‘Ngini abe o Beteleheeme ma kapongo ma nyawa, Ngaro o Yehuda ma tonaka ma kapongo mata-mataika, Ma ka ti nginiohi nia kapongo ma gogere itipokouku, Masara Ngohi ahao tinihikurutiye, Angamoi ahao naga womatengo nginino abe wodadi o Koano, De Una ahao duru wagoana irahai ahi nyawa, o Isiraele ma nyawa, Abe imaketero hoka o domba ma gogoana duru watobagoana irahai ai duduono gea.’” Hokogea manga hohidimono iwipaluhu o Herodesika de yapake o Mika ai hingahu ma demoino abe ma titi o Koano Ma Jou wonahibehehongoka.
Yohanese 21:16 - Ma Jou ai Demo-demo o Totobelohoka16 Ka de gea wotemo ibooto de o Yesusu wilehali o Peturusika wato, “Simono, to Yohanese ai ngofaka, igoungu ngona nohidora Ngohi?” De o Peturusu wipaluholi o Yesusika wato, “Ahi Baluhu, Ngona nohioriki igoungu tonidora.” De o Yesusu wihibehehongo o Peturusika wato, “To Ngohi ahi domba napaliara.” အခန်းကိုကြည့်ပါ။ |
Yohanese 21:16
18 ပူးပေါင်းရင်းမြစ်များ
“De ahao o dunia ma amokika yokokiboaino o nyawa mata-mata abe o dutu homoi-homoiino de yomatoomuino to Ngohi ahi himangoka. De yatoomuinoka de ahao Ngohi tatailako ona homoi-homoiika la ahi dailakoino de tahikatingaka la idadi manga doomu hinooto. De gea tahikatingaka imaketero abe hoka womatengo wotobagoana o domba de o kabingi de una wahikatingaka ma kabingi ma dombaka de aino la naga ma domba iree-ree o duduono moioka de nagali o duduono moi abe o kabingi dika.
De abe ma oraha o Kayafasa unangoo wileha o Yesusika de o Peturusu naga womaraukikahi o ukuoka gea. De genangoka naga o nyawa iwileha unangika ato, “Igoungu ngona eko ko ngonaua abe biaha de ani dodiawo ngini niwinii-niiki o Yesusu gea?” De o Peturusu woluku womahingahu ho wopaluhu wato, “Ko ngohiua.”
Ma ka de wihulokoli hokogea de o Yesusu wilehali o Peturusika wato, “Simono, to Yohanese ai ngofaka, ngona nagoungu nohidora Ngohi?” De o Peturusu naa ai hininga duru ihuhaka ma titi naa ma hangeou o Yesusu wileha wato, “Igoungu ngona nohidora Ngohi?” Ho o Peturusu wopaluhu o Yesusika wato, “Ahi Baluhu ko iwa moi la Ngona ko nohiorikua, ho ka Ngonahi nohioriki abe tagoungu tonidora.” De o Yesusu wihibehehongoli wato, “Ngona kiani ahi domba natofo.”
“De naa tinihitiari moi nginika! Abe ngini kiani nimagoana ngini ma hirete done nirehene Ma Jou ai ngekomoka de aino. De nginioo kiani niagoana nia gogianongoru mata-mataika abe Ma Jou o Womaha winihitagongoka nginika la ngini nidadioka to ona manga gogoana ma nyawa. Ho Ma Jou ai gareja ma nyawa ona gea kiani ngini niapaliara irahai, angamoi Una womaijaino ai nyawa de wofangu de to Una ma hirete ai awunu!
De naa ngohioo tinigahoko Ma Jouiye ma titi ngini, abe ka Una dika ka idadi wonahiriidi to ngone nanga hiningaka la hiadono nanga hininga iriidi Unangoka. De nako Una gea, Unangoo Ma Jou abe wodafongo nanga Baluhu idodutu o Yesusu ai awunu abe Una womahihubaka. De gea ai huhuba ipahaino de ahao wihimomiki o Yesusu ai honengino. De ai momomikino gea de wohitunguu abe to Una ai behehongo ma hungi imulaengoka, abe ai behehongo ngoneino gea ko ihibobahaua masara naa de ka hiado-adonika. De gea wigorakoka o Yesusu la wodadi to ngone nanga hihira de nanga gogoana wokokurutiye, abe ka idadi homahiketero ngone naa abe ngone hoka ai domba o duduono moi ho Unangika ka idadi hihiromanga nanga Domba ma Gogoana abe duru wokokurutiye. De Unangika gea abe ngohi tinigahoko ma titi ngini.
Angamoi igoungu ngini ma dihiraino de nimakitingakoka Ma Jouoka de aino. De gea ka idadi tinihiketero hoka o domba o duduono moi abe nirehenoka nia dodagioka de aino. Masara naa inihiboakali ti ngini nia Gogoanika, abe o Kristusu Una gea winitobagoana de winitobapaliara ti ngini nia hininga homoi-homoiika. Ho irahai nako nginioo ma oraha inihikangela nginika de nimaaduru hoka o Kristusoli la ko iwa nia hibalaha ma dorou o nyawaika.
Ho naa ngohi tinihigaro ngini o gareja ma hihiraika la ngini niagoana de niapaliara Ma Jou ai nyawa abe naga nia doomuoka. Abe onangika niao imaketero abe hoka ngini o domba ma gogoana de ona gea yodadi nia domba ma duduono. De abe niatobahiaturu onangika, gea nia tagongo ufa niaetongo niato o hiribuutuino hiadono gea ngini nidiai, masara koaho ngini nia hiningaka de duru niomagawe nia tagongika gea. Angamoi nako naga nia hininga ma magawe enangika, gea nianiiki Ma Jou ai mau nginika. De ufa nia tagongo nidiai ma titi nia gaji ma tiwi niohafini genangino, masara koaho gea nidiai angamoi doka nia hiningaka de nimatemo niato, “Ngohi naa duru toigo la tileleani dika Ma Jouika.”
De gea manga kangela ko iwaka angamoi ma titi o Domba ma Ngofaka abe womaokoino ma kaderaka gea, Una ma hirete ahao wodadi manga gogoana de wahihira-hira abe hoka o domba ma gogoana womatengoani wahihira-hira ai domba. De gea Una wahihira ai nyawa de wao o akere ma jobuubuika abe nako ma akere genangino yaokere de gea yamake o wowango genangino. De Ma Jou Una ahao manga koongo mata-mata abe manga lakoka de aino gea wakokiehe, angamoi genangoka de imahikaika duru ko iwaka manga kangela de manga huha.” Hokogea ai hitararono ma demo ngohino abe ma titi o nyawa ko manga ngoe gea abe naga to Una ai kadera ma hohailoaka.
ကြော်ငြာတွေ