Yohanese 5:16 - Ma Jou ai Demo-demo o Totobelohoka

¹⁶ De mangale ma titi gea o Hiaini ma wangeoka o Yesusu wihitogumu una gea, ho hiadono iwihikangela o Yahudi ma nyawa manga balu-baluhu.

Yohanese 5:16 ပူးပေါင်းရင်းမြစ်များ

Matiusu 12:13

De wapaluhu ibooto de ahao witemo ai giama ihelu-helukika wato, “Abeika nagorakiye ani giama.” De ai giama wagorakiye de itogumoka ho idadi imakadaene abe hoka ai giama ma honongali.

Maruku 3:6

De o Farisi ma nyawa genangoka ka de gea idadi de yohupuoka de yoiki o Herodese ai dodoomuika, de ahao ma doomu hinooto gea ona yomahikagaro la ato o Yesusu iwitoma.

Lukasa 6:11

De abe iwilawa-lawana o Yesusika ona yamake ai datoro gea de manga hiningaka duru ifaeiye manga ngamo Unangika. Ho ona gea yomakoketemo abe hokokia ma ngekomo irahai la ka idadi o Yesusu iwitaoko.

Yohanese 1:19

De ma moiuku o Yahudi ma nyawa manga hohidimono abe yogogere o Yerusaleeme ma kotaka, yahidingoto manga hidemo Ma Jouika yamuruono naga la ona o Yohanese iwitutumu. De naga o hidimono utu onangoo o Lewi ma dutuino abe yahidingoto la to ona manga leleha ma demo yadofanga o Yohanesika. Ho ona yotuono yoboa o Yohanesino de iwileha unangika ato, “Hobata, ngomi naa mimahilooahi, mitotaka mia hidimono manga leleha la ka idadi ngomioli miadofanga onangikali ani bobaluhu ma demo. De hokonaa dika mia gianongoru minileha, ‘Ngona naa nomahingahu ngomino nodadi onaguna? Sarakia, ka idadi nomihingahu ngomino?’”

Yohanese 10:39

Ka de o Yesusu ai demo gea ona yoihene de ma moioli ihitaili iwitaoko masara ngaro yomulaenge iwitaoko ma ka itodokanino de ka aiaho angamoi wogila-gilaka.

Yohanese 15:20

Ho ufa niawohanga ahi demo nginika abe tato, nako o huhuloko de o huhuloko ai dutu, ko idadiua o huhuloko gea wato ka unangohi wokurutiye. De naga ahi demo moioli abe ma titi nako Ngohi todadioka ti ngini nia Baluhu de o kangela ihidaene, ufa niafikiri nginika ko inidaenua, angamoi nginioo ahao inihikangela. Abe nako naga o nyawa ko ihihigihenua Ngohi, gea ti nginioo nia demo ko ihigihenua.

Yohanese 5:10

Ho nagali genangoka o Yahudi ma nyawa manga balu-baluhu. De ona gea ka de iwimake abe una wotogu-togumoka gea ai nanao wao de iwitaere ato, “Adodoa ho hiadono o Hiaini ma wangeoka naa de ani nanao gea nao? Angamoi naga Ma Jou ai Behehongo ma Bukuoka ato ufa o Hiaini ma wangeoka hokarajaanga. Ho gea ma titi nanga bohono naga abe nanga kiahonanga ko idadiua hao o wange naa.”

Yohanese 5:13

Masara una wotogumoka gea duru ko wihiorikua onaguna gea wihitogumu angamoi o Yesusu ko womafetongua de ka de wihitogumoka de o nyawa manga ngoe manga hidogoronaika o Yesusu wowohamoka.

Yohanese 5:15

De ahao una wotogumoka gea woiki manga balu-baluhika gea abe nengokaino iwileha onaguna wihitogumu. Gea onangika woiki, de ahao wahingahu wato, “Una gea wohihitogumu ai romanga o Yesusu.”

Yohanese 5:17

Ma o Yesusu wahingahu onangika wato, “Ko ma iwahi ma oraha ahi Baba ko wokarajaangua ho Ngohioo o wange-wangeiye ahi karajaanga ko itoa-toakua.”

Yohanese 5:18

Ho ka de o Yesusu ai demo gea yoihene de o Yahudi ma nyawa manga balu-baluhu gea duru idogo iwidohata hiadono iwihidee ato kiani iwitoma. Ona iwihidee ato iwitoma angamoi ma titi hinooto, moi manga bohono watilakuroka abe ko idadiua yokarajaanga o Hiaini ma wangeoka. De utuohi o Yesusu wifetongo Ma Jou, wato “Ahi Baba” hoka ma titi womahingahu wato yomatoteroino Una de Ma Jou. Gea ma titi hiadono ona yomakoketemo ato, “Kiani hitoma la hiadono wohonenge.”

Yohanese 7:21

De ahao o Yesusu wapaluhu onangika wato, “Ngohi ma dihira o heheranga moi todiai hiadono duru nikokiheranga. Masara hiadono naa duru nihingamo Ngohino ma titi o Hiaini ma wangeoka de tihitogumu womatengo gea hiadono duru ai badanga ma gahumu itogumoka. Ma abeika ngini, nako naga nia ngofaka womaboa la hiadono ai huhuna ma gahe o Hiaini ma wangeoka adaene, gea de ngini niwihuna dika o Hiaini ma wangeoka. De ngini niato hokogea nidiai la ufa hiadono nia bohono niatilakuru abe niamake o Musaino. Masara gea ko o Musaua winihidoaka o huhuna ma pareta, o pareta gea ti ngini nia totoforaino.

Yohanese 7:25

Ka de o Yesusu ai demo gea yoihene de naga o Yerusaleeme ma nyawa yomakoketemo ato, “Marai gea Una, abe nanga balu-baluhu iwihidee iwitoma, e?