Yohanese 3:23 - Ma Jou ai Demo-demo o Totobelohoka

^23-24 De ma oraha gea o Yohanese una ko iwibuiuahi. Ho una naga o ngi moioka imakitingaka de o Yesusu ko ikurutikaua abe ma romanga o Ainono, de genangoka o Yohanese o nyawa waohiki angamoi naga o akere ma amoko genangoka. O Ainono ma ngi gea hatoli imahitigino de o Salimi ma kapongo. De genangino ka ihikaika naga o nyawa yoboaino la ka idadi o Yohanese waohiki.

Yohanese 3:23 ပူးပေါင်းရင်းမြစ်များ

Dodadi 33:18

De ahao ika-ika o Sukoto gea yanoa de yoiki yogila-gila hidutu yomahiadono o Kanani ma tonakika abe genangoka naga womatengo ai romanga o Hamoro. De o nyawa mata-mataika genangoka wahibaluhu hiadono ona yomahiromanga o Hamoro ma nyawa. De o Hamoro naga ai ngofaka womatengo ai romanga o Sikeme. De manga kota ma romanga ihitoomuika o Hamoro ai ngofaka ai romangika ho manga kotaoo ma romanga o Sikeme. De abe hatoli o kota ma datekoka gea naga o tonaka ma hohutulu womaija o Yakubu de ma ija o haaka ise-senge o ratuhu moi. De genangoka o Yakubu ai nyawa manga tau o ngoerino ihikokigoko.

Lukasa 3:7

De mangale ma titi o Yohanese ai demo gea abe wahingahu-ngahu o nyawaika ho ko manga ngoe yoboa unangino la ato waohiki onangika. Masara o Yohanese una wohioriki abe ona ko mata-mataikaua yoigo yaniiki Ma Jou ai totiai ma ngekomika, ho una wataere onangika gea wato, “Ho ngini naa done sarakia nia hiningaka hiadono niboa la niato tiniohiki nginika? Angamoi ngini nimaketero abe hoka o dodiha iloara o ukuoka de aino, abe ma titi ngini niato Ma Jou ai hohowono nginika ka idadi niodokaowara nako ngohi tiniohiki.”

Yohanese 3:22

Ipahaika de o Yesusu de iwinii-niiki yoiki o Yudea ma tonakika, abe gea imanoa o Isiraele manga tonakoka. De genangoka yogogere o minggu muruonino naga, de o Yesusu o nyawa waohiki genangoka.

Himatoko 1:15

De to Una ai lou duru iletongo abe hoka o tabaaga ma dutu abe to ena ma ioko ihikatingakoka o uku ma goronaka de aino, de ahao yaehe ho hiadono duru iletongo ma tabaaga gea. De to Una ai ilingi gea duru ilamokiye abe hoka o moku-moku ma ngoe ihohe ma koroongo.

Himatoko 14:2

De ahao o ilingi duru ma amokiye toihene o Horogaka de aino, de o ilingi gea ma amokiye hoka o moku-moku ma ngoe ihohe ma koroongo, eko hoka yokuruuhu duru ma amokiye de yoliarika ma ilingi. De nako ma ilingi ma rupa, gea ngade-ngade hoka o nyawa manga ngoe yapita-pitata manga hitar ma hohumuduru ma ilingi ma rupa, masara naa ena o hitar o fara moi.

Himatoko 19:6

De gea ipaha de ahao ngohi toihene o ilingi moi duru ma amokiye, abe marai ma ilingi gea hoka o nyawa ko manga ngoe manga hagaaga ma ilingi eko marai hoka o moku-moku ma ngoe ihohe ma koroongo, ekola marai hoka yokuruuhu duru ilamokiye de yoliarika ma ilingi. De gea ma ilingi ma demo toihene itemo ato, “Haleluya! Hihigiriiri nanga Baluhu idodutu de nanga Jouika! Una ngaro mata-mataika ma ka Unangohi duru de ai kuaha kohaamoko! Hihigiriiri Unangika angamoi naa womulaengoka la o dunia duru wahipareta!

1 Samuele 9:4

De o Saulu ai baba wihigihene ho una de manga duduhunu womatengo yosobo de o Efaraimi ma tonaka ma loku-lokuika yokokiloliti yaika yaino masara manga keledai ko yamakeua. De ahao yogila-gilaka yolingirohi hiadono o Salisa ma tonaka de o Salimi ma tonaka yaika yaino yolingiri. De ahao yomahiadono o Benyamini ma nyawa manga tonakika de genangokaoo yolingiri mata-mataika masara ngaro hokogea ma, ko yamakeuahi manga keledai abe ihihangoka gea.