Yohanese 4:51 - Ma Jou ai Demo-demo o Totobelohoka

⁵¹ De ma dawangeino una ko womahiadonuahi ai tauika de ona abe ai tauoka iwiduhu-duhunu, ona gea iwibuhuku o ngekomino de iwihitodokanika ato, “Ani ngofaka womomikoka!”

Yohanese 4:51 ပူးပေါင်းရင်းမြစ်များ

1 Kokoano 17:23

De o Elia wigoraka witotiri wihiguti o tau ma goronauku de wihigilio ngoi meme ami giamika. De una wato, “Abeika hobata, ani ngofaka naa ka wowangokali!”

Yohanese 4:50

Hokogea wotemo de o Yesusu wihuloko unangika gea wato, “Nolio dika, ani ngofaka ka wowangohi, de ko wohonengua.” Hokogea o Yesusu wotemoka de una o popareta ka wolio ai tauika, angamoi o Yesusu ai demo wangaku ho wosoboka.

Yohanese 4:52

Ho iwibuhu-buhuku gea iwihingahuoka ai ngofaka womomikoka, de ahao unangoli waleha onangika wato, “Ho o takoro muruono de wotogumu?” De ona iwipaluhu ato, “Kanugono ahao o wange ikorona ipaha abe o takoro moi de ai hauku ihagaka.”

Yohanese 4:53

Ka de hokogea iwihingahu de una wohiorikoka abe gea duru ma oraha o Yesusu yomakoketemo de una doka o Kana ma kapongoka. Abe kanugono ma oraha o Yesusu wihuloko wato, “Nolio dika, ani ngofaka ko wohonengua.” De gea duru o takoro moioka o Yesusu wotemo hokogea de duru ai ngofaka wotogumoo ma takoro gea. Ho ma titi hokogea o Yesusu ai ngofaka wihitogumu hiadono ai baba de ona mata-mata ai tauoka o Yesusu iwikokingakuoka.