Yohanese 3:17 - Ma Jou ai Demo-demo o Totobelohoka

¹⁷ Angamoi gea Ma Jou wihidingoto ai Ngofaka o duniauku, ko mangaleua ma titi la wahohowono o dunia ma nyawa, masara ma titi la ka idadi to ona manga howono Ma Jouika waofi.”

Yohanese 3:17 ပူးပေါင်းရင်းမြစ်များ

Matiusu 1:23

“Abeika, naga momatengo o moholehe abe muna ko ma iwahi yomakitigi de o nauru. De ngaro hokogea masara muna gea naga de ami badangoka. De muna ahao momagerewoto de ami ngofaka o nauru, De Una gea iwihiromanga o Imanuele.” Hokogea ma dodihiraka Ma Jou ai uru ma dodofanga wohitulihuku. De ma romanga o Imanuele gea nako o Isiraele ma nyawa manga demo ma titi, “Ma Jou ka ihikaika naga de de ngone.”

Matiusu 18:10

De ahao o Yesusu wahitiari onangika wato, “Ho naa tinihitiari moioli abe ma titi o nyawa ihingaku-ngaku Ngohino de abe tahiromanga to Ngohi ahi ngofa-ngofaka la tato ufa ngini niaemono onangika. Abe ngaro o nyawa ihingaku-ngakuoka ma manga gogere ka ma dodipokouku dika, masara ufa niaemono ahi nyawaika. Angamoi tinihingahu abe ona ihingaku-ngakuoka de daku o Horogaka naga to ona manga malaekata abe yatobapaliara onangika. De to ona manga malaekata ka ihikaika naga ahi Baba ai himangoka, ho koaho ngini onagona dika de ufa niaemono to Ngohi ahi nyawaika gea.”

Matiusu 18:11

[“De Ngohi naa o Nyawa ma Ngofaka toboa o Horogaka de tauku la ka idadi o nyawa abe yorehe-rehenoka Ma Jouino ona taduhunu manga howo-howonino.]”

Lukasa 19:10

De duru naa ena ma titi hiadono Ngohi naa o Nyawa ma Ngofaka toboa o Horogaka de tauku, la o nyawa abe yorehe-rehenoka Ma Jouino ona talingirohi de taduhunu manga howo-howonino. De duru gea ena abe idadi nenangoka, abe o Sakeusu ai howono aofioka Ma Jou ai himangoka.”

Lukasa 9:56

Ho ona yogila-gila dika o kapongo moiikali.

Yohanese 1:29

De ma dawangeino o Yohanese wimake o Yesusu woboaino de o Yohanese wahingahu ai doo-dodiawoika wato, “Abeika, Ma Jou ai Domba ka ma ngofakohi, gea Una abe o nyawa o duniaka manga howono Ma Jouika waofi.

Yohanese 10:36

“Ho abeika nimafikirohi ma titi naa Ngohi. Abe Ngohi naa o Baba womadingakoka Unangika de wohihidingoto o duniauku naa. Ma, ka de tinihingahu tato, ‘Ngohi naa Ma Jou ai Ngofaka,’ de ngini niato tingelo Ma Jou. Adodoa ho nihitae niato tingelo Ma Jou?

Yohanese 11:42

De Ngohi tohiorikoka ka ihikaika Ngona nohihigihene, ma Ngohi totemo hokonaa la o nyawa ihigilolitino naa ka de yoihene de yangaku abe Ngona nohihidingoto Ngohi naa.” Hokogea ai gogahoko ma demo.

Yohanese 17:18

Angamoi abe hoka Ngona nohihidingoto o duniauku naa, imaketero hokogea onangoo naa Ngohi tahidingoto o dunia ma nyawaika. Abe imaketero hoka Ngona nohihikarajaanga ho onangoli naa ihigila-gila ani karajaanga gea.

Yohanese 17:21

Ho Baba ona gea takokigahoko la duru yodadioka moi Ngoneoka imaketero hoka Ngona naga Ngohioka de Ngohi naga Ngonaka. Hokogea tagahoko la ahao o dunia ma nyawa yamake manga rimoi manga wowangoka de yangaku abe Ngona igoungu nohihidingoto Ngohi.”

Yohanese 17:23

Ho Ngohi naga onangoka de Ngona naga Ngohioka. De toigo la manga rimoi duru itiai la gea o dunia ma nyawa mata-mataika ka idadi duru ihioriki gea Ngona Baba nohihidingotuku o duniauku naa. Iti ona ihiorikoo ani dora itagi ihingaku-ngakuika imaketero hoka itagi Ngohinoo.”

Yohanese 17:25

“Ngona Baba duru nototiai! De ngaro o dunia ma nyawa ko inihiorikuahi ma Ngohi tonihioriki. De ona naa abe ihingaku Ngohino ona ihioriki gea Ngona nohihidingoto.

Yohanese 17:3

Angamoi o wowango ka hiado-adonika gea o wowango ma gou-goungu abe ona yamake mangale ma titi inihioriki Ngona dika Ma Jou ma gou-goungu. De ona ihihiorikoo Ngohi naa ani Mesia o Yesusu abe nohihidingoto onanguku.”

Yohanese 17:8

Ho abe ani demo nohihidoaka Ngohino gea tahidoakoli onangika. De gea yodafongo dika hiadono ona duru ihioriki Ngona dika nohihidingoto, abe Ngohioo Ngonaka de taino.”

Yohanese 20:21

De o Yesusu wohigalioli walaru wato, “Ngini koaho nigaragoka angamoi ma oraha naa ahi hininga ma miriidi niamakeoka! De imaketero hoka o Baba wohihidingoto Ngohi la o nyawa tahingahu-ngahu ai demo-demo onangika, hokogenangoli nginioo naa tinihidingoto.”

Yohanese 3:34

De mangale o Yesusu gea Ma Jou o Baba wihidingoto, ho to Unangoo ai demo imakadaene de Ma Jou. De Ma Jou ai Womaha woahumu wihidoaka o Yesusika.

Yohanese 5:36

De o Yesusu ka wahitararonohi o Yahudioka manga balu-baluhika gea wato, “Masara abe Ngohi naa todiai, ena gea ihihitaana abe Ngohi naa Ma Jouoka de taino. Ho ngaro o Yohanese ai hingahu gea itiai ma titi Ngohi, masara naga abe ka enangohi abe duru ihihitaana de gea ma karajaanga abe Ma Jou wohihibehehongo la tabooto todiai. Ho genangoo la ihihitaana Ngohi abe Ma Jou dika wohihidingoto nginino.

Yohanese 5:38

De to Una ai demo genangoo ko niodafongua ho hiadono to Una ai demo-demo ko imanoaua ti ngini nia hiningaka angamoi ko ningakua abe wohihidingotino Ngohi naa.

Yohanese 5:45

De o Yesusu wotemo-temo onangika naa ma baha wato, “Ma ufa ngini niafikiri niato bote Ngohi ahao o Baba titutumu la tinihingahu Unangika ma titi nia howono. Koua, ko Ngohiua tinikalaki, ma gea o Musa abe naa o Babaika wihingahu ngini naa nidiai ko itiaiua. Abeika, ngini niato o Musa niwingaku, ho duru nimahinganono unangino abe o duduhunu.

Yohanese 6:29

De o Yesusu wopaluhu onangika wato, “Naa moi duru Ma Jou ai mau ngini nidiai, de gea Ngohi dika nihingaku abe gea Ma Jou wohihidingoto nginiuku naa.”

Yohanese 6:38

Angamoi Ngohi o Horogauku ko toboaua ma titi to Ngohi dika ahi hininga tato taniiki abe toigo todiai, masara naa toboa ma titi Ma Jou ai mau taniiki la todiai, abe gea Una wohihidingoto.

Yohanese 6:40

Angamoi ahi Baba ai mau la ona mata-mata abe yomalega Ngohino, ma titi ihingaku Ngohino, gea ona yamake o wowango ka hiado-adonika de tahimomiki o wange ma bobahaka gea.” Hokogea o Yesusu wahiree-reeika wahingahu.

Yohanese 6:57

Abe imaketero hoka o Baba Una duru o wowango ma titi de gea Una wohihidingoto Ngohi ho o wowango gea naga Ngohiokaoo. De hokogenangoo ona abe ihiolomo Ngohi naa ona ahao ka idadi yowango ma titi Ngohino.

Yohanese 7:29

Ma nako Ngohi, duru tihioriki angamoi gea Una wohihidingoto Ngohi naa abe Unangoka de taino toboa.”

Yohanese 8:11

De muna mopaluhu Unangika mato, “Ahi Baluhu, ko moiokaua angamoi yolioka mata-mata.” De o Yesusu wato, “Nako gea Ngohioo naa ko tonihohowonua. Ho ngona naa ka idadi nolio dika de ani howono itorou gea ibootohi nodiai, kiani gea nanoaka.” Hokogea o Yesusu wohimatoko ai hiokoo ma dora munangika.

Yohanese 8:42

De o Yesusu wahitararono onangika wato, “Nako ngini niagoungu niato ti ngini nia Baba Ma Jou, gea tanu nihiao irahai Ngohi naa, angamoi Ngohi Ma Jouoka de taino hiadono naa naga. De gea toboa ko ma titiua Ngohi dika taputuhu tato toboa. Masara ma titi naa toboa gea Ma Jou o Baba waputuhu wato wohihidingoto hiadono toboa nenanguku naa.”

1 Yohanese 2:2

De Una gea abe wodadioka nanga howono ma bobangu la Unangino nanga howono Ma Jou waofioka. De gea ka to ngoneua dika nanga howono wobanguoka, masara o nyawa duru mata-mataika o duniaka naa de to onangoo manga howono Una wobanguoka. Ho, ahi ngofa-ngofaka o ngongakuoka, ngohi duru toigo la tato ibootohi ngini niahowono.

1 Yohanese 4:14

De naga ma titi moioli abe inahitaana ngoneino ma titi nanga gogao Ma Jouika. De gea abe ngomi ai hidingoto ma nyawa ma dihiraino de to Una ai Ngofaka ngomi wiwimakeoka, ho naa ngomi ka idadi miagou-goungu minihingahu nginika miato Ma Jou o Baba wihidingoto ai Ngofaka la wodadi o duniaka naa nanga Duduhunu.