ma kapongika. Ho ona yosoboka de Una wahuloko manga ngoe-ngoeika wato, “Ahi gogianongoru, marai naa ka idadi ngini nikokilio nia kokitauika.”