Yohanese 5:15 - Ma Jou ai Demo-demo o Totobelohoka

¹⁵ De ahao una wotogumoka gea woiki manga balu-baluhika gea abe nengokaino iwileha onaguna wihitogumu. Gea onangika woiki, de ahao wahingahu wato, “Una gea wohihitogumu ai romanga o Yesusu.”

Yohanese 5:15 ပူးပေါင်းရင်းမြစ်များ

Maruku 1:45

Masara o nyawa gea ka de wohupu de waade-adeoka o nyawaika. Ho ai ade-ade gea wohikabarihoka hiadono o Yesusu ko idadiokaua wowohama o kapo-kapongika done o nyawa ko manga ngoe iwihideefotino. Ho kiani womahidodogumu ma hoa-hoanoka abe ko iwa o nyawa genangoka. Ma ngaro o Yesusu womatingakika hokogea ma ka ihikaika nagahi o nyawa o kia-kiaino dika yoboaino Unangino.

Yohanese 1:19

De ma moiuku o Yahudi ma nyawa manga hohidimono abe yogogere o Yerusaleeme ma kotaka, yahidingoto manga hidemo Ma Jouika yamuruono naga la ona o Yohanese iwitutumu. De naga o hidimono utu onangoo o Lewi ma dutuino abe yahidingoto la to ona manga leleha ma demo yadofanga o Yohanesika. Ho ona yotuono yoboa o Yohanesino de iwileha unangika ato, “Hobata, ngomi naa mimahilooahi, mitotaka mia hidimono manga leleha la ka idadi ngomioli miadofanga onangikali ani bobaluhu ma demo. De hokonaa dika mia gianongoru minileha, ‘Ngona naa nomahingahu ngomino nodadi onaguna? Sarakia, ka idadi nomihingahu ngomino?’”

Yohanese 4:29

De mahigaro onangika mato, “Niaino! Nihiniiki ngohi! Gea Una doka naga nanga humuoka wogogeruku wohihingahu abe hokokia ahi datoro mata-mata. Abeika la nginioo niwilega, bote Una gea o Mesia eko sarakia?”

Yohanese 5:10

Ho nagali genangoka o Yahudi ma nyawa manga balu-baluhu. De ona gea ka de iwimake abe una wotogu-togumoka gea ai nanao wao de iwitaere ato, “Adodoa ho hiadono o Hiaini ma wangeoka naa de ani nanao gea nao? Angamoi naga Ma Jou ai Behehongo ma Bukuoka ato ufa o Hiaini ma wangeoka hokarajaanga. Ho gea ma titi nanga bohono naga abe nanga kiahonanga ko idadiua hao o wange naa.”

Yohanese 5:12

Ka de ai demo gea yoihene de o Yahudi ma nyawa manga balu-baluhu gea iwilehali ato, “Onaguna gea wonihuloko la hiadono nagoraka de nao ani nanao gea?”

Yohanese 5:16

De mangale ma titi gea o Hiaini ma wangeoka o Yesusu wihitogumu una gea, ho hiadono iwihikangela o Yahudi ma nyawa manga balu-baluhu.

Yohanese 5:18

Ho ka de o Yesusu ai demo gea yoihene de o Yahudi ma nyawa manga balu-baluhu gea duru idogo iwidohata hiadono iwihidee ato kiani iwitoma. Ona iwihidee ato iwitoma angamoi ma titi hinooto, moi manga bohono watilakuroka abe ko idadiua yokarajaanga o Hiaini ma wangeoka. De utuohi o Yesusu wifetongo Ma Jou, wato “Ahi Baba” hoka ma titi womahingahu wato yomatoteroino Una de Ma Jou. Gea ma titi hiadono ona yomakoketemo ato, “Kiani hitoma la hiadono wohonenge.”

Yohanese 9:15

Ho ka de o Farisi ma nyawa onangoo iwileha abe hokokia idadi unangika de onangikaoo wapaluhu wato, “Una gea wodiai abe ma rupa hoka o hibauru o tonakino, de gea wohiehe daku ahi lako ma lokuino ibooto de ahao wohihuloko la tomamahau. Ho tomamahau ibooto de ka itodokanino tomahioriki. Hokogea dika ai hiaturu ngohino.”

Yohanese 9:25

De worafi-rafi gea wapaluhu onangika wato, “Ngohi ko tihiorikua nako Una o howo-howono ma nyawa eko koua. Masara naa duru tohioriki, abe ngaro ma dihira torafioka ma naa tomahiorikoka!”

Yohanese 9:30

Ho una wapaluholi onangika wato, “Ngohi gea nia demo duru ka toherangaholi hiadono kanganohi tanu totemo ma duru toheranga hiadono ko idadiua totemo! Una gea wodiai la ka idadi tomahioriki masara ngini niato ngaro Una gea o kiaino ma nyawa ma ko niwihiorikua!

Yohanese 9:34

Ka de worafi-rafi gea wotemo hokogea de ona duru iwitaere ato, “Ou, ngona gea ka de nomahidoboainohi de duru nodadiokau o howo-howono ma nyawa! Mode ngona onaguna hiadono nato nomidotoko ngomino hokonaa?” Hokogea o Farisi ma nyawa iwitaere ibooto de ahao de manga dohata, manga dodotoko ma tauoka worafi-rafi gea iwihihupuoka ma hoanika.