Yohanese 20:14 - Ma Jou ai Demo-demo o Totobelohoka

¹⁴ Muna motemo ibooto de gea momaidulu de o Yesusu naga womaokoino ami datekoka masara ko mihiorikua abe gea Una.

Yohanese 20:14 ပူးပေါင်းရင်းမြစ်များ

Dodadi 42:8

De o Yusupu duru wahiorikoka ona gea ai ria-riaka, masara ona ko iwihiorikokaua to ona gea manga dodoto.

Matiusu 28:9

De manga dodagi ma gogiriakahi de ka itodokanino de yomakamake de o Yesusu. De Una wotemo wato, “Ho duru nisanangioka dika!” De ona yomahitigi Unangika de yatilabukuku la ka idadi iwiso ai louika de yomahuba-huba Unangika.

Maruku 16:12

De ahao o Yesusu womahimatokoli ai dodiawo yahinootoikali. Abe ai dodiawo yahinooto gea, ona yohupuoka ma kotaino ho yoiki ma hoanika. De manga dodagi ma goronaka de o Yesusu womahimatoko onangika, masara iwimake hoka o nyawa moioli, abe ai rupa hoka ma dihiraua.

Maruku 16:9

Ho o Gareja ma wange ma ngoru-ngorumino gea de o Yesusu womomikoka ai honengino. De womomiki ipaha de womahimatoko ma ngoe, masara ihira womahimatoko o ngo Maria Madalenaika. Abe muna ma dihira o Yesusu wohititoko o tokata tumidi munangino.

Lukasa 24:16

De ona ka idadi iwimake masara ko iwihiorikua angamoi imaketero hoka manga lako atatokohi la ufa iwihioriki gea o Yesusu.

Lukasa 24:31

De ka de ai datoro gea yamake de manga hininga ma lako ko atatokokaua ho duru itararono iwihioriki Unangika. Masara ka de iwihioriki de Una ka aiaho, ko iwimakeokaua!

Lukasa 4:30

Masara o Yesusu Una ka woiki o nyawa manga biri-birinoka gea manga hidogoronaino de wanoaika wosobo o ngi moiikali.

Yohanese 21:4

Ho duru o ngoru-ngorumino yolio de yoboaiha de o Yesusu naga dina o dowongioka ho iwimake womaokoino genangoka masara ona ko iwihiorikuahi gea Una.

Yohanese 8:59

Ka de hokogea o Yesusu wotemo de o Yahudi ma nyawa gea manga hakaru yomulaenge yomagoraka ato iwihohonenge. Masara ka de hokogea yomagoraka o hakaru de ka itodokanino de o Yesusu ko iwimakeokaua angamoi woiki, Ma Jou ai Tau ma loaka de waino wohupuoka.