Yohanese 20:16 - Ma Jou ai Demo-demo o Totobelohoka

¹⁶ Masara Una gea o Yesusu ho womiahoko dika ami romangika wato, “Maria.” Ka de womifetongo hokogea de duru midodiaiika mihimanga o Yesusika de motemo de o garago ma demo mato, “O Rabuni!” abe nako o Yahudi ma nyawa manga demo, o romanga gea duru de ma horomatioka abe yapake manga guruika.

Yohanese 20:16 ပူးပေါင်းရင်းမြစ်များ

Dodadi 22:1

De ipahaika Ma Jou o Abarahaama ai ngongaku wataili. De hokonaa ma ade-ade: Ma Jou wiahoko wato, “Abarahaama!” De o Abarahaama wopaluhu wato, “Ngohi naga nenangoka.”

Dodadi 22:11

Masara ka de o Abarahaama ai gakana wagorakiyeoka de itodokanino naga o dihanguku Ma Jou o Yawe ai malaekata womatengo waamokiye wiahoko wato, “Abarahaama, Abarahaama!” De una wopaluhu wato, “Ngohi naga nenangoka.”

Dodadi 45:12

De ahao o Yusupu wahibehehongo onangika wato, “De ngini ahi ria-riaka naa abeika nihitailako ngohi, de ngonaoo, ahi dodoto o Benyamini, ngonaoo nohitailako nako ngohi nihihioriki eko koua. Marai ahi demo dika de ngini nihihiorikoka ngohi igoungu o Yusupu.

Huhupu 3:4

De wohitigi-tigika de Ma Jou wimake o Musa woboaino de witemo unangika de ai ilingi ihupu o gota gea ma dokara ma goronaino wato, “Musa, Musa!” De o Musa wopaluhu wato, “Iya, ngohi naga.”

Huhupu 33:17

De Ma Jou o Yawe wipaluhu wato, “Ngohi ahao todiai la duru taniiki ani gogahoko Ngohino. Ho Ngohi ahao tininiiki ngini angamoi ngona, Musa, duru tonihioriki hiadono ani romangika tonifetongo de tomalega ngonaika de duru ngona nohihisanangi.” Hokogea Ma Jou wohigihene o Musa ai gogahokika.

Matiusu 14:27

Masara ka de yopoaka de o Yesusu wotemo onangika wato, “Ngohi naa, ho nimatotomoroini dika, ngaro ufa de nihimodongo.”

Maruku 10:51

De wiadonoka de ahao o Yesusu wileha unangika wato, “Ngona o kia nomagahoko Ngohino la nato toniduhunu?” De worafi-rafi gea wipaluhu wato, “Ahi Baluhu, duru toigo tomahioriki.”

Lukasa 10:41

Masara o Yesusu womipaluhu wato, “Ngohi ora, o ngo Marata, ngona ka nopusingiholi de ani hininga aruwaeoka angamoi nafikiri ma titi ma ngoeika.

Yohanese 1:38

Ho o Yesusu wadogilioro de ona wamake iwihidoduruino de waleha onangika wato, “Hobata, ngini naa nialingiri o kia?” De ona iwipaluhu unangika ato, “Mia Guru, minileha dika, o kiaka ngona nogogere?”

Yohanese 1:49

O Yesusu ai demo gea woihene de o Natanele wohidemo de ai heranga ma demo wato, “Mia Guru, gea mata-mata nohioriki e? Ngona igoungu Ma Jou ai Ngofaka. Ngona o Isiraele ma nyawa manga Koano!”

Yohanese 10:3

Ho ka de una woboa o kurunga ma ngoranino de womatengoli abe naga wogoana ma ngoranoka, una ka wibelenga o ngorana la wowohama dika o domba ma gogoana ma dutu gea. Ho de womahiadonika ma ngoranino de ai ilingi o domba gea iwigihene. De ahao to una ai domba ma romanga homoi-homoi wafetongo de homoi-homoi ikokiboaino de ahao wohihira-hira la wohihupu ma kurungaino.

Yohanese 11:28

Gea o ngo Marata motemo ibooto de ahao moiki momigilio ngomi dodotika, o ngo Maria gea, de momitauru de momihihuduika dika munangika mato, “Nanga Guru woboaka de wonibehehongo.”

Yohanese 13:13

Abeika, ngini naa nihihiromanga niato, ‘Mia Guru,’ eko ‘Mia Baluhu,’ de nako hokogea nitemo Ngohino gea nihihitaana igoungu.

Yohanese 20:28

De o Tomasa wipaluhu o Yesusika wato, “To ngohi ahi Baluhu de to ngohi ahi Jou!”

Yohanese 3:2

Ho o futu-futuoka de o Nikodemusu woboa o Yesusino de wotemo Unangika wato, “Guru, ngomi mihioriki gea Ma Jou wonihidingoto ngomino mangale miamake to Ngona ani dodunguu. Angamoi ko moiua ka idadi yodiai o heheranga abe hoka Ngonali nodiai nako ko Ma Jouokaua de aino.” Hokogea o Nikodemusu ai demo.

Yohanese 5:2

De o Yerusaleeme ma kota naga ihigilolitino de o dadaduhu iputurungu ho o ngorana muruono naga de naga ma ngorana moi ihiromanga o Domba ma Ngorana. De ka de o nyawa yowohama o Domba ma Ngoranino de manga datekoka yamake o taaga ma amoko de ma taaga gea yobaakino. De o Yahudioka manga demo ihiromanga o Betesa, abe ma titi o dora ma hiokoo ma taaga. De ma taaga gea ihigilolitoka o tau motoa, ma gea hoka o tau ma punga dika imadiai.

Yohanese 6:25

Ho ka de yomahiadonika doka o Kapenaumoka de iwimake o Yesusu genangoka de iwileha ato, “Guru, ka furuono noboaino nenangino?”

Hidingoto 10:3

Ho o wange moiuku abe ngade-ngade o takoro hange o bimaowaka de una wamake o himatoko moi abe Ma Jou ai malaekata womatengo naga woboa unangino. De ma malaekata gea wiahoko unangika wato, “Koroneliusu!”

Hidingoto 9:4

De una worubauku ma tonakuku de ahao woihene o ilingi itemo unangika ato, “Saulusu, Saulusu! Adodoa ho ngona nohihikangela Ngohino ma titi ani datorino?”

1 Samuele 3:10

De ahao naga ma himatoko abe hoka Ma Jou o Yawe womaokoino genangoka de o Samuele wiahokoli imaketero hoka kanganoli, wato, “Samuele, Samuele!” De o Samuele wopaluhu wato, “Ngona Ma Jou o Yawe nohitemo dika ngohino de ani gilaongo naa tonihigihene.”

1 Samuele 3:6

De ahao Ma Jou o Yawe wiahokoli unangika wato, “Samuele!” De ma moioli o Samuele womataiti womomiki de womapopaatoli o Eli ai kamarika de ma moioli wotemo, wato, “Ngohi naga! Ahi baluhu nohiahokino la ka idadi toniduhunu de o kia?” De o Eli wipaluholi unangika wato, “Ahi ngofaka, ngohi ko toniahokua, nolio nomaidu dika ani ngioka.” Hokogea o Eli wihuloko dika ho naa o Samuele wolioli ai ngiika de womaiduokali.