Yohanese 3:31 - Ma Jou ai Demo-demo o Totobelohoka

³¹ De o Yohanese wohigila-gila wahitararono wato, “Una o Mesia de woboa o Horogauku, ho o dunia ma nyawa watilakuru mata-mata, abe ka Unangohi wokurutiye. De o nyawa abe o duniaka dika de yomaboa, ona gea manga tobahioriki abe naga o duniaka dika ma tobahioriki. Ho gea dika ka idadi ihikabarihi. Masara Una abe wokokurutiye, Una daku o Horogaka de wauku.

Yohanese 3:31 ပူးပေါင်းရင်းမြစ်များ

Matiusu 28:18

De o Yesusu womahitigi iwinii-niikika de wahibehehongo onangika wato, “Ngaro o Horogaka ma kuaha de ngaro o duniakaoo ma kuaha, masara gea mata-mataika ihihidoakoka Ngohino.

Yohanese 1:15

De gea Una ma titi abe o Yohanese wahingahu-ngahu o nyawaika duru waamo-amokiye wato, “Ma dihira tato ahao naga womatengo Una wohihidoduruino, de ma oraha naa Una naga abe tinihingahuoka. De nako Una de ngohi, ka Unangohi wokurutiye angamoi ngohi ko tomaboauahi de Una nagau.” Hokogea o Yohanese wahitararono o nyawaika.

Yohanese 1:27

Una gea ahao wohihidoduruino de Unangohi wokurutiye ho hiadono ngaro ngohi todadi o gilaongo abe totobahupu-huputu o nyawa manga sandaala masara nako to Una ai sandaala, ngohi ahi dodipokouku hiadono ko tomoroinua tahuputu.” Hokogea o Yohanese womahitararono.

Yohanese 1:30

Naa Una abe tinihingahuoka tato, naga womatengo ahao wohihidoduruino de nako ngohi de Una ka Unangohi wokurutiye. De ngaro ngohi tohira tomaboa masara ko tomaboauahi de Una nagau.

Yohanese 3:30

Abe ngohi kiani tomulaenge tomadohuku o nyawa manga himangino, ma kiani o Yesusu ka ihikaika wodogo wokurutiye manga himangoka.”

Yohanese 6:33

De o roti Ma Jouino gea abe winihidoaka naa, gea Ngohi abe touti o Horogaka de tauku la o nyawa o duniaka ka idadi tahidoaka o wowango ma ngango.” Hokogea wahitararono onangika.

Yohanese 6:51

Ngohi naa o roti ma ngango abe o Horogauku iutiuku ho o nyawa gea abe o roti naa yaolomo, gea ahao manga wowango ko iwa ma baha. O roti gea to Ngohi ahi roehe de ena gea ahao tahidoaka o dunia ma nyawaika la o wowango ma ngango yamake.”

Yohanese 8:23

Masara ahao o Yesusu wohigila-gila ai demo onangika wato, “Ngini naa o duniaka ma nyawa masara Ngohi daku o Horogaka de tauku. Abe ngini nimaboa o dunia ma lokuoka masara Ngohi hokogenangua.

Hidingoto 10:36

De ngini naa marai niihenoka abe ma titi o Abari ma Rorahai abe Ma Jou wohidingoto ngomi o Isiraele ma nyawaino. De ma abari gea imihingahu abe o Yesusu Kristusu Una gea to ngone o nyawa mata-mata nanga Baluhu idodutu. De genangino inahingahuoli abe o nyawa ka idadi naga manga gogao itiai Ma Jouika ma titi o Yesusu Kristusu ai datorino.

Roma 9:5

De moioli ma hiowa abe ma dodihiraino to ngomi mia totofora gea de Ma Jou wairiki de wagoraka ona la manga romanga idadi ikurutiye, de onangino gea ngomi o Yahudi ma nyawa midadi. De ma utumu mata-mata gea ngomi miamakeoka Ma Jouino, masara hongoli abe ma titi to ngone nanga Duduhunu o Kristusu, abe Una Ma Jou wonahibehehongoka ngoneino, Una gea womaboa ngomi o Yahudi ma nyawaino. Abe Unangoo Ma Jou Wokokurutiye, ho gea itiai ngone hihigiriiri Unangika ka hiado-adonika. Amin. De ngaro ngomi o Yahudi ma nyawa Ma Jou duru womihiutumu hokogea ngomino, masara ahi gogianongoru manga ngoe o Yahudi ma nyawaka de ona gea ka iwiolukohi Unangika abe Ma Jou wihidingoto la waduhunu. Ho mangale ma titi ona iwioluku Unangika ho hiadono kiani ona gea ahao yamake Ma Jou ai hohowono onangika. De gea ena ma titi hiadono ngohi ahi hininga ihuha de hiadono tanu ngohi toigo taturuuru ona ahi gogianongoru o Yahudi ma nyawaka, la ka idadi to onangoo manga hohowono ko yamakeuali Ma Jouino.

Ibarani 9:1

De naa abeika hafikirohi ma titi ma behehongo ihira-hiraika ma hiaturu hokokia. Abe nako ma behehongo ihira-hiraika gea, igoungu naga to enangoo ma hiaturu abe hokokia kiani yomahuba Ma Jouika, de nagali to Una ai Tau o Ngoerino o duniaka naa abe genangoka yomahuba-huba.

1 Peturusu 3:22

Abe Una gea wodoaiyeoka daku o Horogaiye de ma oraha naa Una naga wogogerukuoka Ma Jou ai nirakoka abe ai gogere gea ka enangohi ikurutiye o Horogaka. De ma oraha naa ngaro o kia dika abe naga de ma kuahaka masara gea mata-mata naga ma hingounu Unangika angamoi Una wohikalaka. Ho ngaro o momalaekata eko ngaro o popareta o kia dika eko ngaro o kia dika abe naga de ma kuahaka, ma, gea mata-mata naga ma hingounu o Yesusu Kristusika. De gea ka idadi hohioriki abe o Kristusu wolakuoka mangale ma titi ai kangelaino de ka winiikohi to ai Baba ai mau. Ho ahi demoino gea de toigo tinihigaro la ngini nimaaduru hoka o Kristusoli ai hininga. Abe Una gea ngaro iwihikangela masara ko womahipipidilua Ma Jouoka de aino ho ka ihikaika ma totiai dika watobaniiki. De imaketero abe hoka o Kristusu wamakeoka ai hiowa Ma Jouoka, ho nginioo ahao kiani niamake ma hiowa Unangoka. Ho ngaro o kangela o kia dika niaohana ma oraha naa, masara ufa niawohanga ma titi nia hiowa gea abe ahao dokengika ngini niamake. De nia nganganono gea ka idadi iniduhunu la o duniakahi naa de ngini niwango nitotiai Unangika.

1 Yohanese 4:5

De naga ma ngekomo moioli abe ka idadi hapake la hahikohowono ona yotobadoto-dotoko la hahioriki onagona abe manga dodotoko Ma Jouoka de aino, de abe onagonali manga dodotoko ka o duniaka dika de aino iboa. De gea hahikohowono ma titi ma nyawa hokokia abe yototoihene manga dodotokino. De ona abe yotobaeluku, ona gea o duniaka dika ma nyawa ho ma oraha yodoto-dotoko de o duniaka dika ma sosawaro ihupu manga uruoka de aino. De gea o dunia ma nyawa utuoli yosanangi yotoihene manga demoino gea.

Himatoko 19:16

De naga ai romanga moioli ihitulihika abe ai baju ma guru-gurutuku ma uguroko, de gea iwihiromanga ato, “O kokoano mata-mata manga Koano de o balu-baluhu mata-mata manga Baluhu idodutu.” Hokogea to Una ai romanga.