Yohanese 4:38 - Ma Jou ai Demo-demo o Totobelohoka

³⁸ De abeika ngini naa, tinihuloko la niutuku gea abe ko ti nginiua nia kangelaino. Abe naga o nyawa utu yohira yokarajaanga hiadono nginioo ma, niamake o utumu manga karajaangino gea.”

Yohanese 4:38 ပူးပေါင်းရင်းမြစ်များ

Matiusu 4:23

De o Yesusu wotagi-tagi o Galilea ma tonaka ma amokika abe waloo-loliti de wotulu ma kapongo homoi-homoiika de wadotoko genangoka abe o Yahudi ma nyawa manga dodotoko ma tau-tauoka. De Una wahingahu onangika o Abari ma Rorahai abe ma titi Ma Jou woboaino la wahikoano o nyawa o duniaka naa. De ma oraha gea de o nyawa abe de manga panyakeoka ma rupa o kia dika naga, masara Una wahikokitogumu manga popanyakeino gea.

Yohanese 1:7

Ma Jou wihidingoto o Yohanese o nyawaika la una wahingahu-ngahu onangika o dararono ma titi. De Ma Jou ai mau la o nyawa mata-mataika ihigihene de yangaku ai hingahu ma demoika.

Yohanese 17:18

Angamoi abe hoka Ngona nohihidingoto o duniauku naa, imaketero hokogea onangoo naa Ngohi tahidingoto o dunia ma nyawaika. Abe imaketero hoka Ngona nohihikarajaanga ho onangoli naa ihigila-gila ani karajaanga gea.

Yohanese 4:37

De gea igoungu, hoka o nyawa manga demo ma dulu ato, ‘Utu hodatomo de utu houtuku.’

Yohanese 4:39

De o Samaria ma nyawa abe yogogere o Sikara ma kapongoka gea ko manga ngoe iwingaku o Yesusika mangale to muna ami demo abe mato, “Una gea wohihingahu ngohino ahi datoro mata-mata.”

Hidingoto 2:41

De ma nyawa genangoka abe yodafongo to Peturusu ai demo ma titi o Yesusu, ona gea ahao yomaohiki ho yomahidogo manga doomuika. De o wange gea naga ngade-ngade yasana hange abe iwingaku de yomahidogo manga doomuika.

Hidingoto 4:32

De ma oraha gea de ona mata-mata iwingaku-ngakuoka o Yesusika duru yomaketehiningamoi. De ona homoi-homoi yamao abe manga kiahonanga gea ko to onangua dika masara to manga doomu manga kiahonanga, ho yahikeregu mata-mataika.

Hidingoto 4:4

Masara abe kanganoino manga demo o nyawa manga ngoe yoihene de yongaku enangika, ho nagali abe yomahidogo manga doomuika. De nako haetongo o nauru mata-mata abe ma oraha gea iwingaku-ngaku Unangika, naga yasana motoa abe iwingaku, de gea ko haetonguahi o ngo-ngofeka de o ngofa-ngofaka.

Hidingoto 5:14

De ka ihikaika yodogo-dogo yowoe abe iwingaku nanga Baluhu idodutuika, abe ngaro o nau-nauru de ngaro o ngo-ngofeka masara ko manga ngoe yomahidogo manga doomuika.

Hidingoto 6:7

De ma oraha gea Ma Jou ai Demo-demo ka ihikaika imahikabarihika de o nyawa manga ngoe yangaku enangika, ho ka ihikaika yodogo-dogo manga doomuika abe o Yerusaleemoka. De hongoli naga o Isiraele manga hidemo ma nyawa manga ngoe abe iwingaku o Yesusika, ho onangoo yomahidogo o ngongaku ma nyawaika.

2 Korintusu 10:15

De ngomi naa ko mimahitongomiua o nyawa utu manga karajaanga ma hasili, angamoi ka ma dihirahi de ngomi ma hirete mikarajaanga nginioka. De ngomi duru mionganono abe ti ngini nia ngongaku ka idogo-dogohi Ma Jouika la ahao to ngomi mia karajaanga ma utumu abe naga nginioka enangoo ka idadi idogo-dogo. De gea ahao ma utumu ka idadi duru itobafaata abe o nyawa utu manga wowangoka.