Yohanese 6:15 - Ma Jou ai Demo-demo o Totobelohoka

¹⁵ De ona yomahikagaro, ato, “Ibootohi hodamaa. Ho naa ma oraha adonoka abe ka idadi hiao la hihidadi nanga koano!” Ho ka de wohioriki manga hininga gea, de o Yesusu womadohuku onangino de woiki womatengo dika o lokuikali.

Yohanese 6:15 ပူးပေါင်းရင်းမြစ်များ

Matiusu 5:1

De o Yesusu wamake o nyawa duru ko manga ngoe gea abe yoboaka Unangino ma ngioka gea, ho Una wodoaiye ma hohutulu o loku ma geleforoka de genangoka wogogeruku. De ona abe iwinii-niiki yomatoomuino Unangoka.

Maruku 11:9

De o nyawa yowoe-woe gea, ona mata-mata iwihigiriiri o Yesusika. De gea o Yesusu naga woboa o kotaino, de o nyawa naga utu ai himangokahi, masara naga utu iwihidoduru ai poretino, de ona mata-mata yokokipoaka ato, “Una woboaino naa Ma Jou ai uru ma dodofanga, ho ngomi wiwigahoko la Ma Jou wihiowa Unangika! Hihigogiriiri Ma Jou!

Lukasa 19:38

De manga higiriiri ma demo yopoa-poaka ato, “Una woboaino naa Ma Jou ai koano abe ma dodihiraino wonahibehehongoka! Hihigogiriiri Ma Jou! De mangale ma titi Una naa hiadono ngone de Ma Jou homakadameoka! Hihigogiriiri Ma Jou o Horogaka, abe ka Unangohi duru wokokurutiye!”

Yohanese 18:36

De o Yesusu wihingahu o Pilatusika wato, “Ahi kuaha ko o duniakaua de aino la hiadono ka idadi o nyawa tahikoano. Angamoi nako hokogea ahao naga ahi gogoana ka idadi yapoa ihiduhunu la ufa ahi gogianongoru o Yahudi ma nyawa naa ihitaoko hokonaa. Masara to Ngohi ahi kuaha ko o duniainoua, ma, o ngi moiokali de aino hiadono ka idadi o nyawa tahikoano.”

Yohanese 5:41

De o Yesusu wohigila-gila to una ai hininga onangika, wato, “Ngohi ko tolingirua o nyawa manga higiriiri Ngohino.

Yohanese 6:22

Masara ona yowoe-woe abe wahiolomo o roti, ona ka o loku ma geleforokahi iwidodamaa o Yesusu hiadono ma dawangeino. De ahao naga o ngotiri muruono naga yoboaino o Tiberia ma kapongino de duru o loku ma geleforo ma timiuku yokokiutiha. Ho ona abe wahiolo-olomo gea yomakoketemo ato, “Abeika, o Yesusu ko iwiwa nenangoka de kanugono Una ko himakeua wofarene o ngotiri moioko gea la waniiki ai dodiawo yangimoi de yahinooto. Ma ngaro ngone ko himakeua wofarene o ngotiroko masara kiani hilingiri doka o Kapenaumika angamoi ko iwiwa nenangoka. Ho o ngotiri muruono naga abe naa iboaino irahai ngone utu habarene la haniiki doka o Kapenaumika la ngoneoo hahiduru o Yesusu iwitobaniiki bote Unangoo naga doka.” Ho ma ngotiri mata-mata abe iboaino gea ona yokokibarene de yongotiri o Kapenaumika iwilingiri o Yesusu.

Yohanese 6:3

De o Yesusu de iwitobaniiki yangimoi de yahinooto ahao yaika yodoa o lokuiye de ahao o loku ma geleforino yogogeruku.

Ibarani 4:13

De gea moioo de ko iwa abe to Una ai dulaadoka de ka akunu imagogono la ufa wamake. Masara gea duru mata-mataika imatawangeika dika la Ma Jou ai lako ka yobawilika enangika. Ho Unangika ahao ngone kiani homoi-homoi homahitararono abe ma titi nanga hininga ma datoro mata-mataika. Ho igoungu kiani ngone hohidodiai hanii-niiki ai hingahu ma demoika abe Unangoka de aino iboa.