Yohanese 19:7 - Ma Jou ai Demo-demo o Totobelohoka

⁷ Masara o Yahudi ma nyawa manga ngoe gea iwiribuutu o Pilatusika ato, “Masara naga to ngomi mia pareta abe nako o nyawa iwingelo Ma Jouika kiani yohonenge ho kiani haniiki mia pareta gea angamoi Una womafetongokau wato, ‘Ngohi naa Ma Jou ai Ngofaka.’”

Yohanese 19:7 ပူးပေါင်းရင်းမြစ်များ

Yesaya 53:4

De duru igoungu gea una abe womahimoku to ngone mata-mataika nanga bole-bole. De to ngone nanga huha una wale de womahitouna. Masara ka de ngone himake una abe ai kokangela ma goronaka de hato marai ai howono naga. De gea ma titi Ma Jou wihipoha de o hohowono ho gea hiadono Ma Jouoka de aino o kangela ma ngoe iwidaene unangika.

Maruku 15:39

De naa abe o Yesusu ai gota isosalioainoka nagali womatengo abe o Roma manga tentara manga baluhu abe ai kokawaaha yaratuhu moi, ho unangoo naga o Yesusu ai gotaka. De una wimake o Yesusu hokokia wohonenge de wotemo wato, “Duru igou-goungu Una gea to Ma Jou ai Ngofaka.”

Yohanese 19:8

De o Pilatusu wohawanoka o Yesusu wihohonenge, ma ka de woihenoli o Yesusu ai demo abe wato Una Ma Jou ai Ngofaka de ai hawana ka idogo.

Yohanese 5:18

Ho ka de o Yesusu ai demo gea yoihene de o Yahudi ma nyawa manga balu-baluhu gea duru idogo iwidohata hiadono iwihidee ato kiani iwitoma. Ona iwihidee ato iwitoma angamoi ma titi hinooto, moi manga bohono watilakuroka abe ko idadiua yokarajaanga o Hiaini ma wangeoka. De utuohi o Yesusu wifetongo Ma Jou, wato “Ahi Baba” hoka ma titi womahingahu wato yomatoteroino Una de Ma Jou. Gea ma titi hiadono ona yomakoketemo ato, “Kiani hitoma la hiadono wohonenge.”

Hidingoto 18:13

De ahao iwitae unangika ato, “Una naa ka ihikaika wahigaro o nyawaika la yomahuba-huba Ma Jouika. Masara abe o nyawa yomahuba-huba Ma Jouika gea ma hiaturu imakalawana de to ngone nanga pareta, ho una watilakuroka ma pareta de kiani iwihohowono!”

Roma 1:4

Masara Una ka o nyawa biahaua dika, de gea hohioriki angamoi ipahaino de Ma Jou o Womaha abe duru wotebi-tebini wihimomiki nanga Baluhu idodutu o Yesusu Kristusu ai honengoka de aino. De abe ma oraha womomiki, genangoka de o Yesusu duru iwihitaana abe Una gea Ma Jou o Ngofaka duru de ai kuahaka. Ho o Abari ma Rorahai abe ngohi tatobahingahu-ngahu o nyawaika, ma abari gea duru ihititi nanga Baluhu idodutu o Yesusu Kristusoka.