Yohanese 4:41 - Ma Jou ai Demo-demo o Totobelohoka

⁴¹ De ma oraha gea de naga manga ngoe yototoihene o Yesusu ai demoino ho yodogoli yowoe abe iwingaku Unangika.

Yohanese 4:41 ပူးပေါင်းရင်းမြစ်များ

Dodadi 49:10

Ko moiua la iwiakunu ai kuaha ma dodunguu iwiora, Ho ai totoforauku onangino ka ihikaika naga abe yodadi o koano, Hiadono una woboa ai romanga o Silo abe o koano ma tutukunu gea to una ma dutu. Gea una abe ahao o nyawa o tonaka mata-mataika iwihingounu.

Lukasa 4:32

De onangoo duru yoheranga ma titi ai dodotoko ma demoika, angamoi to Una ai demo naga de ma kuahaka.

Yohanese 4:40

Ho ka de o Samaria ma nyawa gea yoboa o Yesusino de duru yogahoko la iwitumungu genangoka, ato, “Mia Baluhu, nenangoka minitumungohi, wahiohi nogila-gila.” Ho o Yesusu womahidodogumohi onangoka o futu hinooto ai dekana onangoka.

Yohanese 4:42

De ahao yotemo o ngofekaika gea ato, “Ma titi abe ngona ihira nomihingahu hiadono ngomi wiwingaku, masara naa wiwingaku angamoi ngomi ma hirete wiwimake de miihene ai demo abe Una ma hirete womihingahu. Ho naa duru mihiorikoka abe igoungu Una gea o nyawa o duniaka wahihohe manga howonino.”

Yohanese 6:63

Gea o Womaha Ma Jouino abe wahiwango o nyawa. Ko iwa manga utumu ahi roehino masara ahi hiketero ma demo kangano, gea Ma Jou o Womahino. Gea ma titi ho hiadono ahi demo hokogea, de ahi demo gea ka idadi ngini inihiwango ka hiado-adonika.

Yohanese 7:46

De ona yomademo manga balu-baluhika ato, “Una gea ai demo duru imakohowono de to ngone nanga demo! Duru ko ma moiuahi naga o nyawa yotemo-temo hoka Unangoli wotemo-temo.” Hokogea ona abe yotobagoa-goana Ma Jou ai Tau yomademo.

Hidingoto 1:8

Masara naa moi ka idadi tinihingahu, abe ahao ma oraha ngini naa inilufungu de Ma Jou o Womaha de gea duru niamake ai kuaha la ka idadi niahingahu-ngahu o nyawa mata-mataika ma titi Ngohi. Abe ngaro o kia-kiaka dika yogogere, abe ngaro o Yerusaleemoka ma nyawa, de ona abe o Yudea ma tonakoka yomanoa, de ngaro ona abe o Samaria ma tonakoka, de ka hiadono o dunia ma bobahaika, ma ona mata-mataika ka idadi ngini nihiabari ma titi Ngohi!”

Hidingoto 15:3

Ho ma gareja o Antiokia ma kotaka yahidingoto de ahao abe manga dodagi ma goronaka de yotulu-tulu o Fenisia de o Samaria ma tonakoka la ka idadi yatutumu manga gogianongoru o ngongakuoka. De abe ma oraha yomaketeade-ade de yahingahu onangika abe hokokia ma dihiraino de ona ko o Yahudi ma nyawaua onangoo manga ngoe iwingakuoka o Yesusika. Ho ma ade-ade gea yoihene de ona mata-mata duru yogogarago abe ma titi o nyawa manga ngoe yomangali Ma Jouika.

Hidingoto 8:12

De ipahaino de o Filipusu wahingahu-ngahu onangika o Abari ma Rorahai abe ma titi hokokia Ma Jou wahikoano ai nyawaika de abe ma titi o Yesusu Kristusu woboa la wonaduhunu nanga howo-howonino. De gea o Samaria ma nyawa manga ngoe yongaku ai demoika ho yomaohiki. Abe naga o nau-nauru de o ngo-ngofekaoo manga ngoe yomaohiki ma titi yongaku o Abari ma Rorahaiika.

Hidingoto 8:25

De yomakoketemo de o Simono ibooto de ahao o Peturusu de o Yohanese ona yoiki yoade-ade o kota ma nyawaika abe hokokia yamake o Yesusu ai wowangoka. De nagali abe yahikodoku Ma Jou ai Demo-demo onangika. De yahikodoku ibooto de ma kotaka gea de yosobo yolio o Yerusaleeme ma kotaika. De manga dodagi ma goronaka de ma ngoe yotulu-tulu o Samaria ma nyawa manga kapo-kapongoka la o Abari ma Rorahai yahingahu-ngahu onangika.

Ibarani 4:13

De gea moioo de ko iwa abe to Una ai dulaadoka de ka akunu imagogono la ufa wamake. Masara gea duru mata-mataika imatawangeika dika la Ma Jou ai lako ka yobawilika enangika. Ho Unangika ahao ngone kiani homoi-homoi homahitararono abe ma titi nanga hininga ma datoro mata-mataika. Ho igoungu kiani ngone hohidodiai hanii-niiki ai hingahu ma demoika abe Unangoka de aino iboa.