Yohanese 3:19 - Ma Jou ai Demo-demo o Totobelohoka

¹⁹ Hokonaa ma titi manga hohowono gea: angamoi o dararono ma gou-goungu Ma Jouino iboakau o duniauku, masara o nyawa nako o dararono de o fufutu ka o fufutuohi yoigo mangale gea ona yodiaioka itorou.”

Yohanese 3:19 ပူးပေါင်းရင်းမြစ်များ

Sosawaro 2:13

Abe ona gea yomatingaka ma rorahaioka de aino la yaniikoli o fufutu ma ngekomo.

Lukasa 12:47

De ma duduhunu gea wamake ai hohowono duru itubuho abe duru iwipoha-poha angamoi una ngaro wohioriki to ai dutu ai mau masara ko wodiaiua. Abe ngaro wohioriki ai dutu ahao woboali masara ko iwa ai hidiai.”

Lukasa 16:14

De nagahi o Farisi manga doomuino ma nyawa genangoka de ona yoihene o Yesusu ai demoino ma titi o tiwi. Masara ona yoluku ai demo gea angamoi duru yotobadora o tiwika, ho ona iwihohedu Unangika ma titi ai demoino.

Yohanese 1:4

O wowango ihititi Una o Demoino, de o wowango gea o dararono abe yahitararono o nyawaika.

Yohanese 1:5

De ma dararono gea ihitararono o fufutu ma goronaka abe ko idadiua o fufutu gea yahohonenge.

Yohanese 12:31

Adonoka ma oraha o dunia ma hohowono, abe ma oraha naa de idadi Ma Jou wohikala ena gea abe o dunia apareta.

Yohanese 12:43

Hokogea manga hawana done o higiriiri o nyawaino ko yamakeokaua. Angamoi ngaro o higiriiri yamake Ma Jouino ma, ka o higiriiri o nyawainohi duru yoigo.

Yohanese 12:46

Ngohi toboa o duniauku naa hoka o dararono abe o nyawa tahitararono la onagona dika ihingakuoka, ona gea ko yomanoakaua o fufutuoka.”

Yohanese 5:44

Ngini naa duru nisanangi nimakokogorakiye angamoi o nyawaino dika manga higiriiri nimalingiri. Masara ko nimalingirua o higiriiri ma gou-goungu Unangino gea abe Una dika Ma Jou. Ho nako hokogea ti ngini nia hininga, done sarakia de ka idadi nihingaku Ngohi naa?”

Yohanese 7:17

De ngini ka idadi nihioriki ahi dodotoko Ma Jouoka de aino. Angamoi ngaro onagona dika ma nako yairiki la ato yaniiki to Ma Jou ai hininga, gea ka de yoihene ma titi abe tadotoko onangika de ihioriki gea Ma Jouino dika de ma dodotoko gea ko Ngohinoua dika ma titi.”

Yohanese 7:7

De hokogea angamoi nako ngini naa ko iwa ma titi hiadono o dunia ma nyawa inidohata, masara Ngohi naa ihidohata angamoi ka ihikaika tahidumutu manga datoro itorou ho hiadono ihidohata Ngohino.

Yohanese 8:12

De ahao o Yesusu wahingahuoli onangika abe naga genangoka wato, “Ngohi naa o dunia ma dararono abe o nyawa tahitararono manga wowango. Ho onagona dika ihiniiki Ngohi naa, ona ko yogila-gilakaua o fufutuika masara yamake manga wowango ma ngekomo abe duru de ma dararonoka.”

Yohanese 9:5

De Ngohi naa o dunia ma dararono ho ma oraha Ngohi togogerohi o duniaka naa, o nyawa ka tahitararonohi manga wowangoka.”

Roma 1:32

De gea ma titi o kia hiadono manga datoro hokogea? Bote ma titi ona gea ko ihiorikua abe ahao Ma Jou wahohowono onangika? Koua, ona gea ihiorikoka abe nako Ma Jou ai Pareta, gea itemo ato onagona dika abe yatobaniiki o datoro ma dorou gea de kiani manga hohowono o honenge yadaene onanguku. De ngaro ma pareta ma demo ihiorikoka de itararono, masara ka oko dika yodiai ma dorou. De hongoli ona yosanangi dika nako o nyawa utuoli yotobadiai ma datoro ma dorou gea abe imaketero hoka onangoli ma hirete yotobadiai manga wowangoka. De hokogea o nyawa manga hininga abe ona yoluku yomahuba Unangika abe Una wonatulaadauku, de hiadono yolukoo iwihoromati Unangika. De genangino itararono abe Ma Jou ai hohowono onangika duru itiai de itaana ma titi manga hininga ma datorino.

2 Tesalonika 2:12

De hokogea Ma Jou wahidiai la wato ma bahaika de ona mata-mataika abe ko yangakua ma gou-goungika masara duru yoigo ma dorou yodiai, ona gea ma bahaika de Ma Jou wahohowono.

1 Peturusu 2:8

De naga moiohi ai Demo-demoino abe imakiniiki de itemo ato, “Una gea hoka o hakaru abe idadioka o bebeleke o nyawaika de genangino de ahao ona yorubauku.” Hokogea ma dodihiraino ihitulihukuoka. De genangino inahitararono abe ma titi o nyawa manga hohowono nako ona ko yangakua Ma Jou ai Demo-demoika abe ma titi o Kristusu. Angamoi naga ma hitararono Ma Jou ai Demo-demoka abe inahitararono ma titi o Yesusu Kristusu Una gea Ma Jouoka de waino woboa. Ho onagona dika abe yoluku yangaku ai Demoika gea abe ma titi o Yesusu Kristusu, ona gea imaketero hoka Unangika iwipeleke de yorubauku hiadono manga hingounu ko iwa Ma Jouika. De ona gea ahao kiani manga hohowono yamake abe imaketero hoka ma dodihirainohi Ma Jou wahideeoka onangika. Angamoi gea Una wato nako onagona dika ko yangakua ai Demoika, ona gea ma bahauku de ahao manga hohowono kiani yakokimake.

2 Peturusu 3:3

De naa moi abe kiani ngini duru nihioriki itararono, abe nako nanga Baluhu idodutu ai gahe abe ahao woboali, gea duru wagoungu woboa nako ma oraha adonoka. Masara nako ai gahe gea itigioka, de ma oraha gea ahao naga o nyawa abe yatobaniiki dika to ona ma hirete manga hininga ma hafini ma dorouika. De ona gea ahao yoboaino de duru yomia-mia ma titi ko yongakua abe ahao nanga Baluhu woboali naa o duniauku.