Yohanese 5:2 - Ma Jou ai Demo-demo o Totobelohoka

² De o Yerusaleeme ma kota naga ihigilolitino de o dadaduhu iputurungu ho o ngorana muruono naga de naga ma ngorana moi ihiromanga o Domba ma Ngorana. De ka de o nyawa yowohama o Domba ma Ngoranino de manga datekoka yamake o taaga ma amoko de ma taaga gea yobaakino. De o Yahudioka manga demo ihiromanga o Betesa, abe ma titi o dora ma hiokoo ma taaga. De ma taaga gea ihigilolitoka o tau motoa, ma gea hoka o tau ma punga dika imadiai.

Yohanese 5:2 ပူးပေါင်းရင်းမြစ်များ

Yohanese 19:13

Ho ka de iwidanauru hokogea de o Pilatusu o Yesusu wihihupu ma tauino de ahao o Pilatusu wogogeruku o hohowono ma kaderaka. Ai kadera gea yakelenga o ngi moioka hoka o mehele masara o hakaru dika yatatorika ihidowoatika. De nako o Yahudioka manga demo ma ngi gea ihiromanga o Gabata.

Yohanese 19:17

De ahao o Roma ma nyawa manga tentara iwihiaturu la o Yesusu iwihimoku ai gota isosalioaino. De ahao wohupu o Yerusaleeme ma kotaino de woiki o ngi moiika abe gea ihiromanga o nyawa manga pea ma kabelanga ma ngi. Abe nako o Yahudioka manga demo ma ngi gea ihiromanga Gologota.

Yohanese 19:20

De naga o Yahudi ma nyawa manga ngoe yobasa o dodunguu gea angamoi o Yesusu iwihidapakuika imahidigi-digino de ma kota. De ma dodunguu gea ihitulihi de o bahasa hange abe ihira yapake o Yahudioka manga demo, de ahao yapake o Roma ma nyawa manga demo de ma bahauku yapake o Yunani manga demo.

Yohanese 20:16

Masara Una gea o Yesusu ho womiahoko dika ami romangika wato, “Maria.” Ka de womifetongo hokogea de duru midodiaiika mihimanga o Yesusika de motemo de o garago ma demo mato, “O Rabuni!” abe nako o Yahudi ma nyawa manga demo, o romanga gea duru de ma horomatioka abe yapake manga guruika.

Yohanese 5:3

De naga o nyawa yokokangela genangoka manga ngoe yogogere, abe manga panyake irupa-rupa, ho utu naga yorafioka, naga utu yolugu, de naga utu manga badanga ma hononga ihonenge. De genangoka naga womatengo de ai panyakeoka hiadono ai dekana wogogere genangoka ai taongo moruange de tufange.

Yohanese 7:21

De ahao o Yesusu wapaluhu onangika wato, “Ngohi ma dihira o heheranga moi todiai hiadono duru nikokiheranga. Masara hiadono naa duru nihingamo Ngohino ma titi o Hiaini ma wangeoka de tihitogumu womatengo gea hiadono duru ai badanga ma gahumu itogumoka. Ma abeika ngini, nako naga nia ngofaka womaboa la hiadono ai huhuna ma gahe o Hiaini ma wangeoka adaene, gea de ngini niwihuna dika o Hiaini ma wangeoka. De ngini niato hokogea nidiai la ufa hiadono nia bohono niatilakuru abe niamake o Musaino. Masara gea ko o Musaua winihidoaka o huhuna ma pareta, o pareta gea ti ngini nia totoforaino.

Hidingoto 21:40

De ma haeke wohimoteke, ho o Paulusu womaokoiye ma nguteoka de wataere de ai giama la o nyawa gea yomariidohi. De hokogea idadi abe ona mata-mata yomarii-riidoka, ho una watemo onangika de wapake to ona manga demo, o Ibarani ma demo abe yatobapake genangoka.

Himatoko 16:16

Ho ma tokata ma dorou o gahumu hange gea yatoomuino o dunia ma kokoano ma ngioka abe nako o Yahudi ma nyawa manga demo yotemo ato o Harmagedono ma ngi, la genangoka ahao iwikokiparangi Ma Jouika.

Himatoko 9:11

De ma kabotara gea naga to ena ma koano moi, de ma koano gea enangoo o haara ma malaekata angamoi ena gea abe ihikoano mata-mata o haara ma goronaka. De nako o Yahudioka manga demo gea ma koano ma romanga o Abadono, de nako o Yunanioka manga demo gea ma romanga o Apoliono, abe ma romanga gea ma titi o Bobinaaha.