Yohanese 6:21 - Ma Jou ai Demo-demo o Totobelohoka

²¹ De ona gea manga hininga isanangioka de Una wofarene manga ngotiriye. De ka de wofareniye manga ngotiriye de duru ka itodokanino manga dumutika o Kapenaumika yomahiadonoka.

Yohanese 6:21 ပူးပေါင်းရင်းမြစ်များ

Maruku 6:51

Wotemo ibooto de wofarene o ngotiriye. De gea ka de wofarenoka de ma hidaloko iriidoka. Gea ho duru yoherangaholi,

Yohanese 6:20

Masara o Yesusu wotemo onangika wato, “Ibootohi nihawana, naa Ngohi ho!”

Yohanese 6:22

Masara ona yowoe-woe abe wahiolomo o roti, ona ka o loku ma geleforokahi iwidodamaa o Yesusu hiadono ma dawangeino. De ahao naga o ngotiri muruono naga yoboaino o Tiberia ma kapongino de duru o loku ma geleforo ma timiuku yokokiutiha. Ho ona abe wahiolo-olomo gea yomakoketemo ato, “Abeika, o Yesusu ko iwiwa nenangoka de kanugono Una ko himakeua wofarene o ngotiri moioko gea la waniiki ai dodiawo yangimoi de yahinooto. Ma ngaro ngone ko himakeua wofarene o ngotiroko masara kiani hilingiri doka o Kapenaumika angamoi ko iwiwa nenangoka. Ho o ngotiri muruono naga abe naa iboaino irahai ngone utu habarene la haniiki doka o Kapenaumika la ngoneoo hahiduru o Yesusu iwitobaniiki bote Unangoo naga doka.” Ho ma ngotiri mata-mata abe iboaino gea ona yokokibarene de yongotiri o Kapenaumika iwilingiri o Yesusu.

Himatoko 3:20

Abeika nitotoihene tomahiketero! Ngohi naga ti ngini nia tau homoi-homoi nia ngoranoka de tiniahoko tato towohama nia tau ma goronaika. De nako onagona dika yoihene ahi ilingi de gea ma ngorana ihibelenga, gea Ngohi towohamino la ona de Ngohi homakutuono holomo, abe gea ngone duru homaketedodiawo.”