Yohanese 5:37 - Ma Jou ai Demo-demo o Totobelohoka

³⁷ De o Baba ma hirete ka ma dihirainohi wohihingahuokau ma titi Ngohi naa de ai hidee abe ahao wohihidingoto o duniauku. Ngini naa ko ma moiuahi niihene to Una ai ilingi de ko ma moiuahi niwimake abe ai rupa.

Yohanese 5:37 ပူးပေါင်းရင်းမြစ်များ

Huhupu 20:19

De ona yogahoko o Musaika ato, “Musa, kiani ngona dika nomitemo ngomino de minitotoihene. Masara ufa nihigunoa la Ma Jou womitemo ngomino done mihonenge.”

Matiusu 17:5

De o Peturusu wotemo ai gogiriaka de o lobi moi ma dararono yakokihawoka. De ahao Ma Jou wotemo de yoihene o lobioka de auku o ilingi abe wotemo wato, “Naa to Ngohi ahi Ngofaka abe duru tidora Unangika de duru tisanangi Unangika, ho kiani ngini niwihigihene Unangika.”

Matiusu 3:17

De nagali woihene o ilingi moi o Horogauku itemo ato, “Una naa ahi Ngofaka abe duru tidora de duru tidosanangi Unangika.”

Maruku 1:11

De nagali o ilingi o Horogauku itemo ato, “Ngona naa ahi Ngofaka duru tonidora de duru tosanangi Ngonaika.” Hokogea Ma Jou o Baba wotemo.

Lukasa 24:27

De ahao o Yesusu wahitararono onangika Ma Jou ai Demo-demoino mata-mata abe ma dodihiraino de ihitulihukuoka ato ahao hokokia kiani idadi Unangika. De gea womulaenge de o Musa ai demo de wagoraka ma demo mata-mata abe iwihidumutu o Mesiaika de wahitararono hokokia ma demo ihingodumoka. De ahao wogila-gila de wagoraka Ma Jou ai uru ma dodofanga utuinoli manga demo de genangoo wahitararono ona yahinootoika la ka idadi ihioriki hokokia kiani idadi Ma Jou ai Mesiaika. Masara gea wahitararono de ko womafetonguahi abe tanu Una gea manga Mesia.

Lukasa 3:22

De ahao Ma Jou o Womaha wouti o Yesusuku abe hoka o namodaara de iwidangi Unanguku. De nagali o ilingi o Horogauku itemo ato, “Ngona naa ahi Ngofaka abe duru tonidora de duru tonidosanangi Ngonaika.” Hokogea idadi abe ma oraha o Yesusu iwiohiki.

Yohanese 1:18

De Ma Jou, Una gea o nyawa ko ma moiuahi iwimake ai rupa. Masara naga Ma Jou o Ngofaka ka womatengo dika de ai hininga duru adaene Unangika abe ona yomatoteroino. De ai Ngofaka Una wonahimatoko ngoneino Ma Jou ai hininga la hiadono ka idadi duru hihioriki.

Yohanese 14:9

De o Yesusu wipaluhu unangika wato, “Filipusu, naa ma dekanino homakokiniiki de mode ko nohihiorikuahi? Angamoi onagona dika ihimakeoka Ngohi, gea ahi Babaoo iwimakeokau. Ho adodoa ho nogahoko Ngohino hokogea nato, ‘Nomihimatoko Ma Jou o Baba’?

Yohanese 15:24

De gea ihidohata ngaro ahi buturungu Ngohi tomahitunguuoka manga himangoka de o heheranga ma ngoe abe ko ma moiuahi o nyawa utu yodiai. Nako hokogenangua tomahitunguu de gea naga ma titi abe ka idadi yomademo la manga hohowono yakuranga. Ma angamoi yamakeoka o heheranga abe ihihitaana Ngohi naa, de ona ka ihidohatohi de ahi Babaoo iwidohata, ho manga hohowono ko idadiua yakuranga.

Yohanese 5:32

Masara naga womatengo, Unangoo wohihingahu ma titi Ngohi naa, de gea Ma Jou o Baba de to Una ai demo gea duru igoungu.

Yohanese 6:27

Ufa o roti abe ka iwedere dika nialingiri, ma kiani nialingiri o roti abe ko iwederua la gea inihiwango ka hiado-adonika. De o wowango gea ahao Ngohi o Nyawa ma Ngofaka ka idadi tinihidoaka, angamoi Ma Jou ahi Baba wohihitunguuoka Ngohino de ai kuaha abe duru wohisanangi Ngohino.”

Yohanese 8:18

Hongoli Ngohi naa ihihitaana ka imaketero hoka nia pareta gea abe ihira Ngohi ma hirete tomahitaana totemo tato ahi datoro itiai. De ahi Baba abe wohihidingoto, Unangoo wohihitaana wato ahi datoro itiai. Ho gea imihinooto, ho ka idadi niangaku mia demo gea.”

Higalioli 4:12

De ahao nanga Jou o Yawe winitemo nginika o uku ma goronaino de ka idadi niihene ai ilingi ma demo masara ko kia-kiaua niamake de nia lako.

1 Timotiusu 1:17

De naa tihigiriiri nanga Koanoiye, abe Una gea naga ka hiado-adonika, de ko iwa ai bobaha. Abe Una duru ka womatengo dika Ma Jou de Una ko himake-makeua de nanga lako. Ho Unangika dika kiani nanga higiriiri de nanga horomati hohiboa naa de ka hiado-adonika. Amin.

1 Timotiusu 6:16

De Una gea ka womatengo dika abe ko wohone-honengua ka hiado-adonika. De Una gea wogogere o dararonoka abe duru kohadararono. Abe hokogea ma mogiria ai dararono hiadono ngone o nyawa ko hapoaua homahitigika Unangika. De ko ma moiuahi o nyawa iwimake ai dararonoka gea, abe duru ko idadiua Una himake de nanga lako. Ho Unangika itiai nanga horomati hihidoaka ka hiado-adonika, de Unangika itiai hihigiriiri hato, “Unangoka naga ai kuaha de ai bobuturungu abe ko iwa ma bobaha.” Hokogea ma gou-goungu! Amin.

1 Yohanese 4:12

De nako ngone o nyawaka de naga womatengo abe ko ma moiuahi homakamake de una, gea ko iwahi nanga gogao unangika. Masara nako ngone de Ma Jou, gea imakohowono. Angamoi ngaro ngone o nyawa ko moiua himake de nanga lako, masara Una gea ka idadi womanoa ngoneoka de to Una ai dora enangoo ka idadi imanoa nanga hiningaka de duru ingodumoka. Ho ngone naa koaho homakodora ngone de nanga gogianongoru. Angamoi iti ngone homakodora de ka idadi nanga gogao ma rahai Unangika.

1 Yohanese 4:20

De abeika ngone hafikirohi ma titi nanga dora gea. Abe nako o nyawa yomahingahu ato, “Ngohi naa tidora Ma Jouika,” masara ngaro manga demo hokogea ma ona iwidohata manga gianongoruika, de ona gea yoeluku dika de ko yagoungua iwidora Ma Jouika. Angamoi nako ngone ko hadoraua nanga gogianongoruika abe ona ka idadi hamake de nanga lako, ho gea done sarakia de hidora Ma Jouika abe Una gea duru ko himakeua de nanga lako? Gea ko idadiua!

1 Yohanese 5:9

De nako ngone o nyawa de o nyawa dika de homahikangahu, gea ngone hangaku manga hingahu ma demoika. Ho naa hongoli ka idadi hangaku Ma Jou ai hingahuika, angamoi nako o nyawa nanga hingahu ma demo de to Una, ma ka to Unangohi ai hingahu ma demo duru ma gou-goungu dika. De gea Ma Jou Una ma hirete abe ma dodihiraino de wonahingahuoka de ai demoino iwihitaana abe o Yesusu Una gea ai Ngofaka idodutu, ho ngone duru ka idadi hangaku ai demoika gea.