Yohanese 4:43 - Ma Jou ai Demo-demo o Totobelohoka

⁴³ Ho o futu hinooto ipahaika o Yesusu wogogere o Sikara ma kapongoka gea de wosobo wogila-gila o Galileaika.

Yohanese 4:43 ပူးပေါင်းရင်းမြစ်များ

Matiusu 4:13

De ipahainoli o Nasarete ma kapongo wanoaikali de woiki la womanoali o Kapenaumu ma kapongoka gea. De o Kapenaumu ma kapongo enangoo gea imanoa o Galilea ma tonakoka, abe duru o Galilea ma akere ma ngooto ma ngigorino. De ma tonaka gea abe ma dodihiraino de idadi nanga tofora o Yakubu ai ngofaka o Sebulono de o Nafatali to ona yahinooto manga totoforauku manga tonaka.

Yohanese 1:42

Ho ka de wihingahuoka o Simono Peturusika wato, “Wiwimakeoka nanga Mesia,” de o Andareasa ai riaka wiao o Yesusika. Ho gea ahao yomarihimanga o Yesusu de o Simono Peturusu, de o Yesusu widamaanoka unangika de wato, “Ngona naa tonihioriki, ngona o Simono, o Yohanese ai ngofaka. De naa tonihiromangoli ho ani romanga o Kefasa.” O romanga o Kefasa gea ma titi o lokuhakaru ho nako haturuuru o Yunani ma nyawa manga demoika gea o Peturusu.

Yohanese 4:40

Ho ka de o Samaria ma nyawa gea yoboa o Yesusino de duru yogahoko la iwitumungu genangoka, ato, “Mia Baluhu, nenangoka minitumungohi, wahiohi nogila-gila.” Ho o Yesusu womahidodogumohi onangoka o futu hinooto ai dekana onangoka.

Yohanese 4:44

De genangika ai tonakika woiki angamoi ma dihira Una ma hirete wotemoka, wato, “Abe nako naga womatengo Ma Jou ai uru ma dodofanga de to una ai nyawa abe yomahikapongo moi de de una, ona gea ko iwa manga horomati unangika.”

Yohanese 4:46

Ho o Yesusu womahiadonika o Galilea ma tonakoka de woikoli watutumu o Kana ma kapongika abe ma duruino genangoka o akerino wohidadi o angguru ma teongo. De ma oraha o Yesusu o Kana ma kapongoka de naga womatengo o popareta ma nyawa wokurutiye abe wogogere o Kapenaumu ma kapongoka. De una gea ai ngofaka duru iwigogama.

Roma 15:8

De ufa ngini niawohanga abe naga ma titi hinooto hiadono nanga Baluhu o Kristusu woboa. Abe ma titi moi, gea woboa la ngone mata-mata ka idadi hohioriki abe Ma Jou duru wagou-goungu de abe Una wahingodumu ai behehongo mata-mataika. De gea ka idadi hamake abe wahingodumu ai behehongo abe ma oraha Una womiduhunu ngomi o Yahudi ma nyawa. De abe ma dodihiraino de wahibehehongoka to ngomi o Yahudi ma nyawa mia totoforaika ma titi ahao wihidingoto mia koano, enangoo ma wahingodumu ma oraha o Kristusu wihidingoto ngomiuku. Ho genangino de ngomi o Yahudi ma nyawa wiwihigiriiri Unangika ma titi Una wagou-goungu ai behehongika.