Yohanese 4:25 - Ma Jou ai Demo-demo o Totobelohoka

²⁵ De ahao o ngofeka gea motemoli mato, “Ngohi tohioriki ahao naga o Mesia woboa abe iwifetongo o Kristusu de nako Una woboaka de ahao mata-mata womihitararono ngomino.”

Yohanese 4:25 ပူးပေါင်းရင်းမြစ်များ

Matiusu 1:16

De ukuoli to Yakuboli ai ngofaka o Yusupu abe una wodadi to o ngo Maria ami rokata. De o ngo Maria muna gea abe o Yesusu womaboa munangino. De o Yesusu Una gea abe iwihiromanga Unangika ato o Kristusu nanga Koano abe Ma Jou wonahibehehongoka ngoneino.

Matiusu 27:17

Ho ma ngorumino gea de o nyawa yowoe-woe yomatoomuino o Pilatusu ai tau ma loaka, ho una waleha onangika wato, “Nako ona yahinooto naa, onaguna ngini niairiki la tahiluasa nginika? Tihiluasa o Barabasa ekola tihiluasa o Yesusu abe iwihiromanga nia Mesia de nia Koano?”

Matiusu 27:22

De o Pilatusu wotemo wato, “De nako o Barabasa tihiluasa nginika, gea ahao done sarakia todiai o Yesusika naa abe iwihiromanga ato ti ngini nia Koano abe nia Jou winihibehehongoka?” De ona mata-mata yopaluhu ato, “Nihohonenge dika o gota isosalioaka!”

Lukasa 2:11

Abe o futu naa doka o Dautu ai kota ma goronaka de naga o ngofaka womatengo womaboaka abe ma titi winiduhunu ngini. De Una gea ahao winihihohe nia howo-howonino. De ma ngofaka gea nanga Baluhu abe Una gea ti ngini nia koano abe Ma Jou winihibehehongoka.

Yohanese 1:49

O Yesusu ai demo gea woihene de o Natanele wohidemo de ai heranga ma demo wato, “Mia Guru, gea mata-mata nohioriki e? Ngona igoungu Ma Jou ai Ngofaka. Ngona o Isiraele ma nyawa manga Koano!”

Yohanese 4:29

De mahigaro onangika mato, “Niaino! Nihiniiki ngohi! Gea Una doka naga nanga humuoka wogogeruku wohihingahu abe hokokia ahi datoro mata-mata. Abeika la nginioo niwilega, bote Una gea o Mesia eko sarakia?”

Yohanese 4:39

De o Samaria ma nyawa abe yogogere o Sikara ma kapongoka gea ko manga ngoe iwingaku o Yesusika mangale to muna ami demo abe mato, “Una gea wohihingahu ngohino ahi datoro mata-mata.”

Yohanese 4:42

De ahao yotemo o ngofekaika gea ato, “Ma titi abe ngona ihira nomihingahu hiadono ngomi wiwingaku, masara naa wiwingaku angamoi ngomi ma hirete wiwimake de miihene ai demo abe Una ma hirete womihingahu. Ho naa duru mihiorikoka abe igoungu Una gea o nyawa o duniaka wahihohe manga howonino.”