Yohanese 4:50 - Ma Jou ai Demo-demo o Totobelohoka

⁵⁰ Hokogea wotemo de o Yesusu wihuloko unangika gea wato, “Nolio dika, ani ngofaka ka wowangohi, de ko wohonengua.” Hokogea o Yesusu wotemoka de una o popareta ka wolio ai tauika, angamoi o Yesusu ai demo wangaku ho wosoboka.

Yohanese 4:50 ပူးပေါင်းရင်းမြစ်များ

1 Kokoano 17:16

De gea angamoi ami tarigu ma botoka gea ko imataua de ami saitunu ma minya ma botoka enangoo ko imataua duru imaketero abe hoka Ma Jou o Yawe ai behehongo onangika abe wihiakunu ai uru ma dodofanga o Eliaika la womihingahu munangika.

Matiusu 8:13

De o Yesusu witemoli o Roma ma tentara manga haekika wato, “Ngona ka idadi nolio dika, angamoi naa idadioka abe duru imakiniiki de ani ngongaku ma demoino.” De duru ma oraha gea dika de to una ai duduhunu abe ka o goohi una wotogumoka.

Lukasa 17:14

De o Yesusu womalega onangika de wato, “Ngini nikokiloiki de nimahimatoko nanga hidemo ma nyawa Ma Jouiye la ona atailako nia badanga!” Ho ona yokokisoboka de manga dodagi ma goronaka de ka itodokanino de yokokitogumoka.

Yohanese 11:40

De o Yesusu wopaluhu munangika wato, “Marai ngona nawohangoka abe tonihingahu kangano, tato nako ngona nangaku ahao namake Ma Jou ai medebini ma dararono?”

Yohanese 4:49

De una o popareta wotemo wato, “Ahi Baluhu, kiani nomataitino noboa done ahi ngofaka abe duru tidora ko nidaenua.”

Yohanese 4:51

De ma dawangeino una ko womahiadonuahi ai tauika de ona abe ai tauoka iwiduhu-duhunu, ona gea iwibuhuku o ngekomino de iwihitodokanika ato, “Ani ngofaka womomikoka!”

Ibarani 11:19

Angamoi doka o Abarahaama ai hiningaka una wato nako o Isaka kiani wohonenge, gea naga Ma Jou ai kuaha la wihimomikoli ai honengino. De gea ngade-ngade hokogea ka idadi hohiromanga, angamoi gea imaketero hoka o Isaka wohonengoka de Ma Jou wihimomiki ai honengino la wowangoli. Ho gea o Abarahaama ai hiningaka wato ka idadi ai ngofaka o Isaka wihidadi ai huhuba angamoi wingaku Ma Jouika.