Yohanese 20:19 - Ma Jou ai Demo-demo o Totobelohoka

¹⁹ De duru o wange gea o Gareja ma wangeoka abe ahao ifutuku, de o Yesusu watutumu ona abe naa ma dekana iwitobaniiki. O futu gea ona yomatoomuino o tau moioka de angamoi yamodongo o Yahudi ma nyawa manga balu-baluhika ho o tau ma ngorana yakokikusioka. Masara ka itodokanino de o Yesusu naga o tau ma goronaka gea, womaokoino manga hidogoronaka de walaru onangika wato, “Ngini koaho nigaragoka, angamoi naa ahi hininga ma miriidi niamakeoka!”

Yohanese 20:19 ပူးပေါင်းရင်းမြစ်များ

Matiusu 10:13

De nako ona igou-goungu yao itiai manga wowango, ahao nia hiowa ma gogahoko yamake ona gea. Masara nako hiadono ngini niamake abe manga wowango yao ko itiaiua, gea ngini ahao kiani niagahokoli Ma Jouika la to Una ai hiowa gea ko yamakeuali.”

Matiusu 18:20

Angamoi o kiaka dika naga abe inihinooto eko inifoloi abe nimatoomuinoka la niato to Ngohi ahi hininga nianii-niiki, de genangoka Ngohioo naga ti ngini nia hidogoronaka ho ka idadi tiniduhunu.”

Maruku 16:14

De ipahaino de o Yesusu womahimatokoli abe iwinii-niiki yangimoi de yamoiika. Abe ona gea yolomo manga gogiriaka de onangika womahimatoko de wataere wato, “Ngini naa marai nia ngongaku ikuranga. De adodoa ho kangano manga demo ko niangakua abe ma titi Ngohi tomomikoka? Abe ona ihimake de inihingahu ma gea ngini ko niodafongua. Maraioka ngini nia pea ka itogowinohi, e?”

Yohanese 14:27

“De naa ahi hidoaka nginika gea o dame, gea to Ngohi ahi dora ma dame tinihidoaka nginika. Ahi hidoaka gea ko imakadaenua abe hoka niamake o duniaka. Ho ngaro ufa nimahigunoa nia hininga ma dumutu o huhaika, de abe ahao niaohana ngaro ufa niomodongo genangika.”

Yohanese 16:22

De imaketero hokogea idadi nginioka abe naa ma oraha nginioo nia hininga duru ihuha masara ahao homakamakeokali de duru nia hininga akokilufungoka de o garago. De gea ko moiua ka idadi apoa iniora nia garago gea.

Yohanese 16:33

“Ahi hingahu mata-mata naa tinihingahu nginika la ti nginioo nia hininga de ma miriidi angamoi nigogere Ngohioka. Ho nia miriidi gea naga ngaro nigogerohi o duniaka naa, de ngaro kiani o huha niamake. Ho ufa nia hininga aliko o huhaika gea! Kiani nikokisanangi dika! O dunia ma kangela naa Ngohi tohikalaka la nginioo ka idadi nilaku.”

Yohanese 20:21

De o Yesusu wohigalioli walaru wato, “Ngini koaho nigaragoka angamoi ma oraha naa ahi hininga ma miriidi niamakeoka! De imaketero hoka o Baba wohihidingoto Ngohi la o nyawa tahingahu-ngahu ai demo-demo onangika, hokogenangoli nginioo naa tinihidingoto.”

Yohanese 20:26

De naa ma futu tumidi ipahaika ho o Gareja ma wangeokali abe ifufutukuoli. De ona abe iwitobaniiki o Yesusu yongodumu yomatoomuinoli o tauoka gea de o Tomasa unangoo naga onangoka. De ngaro yomahidukusiokahi ma goronaka masara ma moioli o Yesusu woboa de womaokoino manga hidogoronaka de wotemo wato, “Ngini koaho nigaragoka angamoi naa ahi hininga ma miriidi niamakeoka!”

Yohanese 21:1

De ipahaino o Yesusu womahimatoko ma moioli ona iwitobaniikika. De gea womahimatoko o Tiberia ma akere ma ngooto ma datekoka abe ihiromangoli o Galilea ma akere ma ngooto. De ma oraha womahimatoko hokonaa ma ade-ade.

Yohanese 21:14

Gea o Yesusu womomikoka ai honengino de naa ma hange ibooto womahimatoko ona iwitobaniikika.

Yohanese 7:13

Masara o Yahudi ma nyawa gea ko moiua yamoroini yaamo-amokiye yotemo angamoi duru yamodongo manga balu-baluhika.

Hidingoto 1:3

Abe Una iwihikangela de iwihohonenge de hiadono womomiki ai honengino. Masara gea ipaha de ahao Una ai futu moruatino de ma ngoe womahimatoko iwinii-niikika la womahitaana abe Una ka wowangoli. De gea ma oraha womahimatoko onangika de ka ihikaika wahitararono abe ma titi hokokia Ma Jou wahikoano ai nyawaika.

Roma 15:33

De naa ngohi tinigahoko Ma Jouika la Una ka ihikaika naga ngini homoi-homoioka, angamoi ka Unangoka dika nanga hininga ma miriidi ma titi. Amin.

1 Korintusu 15:5

Womomiki ipaha de Una womahimatoko o Peturusika, de ahao o Peturusu nagali yangimoi de yahinootoka de Una womahimatokoli iwinii-niikika abe yahiromanga yangimoi de yahinooto.”

Efesusu 2:14

Angamoi o Yesusu Una gea igoungu nanga dame ma titi, abe Una gea wonahikadameoka ngomi de abe ngini ko o Yahudi ma nyawaua la gea hodadi o badanga moi. De naa tonaleha, sarakia o Yesusu Kristusu wodiai la wonahikadame ngini de ngomi de hiadono hodadi moi Unangoka? De gea ka idadi wonahikadame abe ma titi wohibobaha o Musa ai Pareta abe to ena ma hiaturu de ma huhuloko naga kohangoe. De ma Pareta gea Una wohibobaha abe ma oraha ai badanga womahidoaka la wonahihupu to ena ma kuahaino. Angamoi mangale ma titi ma Pareta gea ma dodihiraino ho hiadono ngone ka ihikaika homakodohata, de nanga dohata gea idadi hoka o hikatingaka ma dadatoko. Masara gea nanga dohata Una wohibinaahaka la wonahikadame ngone. De gea ka idadi hohiketero hato Una gea hoka wohiwederoka ma dadatoko abe nengokadauino gea inahikatingaka ngomi de ngini. De gea wohibobaha angamoi ai hininga ma dumutu la ngaro ngini abe ko o Yahudi ma nyawaua de ngaro ngomi o Yahudi ma nyawa, masara Una woigo la nanga doomu hinooto de naa wonahidadi ka o doomu moi dika abe ngone homoi-homoi nanga gogere ma hungi de gea hokokigogere Unangoka dika. Abe Una wato ko idadiua ngone to Una ai nyawa o doomu hinooto abe to ngone nanga nganganono de nanga hininga imaketemomomoi, masara ai hidee la ngone mata-mata duru hoimoi dika nanga hininga ma dumutu. Ho duru ma titi Unangoka hiadono ngini de ngomi wonahikadameoka.

Efesusu 6:23

De naa ngohi tinigahoko Ma Jou nanga Babaika de nanga Baluhu idodutu o Yesusu Kristusika la Una ahao winihidoaka o hininga ma miriidi ngini ahi gogianongoru mata-mataika. De tinigahokoo la ngini nimakodora de niwingaku ka ihikaika Unangika.

Filiipi 1:2

De ngohi naa tinigahoko nanga Baba Ma Jou de nanga Baluhu idodutu o Yesusu Kristusika, la ahao ma owa de o hininga ma miriidi, abe Ma Jouoka de aino, ahao winihidoaka nginika.

2 Tesalonika 3:16

De naa ngomi minigahoko nanga Baluhu idodutuika ma titi ngini, abe Una gea nanga hininga ma miriidi ma titi. De gea minigahoko la ahao ngaro o kia dika niohimanga masara Una ka ihikaika winihidoaka nginika o hininga ma miriidi. De minigahokoo la nanga Baluhu idodutu Una gea ka ihikaika naga nginioka mata-mata.

3 Yohanese 1:14

De gea ngohi tonganono abe duru ko itedekanokaua de ahao ka idadi homakamakeoli ngona de ngohi, de gea ahao ka idadi homarihimanga de homakoketemo.

Himatoko 1:4

De naa ngohi o Yohanese tinihurata abe ngini ahi gogianongoru o gareja tumidika, de abe nia gareja ma doomu tumidi gea naga nimanoa o Asia ma propinsioka. De ngohi tinigahoko Ma Jouiye de tonganono la to Una ai owa de ai hininga ma miriidi winihidoaka nginika. De Una gea abe ma oraha naa Una nagahi, de Una ngaro ka hiado-adonino ma Una nagau, de ngaro ka hiado-adonika ma Una gea ka wowangohi. De to Una ai kadera duru ma hohailoa ma himangoka de naga genangoka Ma Jou o Womaha ko wokurangua ma duru wongodu-ngodumu.