Yohanese 4:34 - Ma Jou ai Demo-demo o Totobelohoka

³⁴ Ho angamoi yomakokeleha hokogea, o Yesusu wahingahu onangika wato, “To Ngohi ahi inomo, gea ahi hingounu to Una ai mauika abe wohihidingotino. Abe naga o karajaanga wohihidoaka Ngohino de kiani gea tabootokahi, ho ahi karajaanga gea to Ngohi ahi inomo.” Hokogea o Yesusu wahitararono ona iwitobanii-niikika.

Yohanese 4:34 ပူးပေါင်းရင်းမြစ်များ

Matiusu 26:39

De o Yesusu woiki hatoli watingakika yaruange gea de womamotumuku womaniata Ma Jouiye wato, “Ahi Baba, nako ka idadi, iti ufa gea ahi kangela abe itigioka idadi Ngohino. Masara iti ufa to Ngohi ahi hininga ma mau naniiki, masara tato Ngona dika Baba ani mau naniiki.”

Matiusu 3:15

De o Yesusu wipaluhu unangika wato, “Marai ma oraha naa dika de kiani nohiohiki Ngohi, angamoi ngone kiani haniiki Ma Jou ai hininga mata-mataika abe ngoneino.” De gea o Yesusu wotemo ibooto de ahao o Yohanese wiohiki o Yesusu genangoka.

Matiusu 9:19

De o Yesusu womodeke ho Una de iwinii-niiki yosobo la iwiniiki ma hibaluhu ai tauika.

Lukasa 15:10

De ahao o Yesusu wahitararono onangika wato, “De naa ma moioli tinihingahu abe nako hiadono o howo-howono ma nyawa womatengo dika yotoba manga howonino, gea Ma Jou de ai momalaekatoo duru yogogarago.”

Lukasa 19:10

De duru naa ena ma titi hiadono Ngohi naa o Nyawa ma Ngofaka toboa o Horogaka de tauku, la o nyawa abe yorehe-rehenoka Ma Jouino ona talingirohi de taduhunu manga howo-howonino. De duru gea ena abe idadi nenangoka, abe o Sakeusu ai howono aofioka Ma Jou ai himangoka.”

Lukasa 2:49

De Una wopaluhu onangika wato, “Ma titi o kia hiadono nihilingiri o ngi-ngi utuika? Mode ko nihiorikua abe Ngohi kiani naga ahi Baba ai ngioka?”

Yohanese 17:4

“O Baba, Ngohi ani medebini ma dararono tohiboa Ngonaika ma titi tabootoka ahi karajaanga mata-mata abe nohihidoakino Ngohino la todiai o duniakahi naa.

Yohanese 19:28

Ka de wahibehehongoka onangika ibooto de o Yesusu wohiorikoka ai karajaanga abe o nyawa waduhunu, naa mata-mata wabootoka. De naa o Yesusu wotemo de ai demo duru imakadaene abe ma dihira Ma Jou ai uru ma dodofanga ihitulihukuoka Ma Jou ai Demo-demoka, abe wotemo wato, “Ngohi ahi ngomaha yodudungu.”

Yohanese 19:30

De o Yesusu ka de wafifihi o angguru ma suka-suka gea de wotemo wato, “Naa ibootokau!” De womaponuku de ai ngomaha itoakoka.

Yohanese 4:32

Masara o Yesusu wapaluhu onangika wato, “Naga Ngohioka o inomo abe ngini ko nihiorikua.”

Yohanese 5:30

De gea duru ko moiua todiai abe Ngohi tomahohiningaiye dika de todiai. Ho abe ma oraha gea o nyawa manga datoro tatailako, abe tahohowono eko tahidoaka o wowango onangika, gea taniiki duru imakadaene abe toihene ahi Babaino. Ho o nyawa tahohowono itiai angamoi ko to Ngohiua dika ahi mau taniiki masara duru to ahi Baba ai mau dika taniiki angamoi gea Una wohihidingoto Ngohi.” Hokogea o Yesusu womahitararono o Yahudioka manga balu-baluhika gea.

Yohanese 5:36

De o Yesusu ka wahitararonohi o Yahudioka manga balu-baluhika gea wato, “Masara abe Ngohi naa todiai, ena gea ihihitaana abe Ngohi naa Ma Jouoka de taino. Ho ngaro o Yohanese ai hingahu gea itiai ma titi Ngohi, masara naga abe ka enangohi abe duru ihihitaana de gea ma karajaanga abe Ma Jou wohihibehehongo la tabooto todiai. Ho genangoo la ihihitaana Ngohi abe Ma Jou dika wohihidingoto nginino.

Yohanese 6:33

De o roti Ma Jouino gea abe winihidoaka naa, gea Ngohi abe touti o Horogaka de tauku la o nyawa o duniaka ka idadi tahidoaka o wowango ma ngango.” Hokogea wahitararono onangika.

Yohanese 6:38

Angamoi Ngohi o Horogauku ko toboaua ma titi to Ngohi dika ahi hininga tato taniiki abe toigo todiai, masara naa toboa ma titi Ma Jou ai mau taniiki la todiai, abe gea Una wohihidingoto.

Yohanese 8:29

Gea Una wohihidingoto de ka ihikaika Una naga Ngohioka. De mangale duru ka ihikaika tihisanangi ho ko ma moiuahi wohinoa.”

Hidingoto 20:35

De ngohi ka ihikaika ahi wowangoino de tinihimatoko nginika abe hokokia ka idadi o hu-huha ma nyawa haduhunu ma titi nanga karajaangino, la ngini ka idadi nimaaduru hoka ngohioli ahi karajaanga ma dubuho. De irahai ngini nimahihohininga abe ma titi nanga Baluhu idodutu o Yesusu ai demo. Abe Una ma dihiraino wato, ‘Nako o nyawa abe yahidoa-doaka de abe yodafo-dafongo, ka onagonahi de manga hininga duru isosanangi? De gea o nyawa yahidoa-doaka yososanangi, angamoi ona gea ahao manga hiowa ilamoko yamake Ma Jouino!’ Hokogea nanga Baluhu ai demo abe ngone kiani ka ihikaika hanii-niiki enangika!” De hokogea o Paulusu wohibobaha ai demo o Efesusu ma gareja ma hihiraika.

Ibarani 12:2

De gea nanga popaata ma goronaka de kiani ka ihikaika homalega ka o Yesusika dika, angamoi Una gea ka idadi hihiromanga hato Una to ngone nanga ngongaku ma lifunu de ma dekaroo. Abe ma romanga gea ma titi hokonaa. Nako to ngone nanga ngongaku gea imulaenge Unangoka. De nako ahao ma oraha nanga roreebe ma batingika homahiadonikaka, Unangoo naga genangoka la ka idadi nanga ngongaku duru wohingodu-ngodumoka abe ma oraha homahiadono Unangika. Ho ngone naa ka idadi homaaduru abe hoka o Yesusoli ai hininga, angamoi Una ma dihiraino de ngaro o himaleke wohimanga abe kiani wohonenge o gota isosalioaka, masara ko iwitukorua de gea ena ai ngekomino. De gea Una ka wogila-gila dika de ai dongohono ka hiadono womahiadonika ma batingika angamoi genangoka de ahao wamake ai hadia o garago ma amoko Unangika. De gea womahiadonika de ahao wogogerukuoka Ma Jou o Baba ai kadera ma hohailoa ma nirakoka la genangoka Una de ai Baba yokoano.