Yohanese 4:18 - Ma Jou ai Demo-demo o Totobelohoka

¹⁸ Angamoi igoungu, ani rokata nomaturuuru ma motoa ibooto de ma oraha naa o nauru abe nimahitau moi, una gea ko ani rokatua. Ho, Hobata, gea notemo itiai nato ani rokata ko iwa.”

Yohanese 4:18 ပူးပေါင်းရင်းမြစ်များ

Dodadi 20:3

Masara ahao o futu moiuku de o Abimeleke wobuluhara, de ai buluhara ma goronaka de Ma Jou wihingahu unangika wato, “Abimeleke, ma titi ani howono ho naa ngona nohonenge! De angamoi muna gea abe naa ma duru nomiaoino la nomihidadi ngoni fekata, muna gea ami rokata nagau.” Hokogea Ma Jou wihingahu.

Dodadi 34:31

De o Simeono de o Lewi ka idadi iwipaluhu manga babaika ato, “Ho sarakia, gea ka hahigunoa yodiai mia birangika imaketero hoka muna o ngofeka abe ami biaha momafuku-fukunu dika?” Hokogea ma ade-ade ma titi o Sikeme de o ngo Dina.

Yeremia 3:20

Masara ngini o Isiraele ma nyawa nidadioka hoka o fekata abe duru ko magou-goungua ami rokatika. Angamoi ngini naa nihinoaka Ngohi imaketero hoka o fekata abe minoa ami rokata ma titi ami hininga ko itagiokaua unangika.

Maruku 10:12

De ngaro o ngofeka ma nako mioluku ami rokata de ahao moilaka o nauru womatengoli, gea munangoo mahowonoka ami rokata wohira-hiraika.”

Yohanese 4:16

De gea o Yesusu wotemoli wato, “Hobata, noikohi ani rokata nileohi de ahao ngini niboaino Ngohino naa.”

Yohanese 4:17

De muna mopaluhu mato, “Ahi rokata ko iwa.” De o Yesusu wato, “Ngona gea nagoungu, nato ko iwa ani rokata.

Yohanese 4:19

De muna moheranga mato, “Ahi Baluhu, marai ngona Ma Jou ai uru ma dodofanga angamoi gea itararono ngohino.

Roma 7:3

Masara nako ami rokata ka wowangohi de muna moilakoli o nauru moioli, muna gea ahao ka idadi o nyawa imihiromanga munangika ko matobagou-goungua ami rokatika de mahowono ami badangoka. Masara nako hoka ami rokata wohonengokahi de ahao muna moilakoli de o nauru moioli, muna gea o nyawa ko imihiromangua o ngofeka abe ami datoro itorou, angamoi ma pareta ma papakiti ko iwaka munangika ma titi ami rokata wohonengoka.

Ibarani 13:4

De ngini mata-mataika kiani nimahitiari la ufa niaruwae o gogiabereki manga gogaoika. Angamoi onagona dika abe yomakitigi ko itiaiua, ona gea ahao kiani Ma Jou wahohowono onangika. De ngini onagona dika abe niilakoka, ngini kiani duru niogoana nia gogao abe ngini o giaberekioka de ufa nimakitigi de utuika.

Ruutu 4:10

De gea ma titi manga tonaka de Wotobapanyake ngoi bao o ngo Ruutu abe muna gea o Moaba ma nyawa munangoo modadi to ngohi. Ho ma oraha naa ngohi o ngo Ruutu tomile la modadi ngohi fekata. Hokogea itiai la muna mamake ami ngofaka o nauru abe una wituruuru ai baba abe wohonengoka la manga fam ko ihihangua. Ho ma oara abe toobangu o wange naa ahao idadi to una ai oara ai babaino de ka idadi ma titi gea ihitulihuku o Beteleheeme ma bukuoka la ufa o Eli-meleke de ai ngofa-ngofaka manga romanga ihihanga. Hokogea ngohi tomahingahuoka ti ngini nia hima-himangoka, ho naa ngini nidadioka o hakihii ma nyawa ma titi ahi behehongo ma demoino.” Hokogea o Boasa ai hingahu.