Yohanese 21:9 - Ma Jou ai Demo-demo o Totobelohoka

⁹ Ka de ona youtiha de yamake o uku genangoka abe ma ngabohokahi de naga o ukuoka o nawoko iharongika de nagali o roti.

Yohanese 21:9 ပူးပေါင်းရင်းမြစ်များ

Matiusu 4:11

De gea ahao o Ibilihi ma haeke iwinoaika ho isoboka. De naga Ma Jou ai momalaekata yoboa Unangino la iwiduhunu o Yesusu ma ngioka gea.

Maruku 8:3

De nako ona gea ko hahiolomua de ona ka de manga hafinokahi de tahuloko yokokilio, de ahao done manga hininga ka ihihihanga, de utu kohagurutika manga dodagi.”

Yohanese 18:18

De duru imaata o futu gea ho naga o uku yomadauliye o tau ma loaka gea abe o nyawa yomarau-raukika genangoka. De naga yomarauku o ukuika o Yahudi ma nyawa manga dimo-dimono de yamuruono naga abe yoleleani o tauoka gea. De o Peturusoo womahisapurika onangoka ho unangoo womaraukika.

Yohanese 21:10

De o Yesusu wahuloko onangika wato, “Nia nawoko abe niahomaino, gea utu niaoino.”

Yohanese 21:13

De ahao o Yesusu o roti gea waleino de homoi-homoiika wakokabelaka. Ka de o roti wahikokidoaka ibootino de ahao ma nawokoli gea wagorakino de wahikokidoakoli.

Yohanese 21:8

Masara, o Peturusu ai dodiawo utu iwihidoduruiha de manga ngotiri yomahioru ho manga homa ka ma moi ihidatauru angamoi aomangoka de o nawoko. Ma ko ikurutihaua ihidatauru manga homa angamoi kangano manga gurutoko ngade-ngade o metere o ratuhu moi dika.

Yohanese 6:11

Ho naa ka de yokokigogerukuoka de o Yesusu waleino o roti motoa gea de wohitarimakaseokahi Ma Jouiye, de ahao wahidoaka iwinii-niikika ho onangoli yahidoaka homoi-homoiika o nyawa mata-mataika masara gea ko yamataua ma roti. De o nawokoli o Yesusu wahiaturu yahikokidoaka homoi-homoiika o nyawa mata-mataika hiadono yakokipunuhoka.

Yohanese 6:9

“Naga o ngofaka womatengo naa ai bilaono naga, masara ai roti biaha abe ma gahumu motoa dika, de nagali ai nawoko ka o ngai hinooto dika, ho duru ko kiaua adaene de o nyawa naa manga ngoe.”