Yohanese 19:40 - Ma Jou ai Demo-demo o Totobelohoka

⁴⁰ De nagali ona iwigao o ngoere ma rorahai ma bela-belaka abe ma guru-gurutu, abe gea o Yahudioka manga biaha yapake la manga honenge ihihawo. Ho yahinooto gea o Yesusu ai honenge yaleoka ho o muuru de o bokuwini gea ka ma moi iwihidahawo de o ngoere ma bela-belaka. Hokogea yodiai de o Yesusu ai honenge iwihihawoka la duru yaniiki itiai o Yahudi ma nyawa manga hirahi nako yalungunu o nyawa manga honenge.

Yohanese 19:40 ပူးပေါင်းရင်းမြစ်များ

Dodadi 50:2

De ipaha de wohiaturu la o Yakubu ai behehongo waniiki abe kiani iwilungunu o Makapela ma aruku ma goronaka abe o Kanani ma tonakoka. Ho ai baba ai honenge wohidoaka ai duduhunika abe yososawaro o nyawa manga honenge yotobahidiai la ufa yowedere. Onangika wahuloko la ai baba iwihidiai ai honenge la ko wowederua.

Matiusu 26:12

De muna mohihituagi de ma minya la mato ngaro ko ihilungunuahi ma ahi badanga mohidiaiokau.

Maruku 14:8

O ngofeka naa modiaioka abe gea makunu modiai, abe mohituagioka ahi badangino. Ngaro ko ihilungunuahi masara muna moboa la mato ahi badanga mohidiaioka abe hoka imakiniiki de to ngone nanga biaha ma titi o honenge.

Lukasa 24:12

Masara o Peturusu una womaokoino de wosoboka womapopaata o lungunika. De womahiadono de womaponuku la watutumu doka ma goronaika. De genangoka wamake ka o ngoere ma bela-belaka dika abe o Yesusu ai honenge ma hahawoino. Ho una ka wolio de duru woheranga abe ma titi o kia idadioka.

Yohanese 11:44

De o Lasarusu ai lungunino wohupuoka. Masara ai giama de ai lou mata-mata adeho-dehorinohi de o ngoere ma belaka, de ai peaoo adehorokahi de o ngoere. De o Yesusu wahuloko onangika wato, “O ngoere gea niwihoheoka la niwihiluasika!”

Yohanese 12:7

De o Yesusu witaere o Yudasika wato, “Nominoaika dika muna gea! Abe muna modiaioka Ngohino, gea modiai mangale mohidiaioka ma minya la ihihiehe ma oraha ihilungunu Ngohi.

Hidingoto 5:6

De ahao o goo-goduuru yamuruono naga yoboaino de iwidehoro de o ngoere, de ipaha iwiao ma hoanika la ai honenge yalungunu.